landhooinfo

2009-03-05T11:59:00.006+05:00

ލަންދޫއިންފޯ ވެބްސައިޓް އިފްތިތާޙް ކުރުމާއެކު މި ބްލޮގް މިހިސާބުން ކުރިއަށް ގެންދިއުން ހުއްޓާލި ވާހަކަ ދަންނަވަމެވެ

ލަންދޫއިންފޯ.ކޮމް އިފްތިތާޙް ކުރުމާއެކު 26 ޖުލައި 2008 ( މިނިވަންދުވަހު ) ފެށި ލަންދޫއިންފޯ.ބްލޮގްސްޕޮޓް.ކޮމް މިހިސާބުން ކުރިއަށް ގެންދިއުން ހުއްޓާލި ވާހަކަ ކިޔުންތެރިންގެ މަޢުލޫމާތަށްޓަކައި ދެންނެވީމެވެ. ލަންދޫއިންފޯގެ ފެށުމަކީ މި ބްލޮގު ކަމަށްވެފައި ކިޔުންތެރިން މި ބްލޮގަށް ދެއްވި ތަރުހީބަށާއި މިބްލޮގް ފަރުމާކޮށްދެއްވިފަރާތަށް ނުހަނު އިޚްލާޞްތެރިކަމާއި އެކު ޝުކުރު ދަންނަވަމެވެ. ﷲ ގެ ވާގިފުޅާއެކު ދިވެހިރާއްޖޭގެ ޤައުމީދުވަހުގެ މުނާސަބަތާއި ގުޅުވައިގެން ( ޤައުމީދުވަހު ) ލަންދޫއިންފޯ ވަނީ ލަންދޫގެ ފުރަތަމަ އޮފިޝަލް ވެބްސައިޓްގެ ގޮތުގައި ދުނިޔެއަށް ނޭވާލާފައެވެ. އަދި ލަންދޫއިންފޯގެ ޓީމުން އުންމީދުކުރަނީ މިމަސައްކަތުގައި ލަންދުއަށް ހެޔޮއެދޭ ލަންދޫގެ ހީވާގި ތަޢުލީމީ ޤާބިލްދަރިން އަޅުގަނޑުމެންނާއި އެއްބާރުލުން ދެއްވާ އެހީތެރިވެދެއްވާނެކަމަށެވެ.
ވޭތުވެދިޔަ މުއްދަތުގައި ލަންދޫއިންފޯއަށް ލިޔުންތައް ފޮނުއްވެވި ފަރާތްތަކާއި އަދި ލިޔުންތައް ބެއްލެވި ފަރާތްތަކަށް ނުހަނު ގިނަގުނަ ޝުކުރު އަރިސްކުރަމުން ކުރިމަގުގައިވެސް އެފަދަ ލިޔުންތަކަށް މަރުޙަބާކިޔާނެވާހަކަވެސް މިފުރުޞަތުގައި ފާހަގަކޮށްލަމެވެ.
މިބްލޮގް މިއަދާހިސާބަށް މެދުކެނޑުމެއްނެތި ކުރިއަށް ގެންގޮސް އޮފިޝަލް ވެބްސައިޓަކަށް ބަދަލުކުރުމުގެ ހޮޔޮނަސީބު ދެއްވި ކަމަށްޓަކައި އުފާކޮށް ﷲ އަށް ޙަމްދުކޮށް ޝުރުދަންނަވަމެވެ. – މަސްއޫލު ވެރިޔާ

ލަންދޫ އިންފޯ ވެބްސައިޓްގެ އެޑްރެހަކީ
www.landhooinfo.com

2009-01-22T10:31:00.003+05:00

.ރައްޔިތުންގެ މަޖްލީހުގެ ނައިބުރައީސް ގެ އިތުބާރުނެތްކަމުގެ ވޯޓެއްނަގަން ހުށަހަޅުއްވާނެކަމަށް ޢަލީވަހީދު ވިދާޅުވެއްޖެ

އިއްޔެއޮތް ރައްޔިތުންގެ މަޖްލީހުގެ ޖަލްސާގައި ވާހަކަފުޅުދައްކަވަމުން ރ.އަތޮޅުގެ މެމްބަރ އަލްފާޟިލް ޢަލީ ވަހީދު ރައްޔިތުންގެ މަޖްލީހުގެ ނައިބުރައީސް ތ.އަތޮޅުގެ މެމްބަރ އަލްފާޟިލާ ޢަނީސާ އަޙްމަދުގެ އިތުބާރުނެތްކަމުގެ ވޯޓެއްނަގަން ހުށަހަޅުއްވާނެކަމަށް ރ.އަތޮޅުގެ މެމްބަރ އަލްފާޟިލް ޢަލީވަހީދު ވިދާޅުވެއްޖެއެވެ. އަލީވަހީދު ވިދާޅުވީ މަޖްލީހުގެ ނައިބުރައީސް ތ.އަތޮޅު މެމްބަރ އަލްފާޟިލާ ޢަނީސާ އަޙްމަދުގެ މައްޗަށް އިތުބާރުނެއްކަމުގެ ވޯޓެއްނަގަންޖެހެނީ މަޖްލީހުގެ ޤަވާއިދު ނިންމި ނިންމުމަކާއި ދެކޮޅަށް މަޖްލީހުގެ ނައިބުރައީސްގެ ގޮތުގައި ހުންނަވައިގެން މުޒާހަރާ ކުރެއްވުމުންވެ.

އަދި އެޖަލްސާގައި ޢަލީ ވަޙީދު، ރައްޔިތުންގެ މަޖްލީހުގެ މެމްބަރުން ޗުއްޓީނެންގެވި މައްސަލާގައި ޑީއާރުޕީން ބޭއްވިމުޒާހަރާ ކުށްވެރިކުރާކަމަށް ވިދާޅުވެ ޑީއާރު ޕީ އަށްވަރަށްބޮޑަށް ފާޑުވިދާޅުވެ ވާހަކަފުޅުދެއްކެވިއެވެ. އަދި އިތުރަށް އޭނާވިދާޅުވީ މަޖްލީހުގެ ނިންމުމާއިމެދު ސުވާލު އުފެދުމަކީ އެމެމްބަރަކު ޤާނޫނު އަސާސީ އާއި ޚިލާފުވުންކަމަށާއި، އެގޮތުން ޢަނީސާ އަޙްމަދު އެހުންނެވީ ޤާނޫނާއި ޚިލާފުވެވަޑައިގެންފާކަމަށެވެ. އިތުބާރުނެއްކަމުގެ ވޯޓުނަގަންޖެހެނީ އެސަބަބަށްޓަކައި ކަމަށް ތަކުރާރުކޮށްވިދާލުވެ، އިތުބާރުނެތްކަމުގެވޯޓުގައި ބައިވެރިވެ ވަޑައިގަތުމަށް ހުރިހާމެމްބަރުންނަށް ޢަލީވަޙީދު ގޮވާލެއްވިއެވެ. އަދި ޑީއާރުޕީއަކީ ޣައިރު ޤާނޫނީ ޕާޓީއެއްކަމަށް ތުހުމަތު ކުރައްވާ ވާހަކަފުޅުދެއްކެވިއެވެ. ޢަލީ ވަޙީދަކީ ޑީއާރުޕީއަށް ފާޑުވިދާޅުވުމުގެ އިތުރުން ކުރީގެ ރައީސް އަލްއުސްތާޛް މަޢުމޫނު އަބުދުލްޤައްޔޫމަށްވެސް ވަރަށް ގިނައިން ފާޑުވިދާޅުވަމުން ގެންދަވާ ބޭފުޅެކެވެ.

2009-01-21T12:00:00.003+05:00

ލަންދޫބަނދަރުގެ ކަނޑިންމަ އާއި ފަޅުތެރެ ތިލަކަމަށް ރައްޔިތުން ބުނެ ޝަކުވާކުރުމުން އަލުން ފުންކޮށްފި.

ލަފާފުރުމުގެ ދަތިކަން ފިލުވައިދިނުމުގެ މަޝްރޫޢުގެ ދަށުން ލަންދޫގައި ހައްދަވައިދެއްވަމުން ގެންދަވާ 200 ފޫޓް 300 ފޫޓްގެ ފަޅު ގެ ހުރިހާމަސައްކަތެއްނިންމާ ފަޅުހަވާލުކުރުމަށް ގާތްވެފައިވަނިކޮށް ލަންދޫރައްޔިތުންގެ ތެރެއިން ބަޔަކު ނުކުމ ބަނދަރުގެ ކަނޑިންމަ އާއި ފަޅުތެރެ ތިލަކަމަށްބުނެ ޝަކުވާކުރުމުން އަލުން އަނެއްކާ އެތަންތަން ފުއްކޮށްދެއްވައިފިއެވެ.

ކަނޑިންމަ ތިލަވުމާއި ހަނިވުމުގެ ސަބަބުން މިހާތަނަށް ހިތާމަވެރި ދެހާދިސާއެއްވެސް ވަނީ މިތަނުގައި ހިނގާފައެވެ. އެއްހާދިސާއަކީ ކަންނެލި ދޯންޏެއް ކަންޑިންމައިގާއިން ބޮޑުގަލަށް އަރާ ފޫވެއްޓި ނުސަލާމަތްވާ ހާ ހިސާބަށް ދިޔުމެވެ. އަނެއްހާދިސާއަކީ ކަންޑިމައިން ވަންނަށް އުޅުމުގެ ތެރޭގައި ކަންޑިމައިގެ ދެކުނު ފައިކަށްޓަށް ނ.މާފަރު ޢަލީ މުހައްމަދު ( ތަޅާއަލީ ) ގެ ލޯންޗް އަރާ ފޫވެއްޓި އެލޯންޗް އަޑިޔަށް ދިޔުމުގެ ހާދިސާއެވެ.
އެމްޓީސީސީގެ ފަރާތުން ކުރަމުން މިގެންދާ މަސައްކަތް މުޅިންނިންމާ ތަކެތި ގެންދަން އުޅެނިކޮށް ރައްޔިތުން ގެ ބަޔަކު އެދިގެން ސާމާނު ނުގެންގޮސް މަޑުކޮށް ، މިހާރުވަނީ ފަޅުސަރަޙައްދަށް ދާން އިތުރުމަގެއްވެސް ހައްދަވާދެއްވާ އަދި އެމަގަށް ވެލިއަޅާ އެއްވަރުކޮށްދީ އަދި ޖެޓީއާއި ދިމާއިން އެއްގަމަށް އަރަށް އޮންނަ މަގުގެ ބޮޑުބަޔަކަށް ވެސް ވެލިއަޅައިދީ އެއްވަރު ކޮށްދީ ހަދާފައެވެ. އަދި މީގެ އިތުރުންވެސް ރައްޔިތުންގެ އެދުނު ބައެއްކަހަލަ ކަންތަައްތައް އެމްޓީސީސީގެ މިގްރޫޕްގެ ފަރާތުން ކޮށްދީފައިވެއެވެ. އަދިމިހާރުވެސްދަނީ ކޮށްދެމުންނެވެ.

2009-01-21T11:49:00.002+05:00

ޕްރީސްކޫލްގެ ދެ ޓީޗަރުންނަށް އަސްފާނާއާއި، ޔުމްނާ ހަމަޖައްސައިފި.

ލަންދޫޔޫތު އެންކަރޭޖިން ސޮސައިޓީ (ލިޔެސް) ޖަމްޢިއްޔާގެ ފަރާތުން ލަންދޫގައި މިއަހަރުންފެށިގެން ޕްރީސްކޫލްގެ ޚިދުމަތް ދޭންފައްޓާއިރު ޕްރީސްކޫލްގައި ކިޔަވައިދޭނެ ޓީޗަރުންގެ ގޮތުގައި ލަންދޫ ދޫރެސް އައިޝަތު ޔުމްނާ އާއި ލަންދޫ ގަސްކަރަ އާމިނަތު އަސްފާނާ އެޖަމްޢިއްޔާގެ ފަރާތުން ހަމަޖައްސައިފިއެވެ.

ޕްރީސްކޫލްގެ ޓީޗަރުކަމަށް އިޢުލާނުކުރުމުން 10 ފަރާތަކުން ކުރިމަތިލެއްވިކަމަށާއި، މިދިހަފަރާތުގެ ތަޢުލީމީ ސެޓްފިކެޓްތަކާއި، މަސައްކަތުގެ ތަޖްރިބާއަށްބައްލަވާފައި މިދެކުދިން ނެންގެވީކަމުގައި ލިޔެސްގެ ރައީސް އަލްފާޟިލް މުޙައްމަދު އިބްރާހީމް ލަންދޫއިންފޯއަށް މަޢުލޫމާތު ދެއްވިއެވެ. މޯޑު އިތުރަށް މަޢުލޫމާތު ދެއްވަމުން ވިދާޅުވީ އަދި މުސާރަހަމަޖެހިފައިވަނީ މިތަނުން އެކަކަށް ކަމަށާއި، އަނެއްޓީޗަރަށް ވެސް މުސާރަ ހަމަޖެއްސޭތޯ މަސައްކަތް ކުރައްވަމުން ގެންދަވާކަމަށް ވިދާޅުވިއެވެ.
މަހަކު -/2000 ރ. ގެ މަގުން މުސާރަލިބޭ ޕްރީސްކޫލްގެ ޓީޗަރުންނަށް މުސާރަދެއްވަނީ އީޑީސީ އިން ކަމަށާއި، މުސާރަދެއްވުމުގައި އީޑީސީއިން ގެންގުޅުއްވާ މިންގަޑުތަކުގެ ތެރޭގައި ކުދިންގެ ޢަދަދު ހިމެނޭކަމަށްވެސް ރައީސް މޯޑު ވިދާޅުވިއެވެ. ޕްރީސްކޫލްގެ އެންރޯލްމެންޓްގައި 50 ކުދިންނަށްވުރެ އިތުރުވުމުން ދެ ޓީޗަރުންނަށްވެސް މުސާރަދެއްވާނެކަމަށް އޭނާ ލަންދޫއިންފޯއަށް މަޢުލޫމާތު ދެއްވަމުން ވިދާޅުވިއެވެ. އެހެންކަމުން މިހާރުވާނީ ޕްރީސްކޫލްގެ ރަޖްިސްްޓްރީގައި މިހާރު ތިބި ކުދިންގެ ފުރިހަމަ ޢަދަދު އީޑީސީއަށް ފޮނުއްވާފައި ކަމުގައިވެސް މޯޑު ވިދާޅުވިއެވެ.
ވަރަށްއަވަހަށް ފެށުމަށް ހަމަޖެހިފައިވާ ޕްރީސްކޫލްގެ ޚިދުމަތް ދޭންމިހާރު އެޖަމްޢިއްޔާއިން ނިންމާފައިވަނީ ލަންދު އަންހެނުންގެ ކޮމިޓީގެ އިދާރާ "ކަމަނާވެހި" ގައެވެ. ކުރިން އާމިރީ ޕްރީސްކޫލް ހިންގަމުން ގެންދިޔަ ޢިމާރާތުގައި މިއަހަރު ނުހިންގީ އެއިމާރާތުގައި އެކަށީގެންވާ ފާޚާނާއެއްނެތުމާއި ، ގިނަޢަދަދެއްގެ ބެލެނިވެރިން ގެ އެދުމުގެ މަތިން ކަމުގައި މަޢުލޫމާތު ލިބިފައިވެއެވެ.
ކަމަނާވެހި ގައި ކުދިން ކުޅެލަން ނުކުމެލާނެ ހުސްބިންކޮޅެއް ނެތިގެން ޕްރީސްކޫލްގެ ޕްލޭގްރައުންޑު ހަދާފައިވަނީ ކަމަނާވެހި ގެ ކުރިމަތިން ހުންނަ ގެ ( ނާސިރާބަކުރުގެ ) ގޯތީތެރޭގައެވެ.

2009-01-20T16:12:00.002+05:00

ކައުންސެލަރުން!!! ސ

ޙަފްޞީ ޢަބުދުﷲ/ލަންދޫ

އަޅުގަނޑުމެން ގުނަމުން މިދަނީ އަނެއްދިވެހިރާއްޖޭގެ އުފާވެރިދުވަސްތަކާއި، ހިތްދަތި ދުވަސްތަކެވެ. އެހެނީ

އެއްބަޔަކު އުފާފާޅުކުރަމުންދާއިރު އަނެއްބަޔަކު އަދިވެސް ތިބީ މާޔޫސްވެ، ހިތާމައިގެ ހިތްދަތި ހާލުގައެވެ. މިފާއިތުވި ދެމަހެއްހާ ދުވަހުގެ ތެރޭގައި އެންމެގިނައިން އިވޭ އެއް ބަހަކަށް ހަމަގައިމުވެސް " ކައުސެލަރުން " ވާނެއެވެ. އަތޮޅު ކައުންސެލަރުންނާ ރަށު ކައުންސެލަރުންނެވެ.

އަތޮޅު ކައުންސެލަރުން އައްޔަން ކުރުމަށްފަހު މިއަދު އަތޮޅުވެރިންނެއް ނެތެވެ. ނަމަވެސް ރަށުކައުންސެލަރުން އައްޔަން ކުރުމަށްފަހުވެސް ކަތީބުންނާ ބޮޑުކަތީބުންނާ ކުޑަކަތީބުންވެސް އެބަތިއްބެވެ. އެވެސް އައްޔަންކޮށްފައިވާ ބައެކެވެ. ކައުންސެލަރުންނަކީވެސް އައްޔަންކޮށްފައިވާ ބައެކެވެ. ނަމަވެސް އަޅުގަނޑަށް ވިސްނޭގޮތުގައި ކައުންސެލަރުން އައްޔަންކުރާނީ އިޞްލާޙީ ހެޔޮބަދަލުތަކަކަށެވެ. އެފަދަ ބަދަލުތަކަކަށް މަގުފަހިކުރުމަށެވެ. އެނަތީޖާ ޙާޞިލްވޭތޯ މިއީ އުފެދޭ ސުވާލެކެވެ. ނަތީޖާ ޙާޞިލްވާނެތޯވެސް ސުވާލުއުފެދެއެވެ. އަޅުގަނޑުވެސް ވިސްނުން ޙިއްޞާކޮށްލާނަމެވެ.
ޤާނޫނު އަޞާޞީގައި ބަޔާންވެގެންވާގޮތުގެ މަތީން ކައުންސިލަކުން ރަށާއި އަތޮޅުތައް ހިންގުމަކީ އަޅުގަނޑު ނުހަނު ތާއީދުކުރާކަމެކެވެ. އެހެނީ އެފަދަ ދުވަހަކުން ރަށާއި އަތޮޅުގެ އެންމެ އިސްމީހާވާނީ އެންމެ ގިނަ މީހުންގެ ރުހުން އޮތް މީހާއަށެވެ. މިހާރަށް ބަލާއިރު ކަތީބާ، ބޮޑުކަތީބާ ހިތްހަމަ ނުޖެހޭ އެތައްބަޔަކު ކޮންމެރަށެއްގައިވެސް އެބަތިއްބެވެ. އައްޔަންކުރި ކައުންސެލަރުންނާ މެދު ހިތްހަމަ ނުޖެހޭ އެތައްބަޔަކުވެސް އެބަތިއްބެވެ. އައްޔަންކުރިއިރުވެސް އެކަން އެނގިވަޑައިގަންނަވާނެއެވެ. އޭގެ ނަތީޖާއެއްގެ ގޮތުން ބައެއް ރަށްރަށުގެ ކައުންސެލަރުން ކަނޑައެޅުއްވުމުގައި އުނދަގޫތަކަކާ ކުރިމަތިވެފައިވެއެވެ. ނ،އަތޮޅަށް ބެލިނަމަވެސް މިލަދުއާއި، ވެލިދޫ އަދި ލަންދުއަށް ކައުންސެލަރެއް އަންޔަން ކުރުމުގައި އުނދަގޫތަކެއް ކުރިމަތިވެ، ހިޔާލުތަފާތުވެފައިވެއެވެ. އެމް،ޑީ،ޕީއާއި އެޕާރޓީގެ ސަރުކާރުގެ އިސްބޭފުޅުންގެ ތެރޭގައި ހިޔާލުތަފާތުވެގެން ދިޔައީ އެޕާރޓީގެ އެއްބޭފުޅަކަށްވުރެ ގިނަ ބޭފުޅުން އެމަޤާމް ބޭނުންވުމުންނެވެ. އަދި އެއިން ކޮންމެ ބޭފުޅެއްގެ ފަހަތުގައިވެސް އިސް ބޭފުޅުންގެ ތެރެއިން ބަޔަކު ތިއްބެވުމުންނެވެ. ޕާރޓީގެ ރައީސްކަމާއި،ރިޔާސީ ކެންޑިޑޭޓްކަންވެސް ޕާރޓީގެ ތެރޭން އެތައްބަޔަކު ބޭނުންވިއެވެ. ނަމަވެސް އިންތިޚާބަކުން ނިންމެވީތީ ދައްކާނެ މާބޮޑު ވާހަކަތަކެއް ނެތެވެ. ނަމަވެސް މިފަހަރު ތަފާތެވެ. އިންތިޙާބުކުރީކީނޫނެވެ. އައްޔަން ކުރީއެވެ. ޑިމޮކްރަސީގެ އުޞޫލުން ކަންކުރާއިރު އިންތިޙާބުނުކުރީ ކީއްވެތޯއެވެ؟ ޤާނޫނުގައި ބަޔާންކޮށްފައިވަނީވެސް އިންތިޙާބުކުރުމަށެވެ. މަޖިލީހުގެ ރުހުމާ ނުލައި ކައުންސެލަރުން އައްޔަންކުރި ބީދައިން، އިންތިޙާބުކުރުމުގެ ފުރުޞަތުވެސް އޮންނާނެއެވެ. އެގޮތް ބަލައިގަންނަ މީހުންވެސް ގިނަވާނެއެވެ. ނަމަވެސް މައްސަލައަކީ އިންތިޙާބެއް ބާއްވައިފިނަމަ، ބައެއް ރަށްރަށުން އިދިކޮޅު ޕާރޓީތަކުގެ ކެންޑިޑޭޓުން ކާމިޔާބުހޯއްދަވާނެކަން ޔަޤީންވުމެވެ. އެފުރުޞަތުނުދީވެސް އިންތިޚާބުބޭއްވިދާނެއެވެ. އެހެނީ އެމް،ޑީ،ޕީގެ އެކްޓިވިސްޓުންގެ ތެރޭން ނަގާ ބައެއްގެ މެދުގައި ވޯޓްލެވިދާނެއެވެ. އެހެން ޕާރޓީތަކަށް ވޯޓްލުމުގެ ފުރުޞަތުވެސް ދޭން ބޭނުންނުވާނަމަ، އެމް،ޑީ،ޕީގެ މެންބަރުންނަށް ވޯޓް ދިނުމުގެ ފުރުޞަތު ހުޅުވާލެވިދާނެނޫންތޯއެވެ. އެގޮތަށް ކަންކުރިނަމަ ޕާރޓީގެ ތެރޭގައި، ޕާރޓީގެ މެންބަރުންގެ ތެރޭގައި އުފެދޭ މައްސަލަތަކާއި، އޮންނަ ގުޅުމަށް ކުރާ އަސަރު ކުޑަވާނެކަން ގައިމެވެ. ކައުންސެލަރުންގެ މައްސަލާގައި ޕާރޓީއަށް ޤުރުބާންވަމުންދިޔަ މެންބަރުންގެ ތެރޭގައިވެސް މައްސަލަޖެހެމުންދާތަން ފެންނަމުން އެބަދެއެވެ.
މިހުރިހާ ކަމެއް މިހެން ހުރިއިރު، ކައުންސެލަރުންގެ ގޮތުގައި މިއަދު ތިބީ ތައުލީމީ ބައެއް ބޭފުޅުންނާ، ލޮރީ ޑްރައިވަރުންނެވެ. އަޑުގަދަކުރާ މީހުންނާ، ރިޔާސީ އިންތިޚާބުގައި ވޯޓް ގަނެދިން މީހުންނެވެ. ރަށުއޮފީހުގައި ގޮނޑިއެއް މޭޒެއް ނެތި ކަތީބުން ރަށުތެރޭގައި އެނބުރެނީއެވެ. ރަށްފުށުގައި ބައިބައިވުން އުފެދި ދެބަޔަށް ބެހެނީއެވެ. ނަމަވެސް އެއްބަޔަކު ކައުންސެލަރުންގެ ރުހުމާ ތާއީދު ހޯދުމަށް ސަނާކިޔަނީއެވެ. މިއީ އިޞްލާޙީ ހެޔޮބަދަލުތަކެއް ފެށުމެވެ. ފަހުން ރަނގަޅުވާނެއެވެ. ތިރީސް އަހަރުގެ ނުކުޅެދޭ ސަރުކާރެއް ބަދަލުކޮށް، ކުޅެދޭ ސަރުކާރަކަށް ބަދަލުވުމަށް ކެތްތެރިވާންވާނެއެވެ. ހެޔޮވެރިކަމެއް ކުރެވޭނީ ކެތްކޮށްގެންނެވެ.

2009-01-20T14:04:00.003+05:00

މާދަމާ އިންޓަރނެޓްގައި ޝާއިޢުކުރެވޭނެ....! ؟

ދިޔައަހަރުގެ އައިޖީސީ އެސްއީ އަދި ޖީސީއީ އޯލެވެލްގެ ނަތީޖާތައް މާދަމާ އިންޓަރނެޓްގައި ޝާއިޢު ކުރެވޭނެއެވެ. ވޭތުވެދިޔައަހަރު ލަންދޫސްކޫލްގެ ގްރޭޑް10 ގައި ތަޢުލީމް ޙާސިލްކުރަމުންދިޔަ 30 ދަރިވަރުންވާނީ މިއިމްތިހާނުތައް ހަދާފައެވެ.

2007

ވަނައަހަރު ފުރަތަމަފަހަރަށް އިންޓަރނޭޝަނަލް އެގްޒާމްތައްހަދަން ފެށުނު ލަންދޫސްކޫލްގައި މިއަހަރުވެސް ގްރޭޑް 10ގައި 20 ވަރަކަށް ދަރިވަރުން ތަޢުލީމް ޙާސިލް ކުރަމުން އެބަގެންދެއެވެ. ވޭތުވެދިޔައަހަރު ލަންދޫސްކޫލުން ޖީސީއީ އޯލެވެލް ހެދި ބައެއްދަރިވަރުން ބައިވެރިވެގެން ކޯސްތައް ފުރިހަމަކުރަމުންދާއިރު ގިނަކުދިބަޔަކު އުންމީދުކުރަމުން ދަނީ މަތީސާނަވީއަށް ކިޔެވުމުގެ ފުރުޞަތު ލިބިގެންދާނެކަމަށެވެ.
އަޅުގަނޑުމެންގެ އެދުމަކީ ލަންދޫސްކޫލުން ވޭތުވެދިޔައަހަރު ކޭމްބްރިޖް ގެ އެގްޒާމްތައް ހެދި ދަރިވަރުން މާދަމާ ނަތީޖާތައް ލިބުމުން އިތުރަށް ކިޔެވުމުގެ ފުރުޞަތު ހޯދާ ރަށަށާއި މުޖުތަމަޢުއަށް ފައިދާހުރި ކަމެއްކުރުމަށް ޢަޒުމް ކަނޑައެޅުމަށެވެ.

2009-01-20T11:01:00.002+05:00

މަޖޫ ކައުންސިލަރ ކަމާއި ޙަވާލުވުމުން މަޖޫގެ މަޤްޞަދު ޙާސިލްވީބާ؟

ލިޔުނީ: ކުއްޅަވައްފުތު

ދިވެހިރާއްޖޭގައި ފުރަތަމަ އުފެދުނު ސިޔާސީ ޕާޓީކަމުގައިވާ މޯލްޑިވިއަން ޑިމޮކްރެޓިކް ޕާޓީ ( އެމްޑީޕީ ) ރިޔާސީ ކެމްޕޭނުގައި ބުނަމުން ދިޔަ އަނެއްދިވެހިރާއްޖެއަށް ދެވުނުތާ 3 މަސްދުވަސްވެސް ނުވެގެން އުޅެނިކޮށް އަޅުގަނޑުމެންނަށް ލިބިގެންމިދިޔަ ޒުވާންކައުންސިލަރ އަލްފާޟިލް މަޖުދުﷲ ޢަބުދުއްރައްޒާޤު ( މަޖޫ ) ރަށަށްދުރުވެ ރަށުގެ އެންމެ އިސްވެރިޔާގެ މަޤާމާއި ޙަވާލުވެލައްވާހިނދު އަޅުގަނޑުމެންގެ ފަރާތުން ނުހަނު އިޚްލާޞްތެރި ކަމާއި އެކު ވަރަށް ހޫނު މަރުޙަބާއަކާއި މުބާރަކް ބާދީއެއް ދަންނަވަމެވެ.

އަޅުގަނޑަށް އެނގިފައިވާ ގޮތުގައި މަޖޫއަކީ އެމްޑީޕީއަށް ވެންނެވީންސުރެވެސް ދެވަރެއް ނުވެ އެމްޑީޕީއަށް ޓަކައި ވަރަށްގިނަގުނަ މަސައްކަތްތަކެއް ކުރެއްވި އަދި މިއަދުވެސް ކުރައްވަމުން ގެންދަވާ އެޕާޓީގެ އެކްޓިވިސްޓެކެވެ.
ސިޔާސީ ޢާއިލާއަކަށް އުފަން އާދެ! މުޅި ނ.ލަންދޫ އެމީހަކަށް ޓަކައި ފަޚުރުވެރިވާ ނ.ލަންދޫގެ ކަތީބު އަލްމަރުހޫމް ޢަބުދުއްރައްޒާޤު މޫސާގެ 2 ވަނަ ފިރިހެންދަރިފުޅު މަޖޫ މީގެކުރިންފާހަގަވެގެން ދިޔައީ ސީޔާސީ އެއްވެސް ކަމެއްގެ ބައިވެރިވެ ނުލައްވާ ބޭފުޅެއްގެ ގޮތުގައެވެ.
މިއަދު ލަންދޫގެ އެންެމެއިސްމަޤާމާއި ޙަވާލުވެލައްވާ ޢުމުރުން 34 އަހަރުގެ މަޖޫ ސިޔާސީ ކަންތައްތަކުގެ ތެރެއަށް ވެންނެވީ މިއަދު ލަންދޫބޮޑުކަތީބު ކަމުގައި ހުންނެވި މަޖޫއާއި ދެބެންގެ ދެދަރި އަލްފާޟިލް ޙަސަން ނަޞީރުގެ ވެރިކަމުގައި މަޖޫގެ އެއްބަނޑުއެއްބަފާ ދެބޭން ނަށާއި ކުށެއްނެތް ލަންދޫގެ އެތައްދަރިންތަކަކަށް ލިބެމުން ދިޔައަނިޔާތަކަކުން އެމީހުންސަލާމަތްކުރުމުގެ މަޤްޞަދުގައެވެ. މިއަދު މަޖޫއަށް މިވަނީ މިކަންތައް ކިތަންމެ ރަގަޅަކަށްވެސް ޙާޞިލްވެފައެވެ.
ރަށުގެ ކައުންސިލަރގެ މަޤާމާއި މަޖޫޙަވާލުވާއިރު މަޖޫއަށް އޮތް ގޮންޖެހުންތައް ވަރަށްގިނައެވެ. ބައިބައިވެފައިވާ ލަންދޫގެ ރައްޔިތުންގެ އެކަތިގަނޑކަށް ހަދާ މިއަދު ހުއްޓުންއަރާފައިވާ ލަންދޫގެ ތަރައްޤީގެ ދުވެލިބާރުކޮށް މަރުހޫމް ބައްޕާފަދަ ހިންގުންތެރި އެންެމެހައި ރައްޔިތުންނާއި ގުޅޭ އޯގާތެރި، ވަފާތެރި، ވެރިއެއްކަން ސާބިތުކޮށްދޭންޖެހުމެވެ.
އެންމެހައި ރައްޔިތުންނާއިމެދު ހަމަހަމަ އުޞޫލެއްގެންގުޅޭ ރައްޔިތުންގެ އަޑު އަހައިގެން މަޝްވަރާގެ އުޞޫލުން ކަންތައްތައް ކުރެވިއްޖެނަމަ މަރުހޫމް ބައްޕާއަށް ރަށުގެ ރައްޔިތުން ދިންޤަދަރާއި އިޙްތިރާމާއި ލޯބި މަޖޫއަށްވެސް ލިބުމަކީ ދުރުގައިވާ ކަމެއްނޫނެވެ.
މިއަދު ލަންދޫރައްޔިތުންބޭނުންވަނީ ރައްޔިތުންގެ އަޑުއަހާ ، ރައްޔިތުންދެކެލޯބިވާ ، ރައްޔިތުންނާއިއަޅާލާ، ރައްޔިތުންނަށް އޯގާތެރި ރައްޔިތުންނަށްވަފާތެރި ތެދުވެރި ހިންގުންތެރި ވެރިއެކެވެ. މިފަދަ އިސްވެރިއަކަށް މަޖޫވާނެކަމަށް އަޅުގަނޑު ވަރަށްބޮޑަށް އުންމީދުކަރަމެވެ.

2009-01-20T10:46:00.002+05:00

މިކަންހުއްޓޭނެބާ..........!؟

ލިޔުނީ: އިބްރާހީމް ފާއިޒު

ދުންފަތުގެ އިސްތިޢުމާލުކުރުމަކީ ސިއްޙަތަށް ހުރި ވަރަށްބޮޑު ނުރައްކަލެއްކަމަށް ލިޔެފައިވާލިޔުންތައް ސިނގިރޭޓްވިއްކާ ހުރިހާތަނެއްްގައިވެސް އަދި އެނޫންވެސް ބައެއްއެހެނިހެން ތަންތަނުގައި ބަހައްޓާފައި ހުރެއެވެ. އަދި އެވަރުން ނުފުދިގެން ސިގިރޭޓްފޮށިތަކުގެ ބޭރުގައިވެސް އެމޭރުމުންއޮންނަ ޢިބާރާތްތައް " ދުންފަތް ބޭނުންކުރާމީހުންނަށްލިބޭދަރިން އައިބުވުމުގެ ފުރުޞަތު ވަރަށްބޮޑު " " ދުންފަތުން ކެންސަރުޖެހުމަށް މަގުފަހިވޭ " ދުންފަތުން ލޭހޮޅިތައްބެދި ހިތްހުއްޓޭގޮތް މެދުވެރިވޭ " މިކަންމިހެން ހުރިއިރު، ސިނގިރޭޓްބޯ މަދުނުވަނީ ކީއްވެހެއްޔެވެ؟

ކުރީގައިލިޔެވުނު ޢިބާރާތްތަކުން ދޭހަވާގޮތުން ރާއްޖޭގައިވެސް މިވަނީ ދުންފަތާއި ދެކޮޅަށް ހަނގުރާމަފެށިފައެވެ. ސުވާލަކީ މިހަނގުރާމައިގެ ސަބަބުން ދުންފަތްބޭނުންކުރާމީހުންގެ ޢަދަދު މަދުވޭހެއްޔެވެ؟ ޖަވާބުގައި ބުނެލަން އޮތީ ހަމަޔަޤީނުންވެސް މަދުނުވާ ވާހަކައެވެ. ކުރިންދުންފަތްކައި ގުޑުގުޑާފަދަ ތަކެތި ބޭނުންކުރިމީހުންވެސް މިއަދުމިވަނީ ސިނގިރޭޓްބޯންފަށާފައެވެ.
ބައެއްމީހުންދެކޭގޮތުންނަމަ ސިނގިރޭޓްބޯމީހުން މަދުނުވަނީ ސިނގިރޭޓް އެތެރެކޮށްވިއްކުމާއި، ބުއިން ސަރުކާރުން މަނާނުކުރާތީއެވެ. އެބައިމީހުން ދެކޭގޮތުގައި އެއަށްދެވިހިފާފައި ތިބޭމީހުން ކޮންމެއަގެއް ދައްކައިގެން ވެސް ދުންފަތުގެ އިސްތިޢުމާލު ކުރާނެއެވެ. ބަނގުރަލާއި މަސްތުވާތަކެތި ބޭނުންކުރުމަކީ ރާއްޖޭގައި ކަނޑައެޅިގެން މަނާކޮށްފައިވާ ކަމެކެވެ. ނަމަވެސް މިތަކެތި ބޭނުންކުރުންވެސް މިވަނީ އާއްމު ކަމަކަށްހަދާފައެވެ. ދެންއޮތީ ސިނގިރޭޓެވެ. ސިނގިރޭޓަކީ ހުއްދަކޮށްފައިވާ އެއްޗެކެވެ. މަނާކޮށްފައިވާ އެއްޗެތީގެ ހާލު އެގޮތަށްހުރިއިރު ހުއްދަކޮށްފައިވާ ސިނގިރޭޓްގެ ހާލުހުންނާނެގޮތް ތިޔަބޭފުޅުން ވިސްނާލައްވާށެވެ.
ސިނގިރޭޓް ބޯމީހުންބުނަނީ ސިގިރޭޓްގަންނަނީ އެމީހުންގެ އަމިއްލަފައިސާއަށެވެ. އޭގެ އިސްތިޢުމާލުކުރަނީ އެކަހެރިވެ ހުރެއެވެ. އެކަމުން އެއްވެސް މިހަކަށް އުނދަގުލެއްތުރާލެއްނުފޯރާނެއެވެ. ގެއްލުމެއްވެސް ތުރާލެއްވެސް ވާނީ އެބައިމީހުންދެކޭގޮތުގައި ހަމަ އެބައިމީހުންނަށެވެ. ކަންމިހެން ހުރިއިރު ދުންފަތުގެ އިސްތިޢުމާލުކުރުން ހުއްޓިދާނެބާއެވެ.
ދުންފަތުގެ ސަބަބުން އިންސާނުންނަށް ލިބެމުންދާ ގިނަގުނަ ގެއްލުންތައް ގެ ސަބަބުން ދުންފަތް މަނާކުރާނީތޯ ނުވަތަ ނޫންތޯ މިއީ މިއަދު އުފެދިފައިވާ ވަރަށްބޮޑު ސުވާލެކެވެ.

2009-01-19T11:07:00.004+05:00

ވަރިގިނަވަނީ އަންހެނުންގެ ސަބަބުންނެވެ.ސ

ލިޔުނީ: ދޮންސޮރުބެ

އްވެސް ޝައްކެއްނެތެވެ. ވަރިގިނަވަނީއަންހެނުންގެސަބަބުންނޭބުނެފިނަމަ ދެބަސްވެ ރުޅިއަންނާނެ ކިތަންމެބަޔަކު ތިބޭނެއެވެ. އެކަމާ އިދިކޮޅަށް ވަކާލާތުކުރާނެ އެތަކެއް ބޭފުޅުންނެއް އަޅުގަނޑުމެންގެ ތެރޭގައި ތިބޭނެއެވެ. މަދުންނަމަވެސް މިކަމާއި އެއްބަސްވެލައްވާނެ ބަޔަކު ތިބޭނެކަމީވެސް ޔަޤީންވާކަމެކެވެ. ކޮންމެ ގޮތަކަށް ކަންހުރިނަމަވެސް އަޅުގަނޑަށް ވިސްނޭ ދެތިންއެއްޗެއް ކިޔުންތެރިންނާއި ހިއްސާ ކޮށްލެވޭތޯ މަސައްކަތް ކުރާނަމެވެ.

ދިވެހިރާއްޖޭގައި ދާދިފަހަކާ ޖެހެންދެންވެސް ކައިވެނިކުރާޢުމުރު އުޅެނީ ވަރަށް ވެސް ދަށުގައެވެ. މާނައަކީ މީހުންނާ އިންނަޢުމުރު ވަރަށް ހަގުވާހަކައެވެ. ޢުމުރުން 15 – 18 އަހަރާ ދޭތެރޭ ގައި ވަރަށް ގިނަކައިވެނިތައް ކުރެވިފައިވާ ކަން ތަފާސްހިސާބުތަކުންދައްކައެވެ. އަދި މީގެތެރެއިންވެސް އަންހެން ކުއްޖާގެ ޢުމުރު މާބޮޑުތަން ޅަކޮށް ގިނަކައިވެނިތައް ކުރެވިފައިވެއެވެ. މިހެންވުމުގެ ސަބަބުން ފިރިމީހާގެ އިޙްސާސްތަކާއި ފިރިމީހާގެ ބޭނުންތައް ގިނަފަހަރަށް އޮންނަނީ އަންހެން ކުއްޖާއަށް ތަޞައްވަރު ނުކުރެވިއެވެ. އިނދެގެން 2 އަހަރު ނުވަތަ 3 އަހަރުތެރޭގައި މައްސަލަޖެހެންފަށައެވެ. ޖެހޭމައްސަލަތަކީ ފިރިމީހާގެ ސަބަބުން ޖެހޭމައްސަލަތަކެއްކަމަށް އަންހެންކުއްޖާ ތުހުމަތުކުރަންފަށައެވެ. އަންހެން ކުއްޖާގެ ސިކުނޑިޅަވީމައެވެ. މިފަދަ އެތައްމައްސަލަތަކެއް މިހާރުމިވަނީ އަޅުގަނޑުމެންގެ ތެރޭގައި ވަރިގިނަވުމުގެ ސަބަބުތަކެއްގެ ގޮތުން ޢާއްމުވެފައެވެ.
ވަރިފަށަށްއަރައި ވަރިކުރަންޖެހޭ އަނެއްމައްސަލައަކަށް ވެފައިމިވަނީ ފިރިމީހާ ރުޅިއަންނަކަންތައްތަކެއް އަނބިމީހާގެ ފަރާތުން ފެންނަންފެށުމެވެ. އެގޮތުން ފިރިމީހާ ގެއަށްއަންނައިރު ގޭގައި އަނބިމީހާނޫޅުމާއި، ގަޑިންގަޑިއަށް ކާންނުހެދުމާއި ކުދިންތިބޭނަމަ ކުދިންފެންވެރުވުންފަދަ ކަންތައް ބަރާބަރަށް ނުކުރެވުމެވެ. މިފަދަކަންތައްތަކުގެ ސަބަބެއްކަމުގައި އަންބިމީހާވެގެންދާއިރު ވަރިކުރަންޖެހެނީ އަނބިމީހާގެ ސަބަބުންކަމުގައި ނުދެންނެވޭނެތޯއެވެ.
އަޅުގަނޑުމެން ގެ ދިރިއުޅުމުގެކަންތައްތައް ރޭވިފައިހުންނަގޮތުން ގިނަފިރިން އަބަދާއި އަބަދުހެން އުޅެންޖެހިފައިވަނީ އަނބިމީހާއި ވަކިން، ގެއިންބޭރުގައެވެ. މަސައްކަތްތައް ހުންނަގޮތުން ގެއަށްއާދެވެނީ ވަރަށްމަދުންނެވެ. މިހެންކަންތައް ތައް ދިމާވާ އަނބިންނަށް މިވާގޮތަކީ ކޮންމެވެސް އެހެން އަންހެނަކާއި ފިރިމީހާއާއި އަޅުވާ ކިޔަންފަށަނީ އެވ.ެ ނަތީޖާ ވަރަށްވެސް ގޯސްވެގެންދަނީ އެވެ. ފިރިމީހާވެސް އެފަދަބޮޑުތުހުމަތުތަކެ އަނބިމީހާ އޭނައިގެ ބޮލުގައިއަޅުވާތީ އަދި ބުނާއެއްވެސް އެއްޗެއް އަނބިމީހާޤަބޫލު ނުކުރާތި އެންމެފަހުން ރުޅިއައިސްގެން އޮންނަނީ ވަރިކުރަންޖެހިފައެވެ.
މިނޫނަސް މިފަދައެތައްބައިވަރު މައްސަލަތަކެއް އަނބިމީހާގެ ސަބަބުން ޖެހި ދެމަފިރިންގެ ދިރިއުޅުމަށް އަސަރުކޮށް ވަރިކުރަންޖެހިފައިވެއެވެ. މިހުރިހާ މައްސަލަތަކާއި ސަބަބުތަކެއް ތަފްޞީލްކޮށް ބަޔާންކުރުމަކީ މާމުހިއްމު ކަމެއްކަމުގައި ނުދެކެމެވެ.
ދާދިފަހުން އަޅުގަނޑުމެންގެ މިރަށުގައިވެސް ވަނީ ތިންހަތަރު ކައިވެންޏެއް ރޫޅިގެންގޮސްފައެވެ. މިކައިވެނިތައް ރޫޅިފައިވާ ސަބަބުތަކަކީ ކޮބައިތޯ ބަލާލާއިރު މިކަންކަން ދެނެހުރި ހަމަކޮންމެ މީހަކުވެސް މިކައިވެނިތައް ރޫޅުމުގެ %100 ހިއްސާކުރަނީ އަނބިމީހާކަމުގައި އެއްބަސްވާނެއެވ.ެ މީގެތެރެއިން އެންމެފަހުން ރޫޅުނު ކައިވެންޏާއި އޭގެކުރިން ރޫޅުނު ކައިވެނީގައިވެސް އަނބިމީހަވަނީ ފިރިމީހާއަށް ޚިޔާނާތްތެރިވެފައެވެ. ވަގުފިރިން ގެންގުޅެފައެވެ. އެކިދޮގުތައްހަދާ ދީނީގޮތުން މަނާކުރެވިފައިވާ ބޮޑެތިފާފަތަކަށް އަނބިމީހާއަރައިގެންފައެވެ. މިފަދަ އެތައް ކަންތައްތަކެއް އަނބިމީހާ ތަކުރާރު ކުރުމުގެ ސަބަބުން ފިރިމީހާއަށް ވަރިކުރަން މަޖުބޫރުވެގެން ވަރިކުރީއެވެ.
ލޯމަތިން ފެންނަން ހުރި މިފަދަކަންތައްތަކުގެ ސަބަބުން ދޮންސޮރުބެއަށް ބުނެވޭނީ ދިވެހިރާއްޖޭގައި ވަރިކުރން މިޖެހެނީ ހަމަ އަނބިމީހާގެ ސަބަބުން ކަމުގައެވެ.

2009-01-18T10:47:00.002+05:00

މާދަމާ ތިބާއަށް ހުރީކޮންގޮތެއް ހެއްޔެވެ؟ސ

ލިޔުން ހުށަހެޅުއްވީ : ފިލޮކްސް , ޙަޤީޤީ ޙާދިސާ

އޭނާޔަކީ އަހަރެންގެ ވަރަށްގާތް އަވަށްޓެރިއެކެވެ. އަހަރެން ބައެއްދުވަސް ދުވަހު އޭނާގެ ގެޔަށްގޮސް ވާހަކަ ދައްކާ މަޖާކޮށް ހަދަމެވެ. އޭނަޔަކީ އަހަރެންގެ ރައްޓެސަކަށް ވީތީއެވެ. އަހަންނަކީ އޭނާގެ އޮފީހުގައި އުޅޭމީހަކަށް ވެސް ވުމާއިއެކުއެވެ.
އަހަރެންނަކީ އެއޮފީހަށް ވަތްތާ އެހާގިނަދުވަސް ވެފައިވާމީހެއް ނޫންކަމުން އޭނާޔަކީ ކޮންކަހަލަ މީހެއްކަން އަހަރެންނަށް ކުރިޔަކުން އެނގިފައެއް ނެތެވެ.

ކޮންމެ ދުވަހަކުވެސް އޮފީސް ނިންމާލުމަށްފަހު އޭނާ ބޮޑު ހަތަރު ބަނަސް ގަނެއެވެ. އަހަރެން އެގެޔަށް ދާއިރުއަބަދުވެސް ތިބެނީ އޭނަގެ އަންހެނުންނާއި ހަތަރުއަހަރަކަށްދާ ދަރިފުޅެވެ. އެހިސާބުމީހުން އަހަރެން އެގެޔަށް ވަދެ ނިކުމެހަދާތީ އަހަރެންނާއި ދިމާޔަށް ވަރަށް ބަލަހައްޓައިގެންވެސް ތިބެއެވެ.
އަހަރެން އެގެޔަށްދާއިރު އޭނާގެ އަވަށްޓެރިއެއްވެސް އެގެޔަށް ވަދެލާ އިންނަތަނެއް ނުދެކެމެވެ. އޭނާ ކޮންމެދުވަހަކުވެސް މިގެންދާ ހަތަރުބަނަހާ މެދުވެސް އަހަރެންގެ ހިތުގައި ސުވާލުތަކެއް އުފެދުނެވެ. އަހަރެން މިކަމާ އެއްދުވަހު އޮފީސް ނިއްމާލުމަށް ފަހުމީހާޔާ ސުވާލުކުރީމެވެ. ކީއްކުރަން ކޮންމެދުވަހަކު ގެންދާ ބަނަހެއްތަ؟ އޭނާވަރަށް ހެވިލާފައި ޖަވާބުދިނެވެ. އަހަރެންގެ ދަރިފުޅު ވަރަށް މީރުކޮށް ކާއެއްޗެއްމީ ދަރިފުޅުމިނުގެންގޮސް ފިއްޔާ އެދުވަހުނުވެސްކާނެ… އަހަރެން ދެންއެކަމަކާ މާބޮޑަކަށް އަޅައެއްނުލަމެވެ.
ދެންއަހަރެން ސުވާލުއުފެދުނު އަނެއްކަމަކީ އެގޭގައި ވަކިންހަދާފައި ހުރިކޮޓަރިޔަކާމެދުއެވެ. އެގެޔަށް ދާއިރުއެކޮޓަރީގައި އަބަދުވެސް ބޮތްކެއް ދިއްލާފައި ހުއްޓައިފެނެއެވެ. އޭނާއެކޮޓަރިކައިރިއަށް ދާތީ އަހަންނަކަށް ނުވެސްފެނެއެވެ. އަދިއެކޮޓަރީގެ ތެރެއިން މީހަކު ނުކުމެ އުޅެނިކޮށްވެސް އަހަރެން ނުދެކެމެވެ. މިކަމާވެސް އަހަރެންސުވާލެއް ރާވާލީމެވެ. “އޭ! ތިގޭގަ ވަކިން އެހުންނަނީނުދޯ ކޮޓަރިޔެއް؟؟ އެތަން އެއީހުސްކޮށްހުރިތަނެއްތަ؟ އެތަންމަށަށް ކުއްޔަށްދޭންވީނު!” އަހަރެން މިހެން ބުނުމުން އޭނާހިނިގަނޑެއް ޖަހާލިއެވެ.
“ދޮންކަލޯ އެއީ ކުއްޔަށްދޭ ކޮޓަރިޔެއް ނޫން އެތަނަށް ނިދަންއަންނަ ކުއްޖަކުއުޅޭނެ އޭނަހިފާފަހުރިތަނެއް އެއީ” އޭނާ ބުންޏެވެ.
“އެހެންތަ ކަލެޔާ މަ ސަމާސާ ކޮއްލީ އިނގޭ… މަށަށް އިނގޭ މިހާ ބައިބޯތަނެއްގައި ކޮޓަރިޔެއް ހުހަށްނުހުންނާނެކަން” އަހަރެން ބުނެލީމެވެ.
މިގޮތުގައި ދުވަސްތައް ވޭތުވަމުންގޮސް އޮފީސް ބަންދު ދުވަހެއްގައި އަހަރެން އަންހެނުންނާއިއެކު އެގެޔަށް ދިޔައީމެވެ.
އަހަރެން އެގެޔަށްދިޔަމަގު މަތީގައި ކައިރީގައިހުރި ފިހާރަޔަކަށް ވަދެ ހަތަރުބަނަސްގަތީމެވެ. އަންހެނުން ކީއްކުރާ ބަނަހެއްތޯ އެހުމުން އަހަރެންބުނީ މީއޭނާގެ ދަރިފުޅަށް ވަރަށްމީރު އެއްޗެއްކަމުގައެވެ. އެދުވަހު އެގެޔަށްގޮސް އޭނަގެދަރިފުޅަށް އަހަރެން ބަނަސް ކޮތަޅުދިއްކޮއްލާފައި ބުނީމެވެ. “ކޮއްކޯމިހިރީބަނަސް ވަރަށްމީރުވާނެދޯ” އެކުއްޖާ އަހަރެންދެކެ ވަރަށްރުޅިއައިސްފައި ހުރި ފާޑަކަށްހުރެ ބަލަހައްޓައިގެން ހުއްޓެވެ. އަހަރެންގެހިތުގައި ސުވާލުތަކެއް އެވަގުތު އުފެދުނެވެ. އެވަގުތު އޭނާގެ ބައްޕަ ހީލާފައި ބުންޏެވެ. “ތީވަރަށް ވަރުގަދަކުއްޖެއް! ބައްޕަގެންނަ ބަނަސްނޫނިއްޔަ ކަމަކުނުދާނެ ” އޭރުވެސް އެކުއްޖާ ވަރަށް ރުޅިއައިސްގެން އަހަންނާ ދިމާޔަށް ބަލަހައްޓައިގެން ހުއްޓެވެ. އެދުވަހު އެހިނގާދިޔަ ހާދިސާޔާމެދު އަހަރެން މާބޮޑަކަށް ނުވިސްނަމެވެ.
އަހަރެން ޖެހިގެން އައިދުވަހު އޭނާގެ އަތުން ޕެންޑްރައިވް އެއް ނަގަންވެގެން އޭނާގޭގައި އުޅޭނެ ގަޑިޔަކަށްވާތީ ނުގުޅައި ދިޔައީމެވެ. އަހަރެން އެގޭގެ ދޮރައަށި ހުޅުވާލިތަނާ އޭނާގެ އަންހެނުން ދުރުގައި ވަކިންހުރި ކޮޓަރީގެ ދޮރުމަތީގައި ބަނަސްކޮތަޅެއް ހިފައިގެން ހުއްޓެވެ. އޭނާޔަކަށް އަހަންނެއް ނުފެންނާނެއެވެ. އަހަރެން ކުޑަކޮށް އެތެރެޔަށް ޖެހިލިތަނާ އޭނަގެއަންހެނުން އެކޮޓަރީ ގެދޮރުހުޅުވާލާފައި އެބަނަސްކޮތަޅު އެކޮޓަރީގެ ތެރެޔަށް އެއްލާލުމަށްފަހު ބުންޏެވެ. “މިއޮތީ ކާނާ ދެންވެސް މިކައިގެން އޮވެވޭތޯ ބަލާބަލަ”
މިހިސާބުން މިވާގޮތެއް ވަރަށް ރަނގަޅަށް ބަލަން އަހަރެން ބޭނުންވިއެވެ. އަހަރެން ހިތައްއެރިއެވެ. އެކޮޓަރީގައި އަނެއްކާ މިމީހުން ގެންގުޅޭ ޖަނަވާރެއް އޮތީބާވާއެވެ. ؟ އަހަރެންވަގުތުން އެގޭގައިހުރި ބަގީޗާގަސްތަކުގެ ތެރެޔަށް ތިރިވެނިވެލީމެވެ.
މިއަންހެނާ ކޮތަޅުއެއްލައިލުމަށްފަހު އެނބުރިއައިއިރު އޭނާގެ މޫނުމަތީގައި ރުޅިވެރިކަމުގެ އަސަރު އިންތިހާއަށް ހުއްޓެވެ. އެއަންހެނާ ދުވަހަކުވެސް އެހާރުޅިއައިސްފައި ހުއްޓައި އަހަރެން ނުދެކެމެވެ. މަޑުމަޑުން ކޮންމެވެސް އެއްޗެހިތަކެއް ކިޔަމުން ގޮސް އެމީހުންގެ ކޮޓަރިޔަށްވަނެވެ.
އަހަރެން ވަރަށް ނިވާވަމުންގޮސް މިބަނަސްކޮތަޅު އެއްލިކޮޓަރި ބަލާލީމެވެ.
ޞުބުޙާނަ ﷲ އެވެ! އަހަރެންގެ ހަޔާތުގަ ވެސް އެފަދަމަންޒަރެއް ނުދެކެމެވެ. ކޮޓަރިތެރެއިން ދުވިވަހުން އަހަންނަށް ހޮޑުނުލެވުނީ ކިރިޔާއެވެ. އިންސާނުންގެ ނަޖިހުގެ ވަހެވެ! މުޅިކޮޓަރިތެރޭގައިވަނީ މަކުނުވާފުރާފައެވެ. ކޮޓަރީގެތެރޭގައި ބައެއްކަހަލަ ބޭނުންނުކުރާ ފޮށީތަކާއި މޭޒުކަހަލަ އެއްޗެހި ހުއްޓެވެ. އަހަރެން ހިތްވަރުކޮށްލާފައި ނޭފަތުގައި އަތްއަޅައި ކޮޓަރީގެ ތެރެޔަށްބަލަހައްޓައިގެން ހުރީމެވެ. ދެލޯވަޅުވަދެފައިވާ މުސްކުޅިއަންހެނަކު އެސްފިޔަޖަހާނުލައި އަންނާދިމާޔަށް ފެންކަޅިވެފައިވާ ޙާލު ބަލަހައްޓައިގެން އޮތެވެ. ގައިގައިވާހެދުމުގެ ކުލަވެސްވަކިކުރަން ނޭގެއެވެ. ކިލަޔާ ނަޖިހާ ތަތްތެޅިފައި އޮތުމުންނެވެ. އެއަންހެނާ އޮތްއެނދުގެ ކައިރީ ބިންމަތިގައި ދެބާލީސް ވެއްޓިފައި އޮތެވެ. މީހާވަނީ ހިކިއަނަރޫފަ ވެފައެވެ.
އެއަންހެނާ ކަޅިޖަހާނުލައި ޤަބުވެފައިވާހާލު ދެލޯބޮޑުވެފައި އޮވެ އަހަންނާދިމާޔަށް ބަލަހައްޓައިގެން އޮތެވެ. އެމީހާގެ ދެލޮލުން ކަރުނަތައް ފައިބަމުންދިޔައެވެ.
އަހަންނަށް އެތަނުގައި ވަސްދުވާކަން ފަހުން އިހުސާސްވެސް ނުވެއެވެ. އެއަންހެންމީހާ މަޑުމަޑު އޮވެ އެނދުގެ މަގަތަށްޖެހިއްޖެއެވެއެވެ. ހީވަނީ ދެންމެ ދެންމެ ވެއްޓިދާނެހެންނެވެ. ކުއްލިޔަކަށް އެނދުގެ އެއްފަރާތުގައި އަތްއަޅާއި ބިންމައްޗަށް ތިރިވިއެވެ. އެނދުގެ ކައިރީގައި އޮތްބަނަސް ކޮތަޅުނަގައި ހުޅުވާލިއެވެ. އަދިބިމުގައިވާ ކިލާތަކާއި އެކުވެފައިވާ ހާލު ބަނަސް ކާންފެށިއެވެ. ކައިރީގައި އޮތްފެންފުޅިއެއް ނެގިއިރު އޭގައިމައްޗެއްވެސް ޖަހާފައެއްނެތެވެ.
އެއަންހެނާ އޭގެއިން ފެންބުޔެވެ.
ކިޔުންތެރިންނޭވެ. އަހަންނަށްވެސް ހުރެވުނީޤަބުވެފައެވެ. އޭނަގެ އެހާލަތައް ހަމްދަރުދީވެވި ދުއްވައިގަނެވުނީވެސް މާލަހުންނެވެ.
އެއަންހެނާގެ އެންމެފަހުގެ ކެއުން އެކެއީ އަހަރެންގެ ކުރިމަތީގައެވެ. އެންމެފަހުގެ ފެންފޮދު އެބޮވުނީ އަހަރެންގެ ކުރިމަތީގައެވެ. إِنَّا لِلَّهِ وَ إِنَّا إِلَيهِ رَاجِعُونَ
އެއަންހެނާ މިދުނިޔޭ ހަޔާތާއި ވަކިވެގެން ދިޔަހާލަތެވެ.
އެކުވެރީންނޭވެ. ! މިވާހަކައިގެ ދިގުކަމުން ހުލާސާއެއް އަހަރެން ކިޔުންތެރިންނަށް ހުށައަޅާލީއެވެ.
އެކުވެރިންނޭވެ! އަހަރެންނަށް ފަހުން ހަޅޭއްވެސް ލަވައިގަނެވުނެވެ.
އެކުވެރީންނެވެ. މިދުނިޔޭގެ ހަޔާތާއި ވަކިވެގެން އެދިޔައީ އަހަރެންގެ އޮފީހުގެ އެކުވެރިޔާގެ ބަލާބޮޑުކުރި އޭނާގެ މަންމައެވެ. މިފަދަ ޙާލުގައި އޭނާ އެގެންގުޅުނީ އޭނާގެ މަންމައެވެ. އޭނާ ވިހެއި އޭނާގެ އަމިއްލަ މަންމައެވެ. އަނބިމީހާ ރުއްސުމަށްޓަކައި އެ މަންމައަށް މިފަދަ ނިކަމެތި ޙާލެއް ޖެއްސީއެވެ.
އެކުވެރިންނޭވެ! އޭގެ ފަހުން އަހަރެން އޭނާއާ ގުޅުންކަނޑާލީމެވެ. އަމިއްލަ މަންމައާ ދޭތެރޭ މިހާ އިޙާނެތިކޮށް ހިތި މީހަކާ އެކީ އުޅެވޭނީ ކިހިނެތްތޯއެވެ.
ފަހުން އޭނާގެ އަވައްޓެރިން ބުނެދިން ގޮތުގައި އެމީހުންވެސް ތިބީ އެގެޔަށް ވަންނަން ނުކެރިފައެވެ. ސަބަބަކީ އެފިރިހެންމީހާގެ އަންހެނުންނާ ހެދިއެވެ. އޭނާގެ ޒީލަގަދަކަމާހެދިއެވެ.
އެކުވެރިންނޭވެ! މިފަދަވާހަކަތަކުން އަހަރެމެން އިބްރަތެއް ހާސިލްކުރަމާ ހިނގާށެވެ! މިއީ ޙަޤީޤީ ޙާދިސާއެކެވެ.
އެކުވެރިންނޭވެ! ހަނދުމަކުރައްވާށެވެ! މައިންބަފައިންނަށް އޯގާތެރިވެ އެބައިމީހުންނަށް ހެޔޮކޮށް ހިތުމަށް އިސްލާމްދީނުގައި އަހަރެމެންނަށް އަންގަވާފައި ވަނީ ވަރަށްވެސް މަތީ ދަރަޖައަކަށެވެ. އެދެމީހުން، ޚާއްޞަކޮށް މަންމައަށް ހެޔޮކޮށް ހިތުމަށް ﷲ ވަނީ އަހަރެމެންނަށް އަމުރު ކުރައްވާފައެވެ.

ފަހެ ﷲ ތަޢާލާ ވަޙީކުރެއްވިއެވެ.
“އެއިލާހަށް މެނުވީ ތިޔަބައިމީހުން އަޅުކަން ނުކުރުމަށާއި، މައިންބަފައިންނަށް ހެޔޮކޮށް ހިތުމަށް، ކަލޭގެފާނު ވެރި އިލާހު ކަނޑައަޅުއްވާ އެންގެވިއެވެ. އެދެމީހުން ކުރެ އެކަކު، ނުވަތަ އެދެމީހުން ތިބާގެ ގާތުގައި ތިބެ، މުސްކުޅިކަމާއި ހަމައަށް ފޯރައްޖެނަމަ، އެ ދެމީހުންނަށް “އުފް” ވެސް ނުބުނާށެވެ. (އެބަހީ: ނުރުހުމުގެ ކިތަންމެ ކުޑަ ބަހެއް ވިޔަސް ނުބުނާށެވެ!) އަދި އެ ދެމީހުންނަށް އަޑުލައި ނުހަދާށެވެ. އަދި މާތް ބަހަކުން އެ ދެމީހުންނަށް ބަސްބުނާށެވެ!”
“އަދި އޯގާތެރިކަމުގެ ގޮތުން، ނިކަމެތިކަމުގެ ފިޔަ، ތިބާ އެ ދެމީހުންނަށްޓަކައި ތިރިކޮށްލާށެވެ. އަދި ބުނާށެވެ. ހައްދަވާ ގެންގުޅުއްވާ އިލާހު! ކުޑަކުއްޖަކު ކަމުގައި މިއަޅާ ވީ ދުވަހު، އެ ދެމީހުން މިއަޅާ ބަލައި ބޮޑުކުރި ފަދައިން، އެ ދެމީހުންނަށް ރަޙްމަތް ލައްވާފާނދޭވެ!” {އަލް އިސްރާއު24-23}ސ
އެކުވެރިންނޭވެ! ﷲ ގެ ރުހިވޮޑިގަތުން ވަނީ މައިންބަފައިންގެ ރުހުމުގައެވެ. އެއިލާހުގެ ކޯފާ ވަނީ އެމީހުންގެ ނުރުހުމުގައެވެ. އަދި ދަންނާށެވެ! މިއަދު ތިބާގެ މައިންބަފައިންނާ ދޭތެރޭ ކަންތައް ކުރާ ގޮތަށް މާދަމާ ތިބާގެ ދަރިން ތިބާއާ ދޭތެރޭ ކަންތައް ކުރާނެއެވެ. އެހެންކަމުން މައިންބަފައިންނަށް އިޙްސާންތެރިވާށެވެ.
މާދަމާ ތިބާއަށް ހުރީކޮންގޮތެއް ހެއްޔެވެ.!!!!ސ

2009-01-17T15:38:00.002+05:00

"Will increasing the incomes of all increase the happiness of all?"

Written by: philox

Few years back a group of economists conducted a study in which they compared the happiness levels of societies across the world. One of the questions they raised was “will increasing the income of all increase the happiness of all?” When we think about it, most of the time we relate people’s financial well-being with happiness. If this is true, the happiest people in the world would be the wealthy population.

Addressing this issue at a micro level, you may expect your happiness level to increase a little bit, if there is a bit increase in your monthly income. With the rise in income, probably you would be able to afford more leisure, fancy goods, or a nice home. Will any additional rise in income increase your level of happiness? According to those economists, happiness often depends on relative income as well. If your income doubles, and at the same time, incomes of your neighbor and friends triples, then it may not increase your happiness level. If your income doubles, while incomes of all the others remain the same, then will you feel happier? Depending on the answers that we give these questions, it may be true that increasing the income of all may not increase the happiness of all.

We may bring political reform with it provide us many civil liberties. We need economic reforms, with it should provide a livelihood. We also need social reforms, so that we can achieve the kind of ‘happiness’ that I’m talking about.

We may establish a society based on good democratic principles and even progress economically. However, economic progress not necessarily means improvement in living standard. With a rise in income level, there must be mental happiness, and the emotional well-being of the people in the country. Economic development if achieved at the expense of a wealthy society with high suicide rates, increased crimes, and broken families, then increasing the incomes alone may not the improve the happiness of all

2009-01-17T14:52:00.003+05:00

މާފުށީޖަލްގައި ޤައިދީންކުރަމުން ގެންދިޔަ ހަޅުތާލުހުއްޓާލައިފި.

ޤައިދީއަކު މިއަދު ނޫސްވެރިންނަށް މަޢުލޫމާތު ދެމުން ބުނީ މާފުށީޖަލްގައި ޤައިދީން ކުރަމުން ގެންދިޔަ ހަޅުތާލު ހުއްޓާލައިފިކަމުގައެވެ. އެމީހުން ހަޅުތާލުހުއްޓާލީ މިކަމުގައެންމެ އިސްކޮށް ޙަރަކާތްތެރިވީ މީހުން އިއްޔެ ފޭދޫފިނޮޅަށް ބަދަލުކުރުމުން ކަމަށް ވެސް އޭނާ ބުންޏެވެ. އަދި މިފަހަރު ކާންފެށީވެސް އެއްވެސް ޝަރުތަކާއި ނުލައިކަމުގައިވެސް އޭނާ ބުންޏެވެ.

މީގެ އިތުރުން މަޖްލީސް މިހާރުޗުއްޓީގައި އޮތުމުން ކަންތައް ތަކެއް ލަސްވަމުންދަނީކަމަށް އެމީހުން ޤަބޫލުކުރާކަމަށާއި ، އަލުން އާމަޖްލީހެއް އިންތިޚާބުވުމުން ކަންތައްތައް ރަގަޅުވެގެންދާނެކަމަށް އުންމީދުކުރާކަމުގައިވެސް އޭނާ ބުންޏެވ.ެ
އަދި މީގެއިތުރުން ސަރުކާރުން ކޮށްދޭނެކަމަށްބުނާ ބައެއް ކޮންދެމުންގެންދާކަމަށާއި، އެގޮތުންމިސްކިތް ބޮޑުކުރަން ފަށާފައިވާ ކަމަށްވެސް އޭނާބުންޏެވެ. ނަމަވެސް މިހާރުގައިދީން ނަށް ލިބޭކެއުންރަގަޅުނޫންކަމަށާއި، އެންމެންނަށް ވާވަރަށް ކާންނުލިބޭކަމަށްވެސް އޭނާ އިތުރަށްކިޔައިދެމުން ބުންޏެވެ. އަދި ޖަލްގައި ހުންނަ ފިހާރައިން ތަކެތިއަގުބޮޑުކަމުން އެތަކެތި ގައިދީންނަށް ނުގަނެވޭކަމަށާއި، މިފިހާރަ ބިޑަށްލާނެކަމަށް ސަރުކާރުން ބުނެފައިވާކަމަށް ޤައިދީން ބުނާކަމަށް ވެސް އޭނާ ހާމަކުރިއެވެ.
މީގެއިތުރުން ރޭގެވަގުތެއްގައި ޖަލްގައިހުންނަކުޑަގޮޅީގެ ގައިދީއަކު ދަންޖެހެން މަސައްކަތްކޮށްފައިވާކަމަށާއި، ނަމަވެސް މިކަންހުއްޓުވާ އެގޮޅީގައި ތިބިމީހުން އޭނާ އެގޮޅިއަށް އޭނާ ވައްދާފައި ވާކަމަށްވެސް މަޢުލޫމާތުލިބިފައިވެއެވެ. މިގޮޅިއަކީ ހޯމްމިނިސްޓްރީން ނައްތާލަން އެދިފައިވާ ގޮޅިއެކެވެ.
މިފަހަރު ގައިދީން ކުރިހަޅުތާލުގައި އެމީހުންޑިމާންޑްކޮށްފައިވަނީ ޤާނޫނީ ހަމަތަކުން އެމީހުންނަށް ކޮށްދޭންޖެހޭ ކަންތައްތައް ކޮށްދިނުމަށެވ. އަދި އެމީހުންއެދެނީ އަފޫޢާއްމު ދީ ދޫކޮށްލުން ނޫންކަމަށާއި، އެމްޑީޕީއިންކުރިވަޢުދާއި އެއްގޮތަށް އެމީހުން ރިހިބެލިޓޭޝަން ސެންޓަރަށް ގެންގޮސް ފަރުވާދީގެން މުޖްތަމަޢުއަށް ފައިދާކުރަނިވި ބައެއްގެގޮތުގައި މުޖްތަމަޢުއަށްނެރެދިނުން ކަމުގައި ޤައިދީން ބުނެފާވެއެވެ.

2009-01-17T14:48:00.001+05:00

ދިވެހިޤައުމީޕާޓީން ބޭނުންވަނީ ދެންހޮވޭ ރައްޔިތުންގެ މަޖްލީހަކީ ޢިލްމީ މަޖްލީހަކަށް ހަދަން – ޑރ.ޙަސަން ސަޢީދު

ދިވެހިޤައުމީޕާޓީން ބޭނުންވަނީ ދެންހޮވޭ ރައްޔިތުންގެ މަޖްލީހަކީ ވަރަށް ޢިލްމީ އަދި އެކި އެކި ކަންކަމުގައި ސަރުކާރުން ރައްޔިތުންނަށް ޖަވާބުދާރީކޮށް ސަރުކާރަށް ޕްރެޝަރ ކުރެވޭފަދަ މަޖްލީހަކަށް ހަދަން ކަމަށް ޑރ.ޙަސަން ސަޢީދު ވިދާޅުވެއްޖެއެވެ. ޗެމްބަރސް އޮފީހުގައި ނޫސްވެރިންނަށް މައުލޫމާތުދެއްވަމުން ޑރ.ޙަސަން ސައީދާއި، ޑރ.މުޙައްމަދު ޖަމީލާއި، ޑރ. ޝަހީދުދެއްވި ނޫސްކޮންފަރެންސެއްގައި ވާހަކަދައްކަވަމުން ޑރ.ޙަސަން ވިދާޅުވީ އަންނަ ޢާޢްމު އިންތިޚާބުގައި ގައުމީޕާޓީގެ ފަރާތުން 20 ނުވަތަ 15 ގޮނޑި ކާމިޔާބު ކުރައްވަން މަސައްކަތް ޕުޅު ކުރައްވަމުން ދާކަމަށާއި، އަދި ޕާޓީގެ ލީޑަރޝިޕްގައިމަސައްކަތް ކުރުމުންގެންދާ ގިނަމީހުންނަކީ މަތީތަޢުލީމު ޙާސިލްކުރަމުން ގެންދާ ފަސްބައިގާ ކިލަނުބުކަމެއްނެތް މީހުންކަމުގައި ޑޮކުޓަރ ޙަސަން ވިދާޅުވިއެވެ.

ޤައުމީޕާޓީގައި ހަތަރު ނައިބުޒަޢީމަކު ޙަރަކާތްތެރިވަމުންދާއިރު އޭގެތެރެއިން އެކަކަކީ ޒުވާނުންގެ ގޮފީގެ ރައީސަށްވާންޖެހޭނެކަމަށާއި ދެންހުންނެވި ނައިބަކީ އަންހެނުންގެ ގޮފީގެ ރައީސާކަމަށާއި، ތިންވަނަބޭފުޅަކަށްހުންނަވާނީ ޕާޓީގެ ޕާލަމެންޓްރީ ގްރޫޕްގެ ވެރިޔާކަމުގައިވެސް ޑޮކްޓަރ ޙަސަން ވިދާޅުވިއެވެ.

2009-01-15T16:29:00.002+05:00

Communities can take part in the effort to put a stop to drug abuse.

Written by: HASSAN SAEED (thihthi)

The illegal or harmful use of drugs is a major threat to our nation and to future generations. Drugs are substances that are becoming more common in our communities as each day goes by. The demand for drugs is also increasing daily. People need to act and play a part in the combating of drugs starting in their own homes. Every individual needs to be aware of the consequences of drug abuse and to help spread the word starting at young ages. All parts of local and national communities need to unite the strengths of professional expertise, generational wisdom, and individual commitment to combat the drug problem as they strive together toward a healthier nation.

Communities can take part in the effort to put a stop to drug abuse by organizing groups of prevention experts and community volunteers whose mission is to help assure a healthier and safer world through drug prevention efforts by providing statistics and accurate information on the abuse of substances. There should also be a higher number of organizations that provide expertise on drug strategies. Everyone who seeks help against drug abuse should be able to find it regardless of where they are located.
There also needs to be enforcement in stronger laws and meaningful legal penalties that hold users and dealers accountable for their actions. The fear of facing the consequences might even prevent some of those who planned to handle drugs. Organizations against drug abuse need to support efforts to prevent availability and use of drugs, and oppose policies and programs that accept drug use. They also need to support national treaties and agreements, including national authorizations and penalties against drug trafficking, and oppose attempts to weaken national drug policies and laws.

2009-01-15T13:51:00.004+05:00

ލަންދޫސްކޫލްގެ ސްކޫލްބޯޑު އުފެއްދުމަށް ބޭނުންވާ މަޢުލޫމާތު ބެލެނިވެރިންނަށް ދީފި

ލަންދޫސްކޫލްގެ ސްކޫލްބޯޑު 2009 ވަނައަހަރަށް އެކުލަވާލުމަށް ވާންޖެހޭތައްޔާރީތައްވުމަށާއި، މިބޯޑު ހިންގަމުން އައި ޤަވާއިދަށް މިނިސްޓްރީއޮފް އެޑިޔުކޭޝަނުން ގެންނެވި ބަދަލުތަކާއި ބެލެނިވެރިންނަށް ދޭންެޖެހޭ ކަމާބެހޭ މަޢުލޫމާތު ދިނުމުގެ ބައްދަލުވުމެއް މިއަދު އެސްކޫލްގައި ބާއްވައިފިއެވެ.
ވަރަށްގިނަ ބާރުތަކާއި އިމްތިޔާޒު ތަކެއް ލިބި މިނިވަން މުއްސަސާއެއްގެ ގޮތުގައި އަދި ޤާނޫނީ ހައިސިއްޔަތެއްވެސް ލިބިދީގެން ސަރުކާރުގެ ހުރިހާ ސްކޫލެއްގައިވެސް މިއަހަރު އުފެއްދުމަށް ހަމަޖެހިފައިވާ ސްކޫލްބޯޑަކީ ސްކޫލުގެ އިސްވެރިއަކަށް ބަހައްޓާނެ ބޭފުޅަކު ހަމަޖެއްސުމުގައްޔާއި، ސްކޫލްގެ އިސްމަޤާމްތަކަށް މުވައްޒަފުން ހަމަޖެއްސުމުގައި މުހިއްމު ދައުރެއްއަދާކުރާނެ ބަޔަކަށް ވެގެންދާނެކަމަށް ލަންދޫސްކޫލުން މިއަދު ބެލެނިވެރިންނަށް މަޢުލޫމާތު ދެއްވަމުންބެލެނިވެރިންނަށް އޮޅުންފިލުވައިދެއްވިއެވެ.

މީގެކުރީގެ އަހަރުތަކުގައި ސްކޫލްބޯޑުގެ މެމްބަރުން ކުރައްވާފައިވާ ބުރަ އަދި އެހާމެ ޛިންމާބޮޑު މަސައްކަތްތަކަށް ޝުކުރުއަދާކުރައްވަމުން މިބައްދަލުވުމުގައި އެސްކޫލުން ހާމަކުރެއްވީ ވޭތުވެދިޔަ އަހަރުތަކުގައި ބޯޑުގެމެމްބަރުންނަށް އެއްވެސް އިނާޔަތެއް ނުވަތަ އެލަވަންސެއް ލިބިފައިނެތްކަމުގައިވިޔަސް މިއަހަރުންފެށިގެން ބޯޑުގެ މެމްބަރުނަށް އެކަށީގެންވާ އެލެވަންސެއް ސަރުކާރުންދެއްވާ ގޮތަށް ހަަމަޖެހިފައިވާ ކަމަށް މިނިސްޓްރީއޮފް އެޑިޔުކޭޝަނުން ސްކޫލްތަކަށް ފޮނުވައްވާފައިވާ ސްކޫލްބޯޑުއެފެއްދުމާއި ބެހޭ ޤަވާއިދުގައިވާ ކަމަށެވެ.
ކުރިމަތިލާ މީހުންގެ މެދުގައި ބޭއްވޭ އިންތިޚާބަކުން ( ސިއްރުވޯޓަކުން ) އަލަށް މިއުފައްދާބޯޑަށް މެމްބަރުން އިންތިޚާބުކުރަން ހަމަޖެހިފައިވަނީ ބެލެނިވެރިންގެ ތެރެއިން 5 ބޭފުޅުންނާއި ، ޓީޗަރުންގެ ތެރެއިން 2 ބޭފުޅުންގެ އިތުރުން މިނިސްޓްރީއިން ކަނޑައަޅުއްވާ 2 ބޭފުޅުންނާއި ، ޕީޓީއޭ ގެ ނައިބުރައީސާއި، ސްކޫލްގެ އިސްވެރިޔާއާއި އަދި ސްކޫލްގެ ކެޕްޓަނާއި އެކު ޖުމުލަ 13 މެމްބަރުން ކަމަށްވެސް އެބައްދަލުވުމުގައި ލަންދޫސްކޫލުން މަޢުލޫމާތުދެއްވިއެވެ.
މި 13 މެމްބަރުންގެ ތެރެއިން ބެލެނިވެރިންގެތެރެއިންނަގާ 5 މެމްބަރުންނާއި، ޓީޗަރުންގެ ތެރެއިން ނަގާ 2 މެމްބަރުންނަކީ ސިއްރުވޯޓުން އިންތިޚާބުކުރާ 7 ބޭފުޅުންނެވެ. އަނެއް 6 ބޭފުޅުންނަކީ އޮޓޮމެޓިކުން ބޯޑަށް އަންނަ ބޭފުޅުންކަމުގައި މިނިސްޓްރީގެ އާ ޤަވާއިދުގައިވާކަމަށް ވެސް ލަންދޫސްކޫލުން ހާމަކުރެއްވިއެވެ.
ލަންދޫސްކޫލަކީ ވޭތުވެ ދިޔަ 4 އަހަރުދުވަހުވެސް މެދުކެނޑުމެއްނެތި ސްކޫލްބޯޑުހިންގާ ، ކުދިންގެ އަޚްލާޤާއި ސްލޫކު ސީދާ އެބޯޑުގެ ދަށުން ބައްލަވާ އަދި ސްކޫލު ހިންގުމަށްބޭނުންވާ ފަންނީ މަޝްވަރާ ދެއްވާ ވަރަށް ހީވާގި ސްކޫލުބޯޑެއް އޮންނަ ސްކޫލެކެވެ. އަދި އެސްކޫލުން މަޢުލޫމާތުދެއްވާ ގޮތުގައި ލަންދޫސްކޫލްގައި ޕީޓީއޭ އުފައްދަވާ ކޮންމެ ދެއަހަރުން އެއްއަހަރު ޕީޓީއޭގެ އެގްޒެކްޓިވް ކޮމިޓީ އެއް އިންތިޚާބުކޮށް ޕީޓީއޭ ހިންގަމުން އަންނަތާ މީ 19 ވަނައަހަރެވެ. ވޭތުވެދިޔަ 18 އަހަރުދުވަހުގެ ތެރޭގައި ޕީޓީއޭގެ ފަރާތުން އެސްކޫލަށް ވެދެއްވާފައިވާ އަގުބޮޑުޚިދުމަތް ތައް އެސްކޫލުން އަބަދުވެސް ޝުކުރުވެރިކަމާއިއެކު ފާހަގަކުރައްވާކަމަށް ލަންދޫސްކޫލުން ވިދާޅުވެއެވެ.

2009-01-14T07:06:00.002+05:00

ގިނަބަޔަކު ހީކުރިގޮތާއި ޚިލާފަށް

ލަންދޫ ކައުންސިލަރގެ މަޤާމަށް މަޖޫ ހަމަޖައްސަވައިފި

ލަންދޫ ކައުންސިލަރުގެ މަޤާމަށް ލަންދޫ ރަސްފަރު މަޖުދުﷲ ޢަބުދުއްރައްޒާޤު ސަރުކާރުން މިއަދު ހަމަޖައްސަވައިފިއެވެ. ކައުންސިލަރުގެ މަޤާމަށް ކުރިން ހަމަޖެހޭނެކަމަށް ގިނަޔަކު ޤަބޫލުކުރަމުން އައީ ސީދާ ތިމަންނަ ރަށުގެ ކައުންސަލަރކަށް ދާނަމޭ ފާޅުގައި ބުނަމުން އައި ލަންދޫ ބުލޫކިޔާގެ އަލްފާޟިލް ޖައުފަރު ރަޝީދެވެ. ނަމަވެސް އެކި ގޮތްގޮތަށް ތަފާތު ބަހުސް ތައް ރަށުތެރޭގައި މިކަމާއިމެދު ކުރެވެމުން މިދާ ދަޑިވަޅުގައި ކުއްލިއަަކަށް އިވިގެންދިޔަ ޚަބަރަކީ މަޖޫ މިމަޤާމަށް ހަމަޖެހިގެން ދިޔަ ޚަބަރެވެ. އެހެންކަމާއި އެކު ލަންދޫއިންފޯއިން އޭނާއަށް އިސްވެ މަރުޙަބާކިޔަމެވެ.

ފަށާތަޢުލީމާއި މެދުމަދުރަސީ ތަޢުލީމު ނ.އަތޮޅުތަޢުލީމީމަރުކަޒުން ޙާސިލްކުރެއްވި އަލްފާޟިލް މަޖްދުﷲ ޢަބުދުއްރައްޒާޤަކީ މާލޭއިންގްލިޝް ސްކޫލުންވެސް ތަޢުލީމު ޙާސިލުކުރައްވާފައިވާ ބޭފުޅެކެވެ.
ލަންދޫ މިއަދު މިދެކޭ ތަރައްޤީގެ ބާނީ ކަމުގައިބެލެވޭ މުޅިއަތޮޅަށާއި، ރާއްޖެއަށް ޤައްޒާފީ ގެ ނަމުން މަޝްހޫރުވެފައިވާ ލަންދޫގެ ކުރީގެ ކަތީބު އަލްމަރުޙޫމް ޢަބުދުއްރައްޒާޤު މޫސާގެ ދެވަނަ ދަރިފުޅު މަޖުދުﷲ ފާހަގަ ކުރެވިފައިވަނީ އެމްޑީޕީ އަށް ވެންނެވީންސުރެން މިއަދާއި ހިސާބަށް އެމްޑީޕީ އަށް ޓަކައި ވަރަށް އިޙްލާސްތެރި ޚިދުމަތްތަކެއް ކުރެއްވި އަދި މިހާރުވެސް ކުރައްވަމުން ގެންދަވާ ބޭފުޅެއްގެ ގޮތުގައެވެ.
ރަށުގެ އެކިކަންކަން އިސްލާޙްކުރެއްވުމަށް ކުރެއްވެން ހުރި ކަންތައް ތަކަކީ ކޮބައިތޯ ބައްލަވާ އެފަދަމަސައްކަތްތަކުގައި އުޅުއްވާ އަދި އެމްޑީޕީގެ ސަރުކާރަށް ތާއީދުކުރައްވާ ވޭތުވެދިޔަ ރިޔާސީ އިންތިޚާބުގައިވެސް ރައީސް ނަޝީދަށް ވޯޓްހޯއްދެވުމަށް ރަށުގައިވެސް އަދި މާލޭގައިވެސް ވަރަށްބުރަމަސައްކަތް ތަކެއްކުރައްވާފައިވާ މަޖުދުﷲ އަކީ މިހާރު މާލޭގައި ދިރިއުޅުއްވަމުން ގެންދަވާ ބޭފުޅެކެވެ. މިދިޔަ އަލްޙާ ޢީދުބަންދުގައި ޢާއިލާއާއި އެކު އީދުޗުއްޓީ ހޭދަކޮށްލެއްވުމަށް ރަށަށް ވަޑައިގަތެވެ.
ލަންދޫ ބޮޑުކަތީބު އަލްފާޟިލް ޙަސަންނަޞީރު އާއި ދެބެންގެ ދެދަރި ލަންދޫ ރަސްފަރު އަލްފާޟިލް މަޖްދުﷲ ޢަބުދުއްރައްޒާގު ފަހަކަށްއައިސް ފާހަގަކުރެވިފައިވަނީ ދީންވެރި މަޑުމައިތިރި ބޭފުޅެއްގެ ގޮތުގައެވެ. އަދި މަޖޫއަކީ ކުޑައިރުއްސުރެވެސް މިއަދާހަމައަށް ވެސް ރައްޓެހިންނަށް ހެޔޮ ގާތްތިމާގެ މީހުން ނާއިގުޅޭ އޯގާތެރި ބޭފުޅެކެވެ.
ރަށުކައުސިލަރުގެ މަޤާމަށް އަލަށް މަޖޫހަމަޖެހިގެންދިޔުމުން ލަންދޫއިންފޯގެ ފަރާތުން މަޖޫއަށް ތަހްނިޔާއާއި މުބާރަކުބާދީ އަރިސްކުރަމެވެ. އަދި މަޖޫގެ ދުރުވިސްނުމާއި، ހިންގުތެރި ވެރިކަމުގެ ދަށުން ލަންދޫގެ އެންމެހައިކަންތައްތައް މިހާރަށް ވުރެ ފުރިހަމަ ވެގެންދާނެކަމަށް ލަންދޫއިންފޯއިން އުންމީދުކުރަމެވެ.

2009-01-13T19:37:00.001+05:00

ކެނދިކުޅުދޫސްކޫލްގެ ޕްރިންސިޕަލް ޢަބުދުﷲ އަޙްމަދު ކެމްޕޭން ދަތުރުފުޅެއްގައި ލަންދޫއަށް ވަޑައިގެންފި

ކުރިއަށް އޮތް ޢާޢްމު އިންތިޚާބަށް ނ.އަތޮޅުގެ ތިންދާއިރާއިން ކުރެ ނ.ކެނދިކުޅުދޫ ހިމެނޭ އިރުމަތީ ބިތަށް ރައްޔިތުންގެ މަޖްލީހުގެ މެމްބަރުކަމަށް ކުރިމަތިލައްވާނެ ކަމަށް ވިދާޅުވެފައިވާ ނ.ކެނދިކުޅުދޫ ސްކޫލްގެ ޕްރިންސިޕަލް އަލްފާޟިލް އަބުދުﷲ އަޙްމަދު އިއްޔެ ލަންދުއަށް ކެމްޕެއިން ދަތުރުފުޅެއްގައި ވަޑައިގެންފިއެވެ.
މިއިންތިޚާބުގައި މިހާތަނަށް މާޅެންދޫ އާއި ހެނބަދޫ ފިޔަވާ މިބިތުގައި ހިމެނޭ 5 ރަށުން ކޮންމެރަށަކުންވެސް މަދުވެގެން އެއްބޭޅަކު ކުރިމަތިލައްވާނެކަމަށް ލަންދޫއިންފޯއަށް މަޢުލޫމާތު ލިބިފައިވެއެވެ. މިހާތަނަށް އެނގިފައިވާ ގޮތުން ލަންދޫއިން ވެސް ދެބޭފުޅަކު މިއިންތިޚާބުގައި ވާދަކުރައްވާނެކަމަށް އެންގިފައިވެއެވެ.

އަލްފާޟިލް ޢަބުދުﷲ އަޙްމަދަކީ މިހިސާބުގެ ވަރަށް ގިނަބަޔަކު ދަންނަ މަޝްހޫރު މޫނެކެވެ. އެބޭފުޅާގެ މަޝްހޫރުކަމާއި ހުނަރުވެރިކަން އިތުރަށް ހާމަވެގެން ގޮސްފައިވަނީ 2006 ވަނައަހަރު ކެނދިކުޅުދޫ ސްކޫލް ހިންގަވަން ވެރިއެއްގެ ގޮތުގައި އެބޭފުޅާ ހުންވައިގެން އެސްކޫލްގެ ދަރިވަރުން ޖީސީއީ އިމްތިޙާނު ތަކުން ހޯދި މަތިވެރި ކާމިޔާބީއެވެ. ޢަބުދުﷲ އަޙްމަދު ގެ ހީވާގި މަސައްކަތް ޕުޅާއި އެކު މިހާރު ކެނދިކުޅުދޫ ސްކޫލްގައި ވަނީ ގްރޭޑް 11 އަދި 12 ވެސް އުފައްދާފައެވެ.
އަދި މިހާތަނަށް އެނގިފައިވާ ގޮތުން ލަންދޫ މާޅެންދޫ ހެނބަދޫ ކެނދިކުޅުދޫ ކުޑަފަރި މިފަސްރަށުން ބޭފުޅުން ކުރިމަތިލައްވާ އިރު މިއިންތިޚާބު ޔަޤީންކަމާއި އެކު ކާމިޔާބުކުރެއްވޭ ވަރުގެ ޝަޚްޞިއްޔަތެއް ކުރިމަތިލައްވާނެކަމަކަށް ގިނަމީހުން ނުބުނެއެވެ. ކޮންމެ މީހަކުވެސް ބޮޑަށް ބުރަވަނީ އެމީހެއްގެ ރަށުމީހާއަށް ވޯޓުދިނުމަށެވެ. އަދި ރަށުން އެކަކަށްވުރެ ގިނަމީހުން ކުރިމަތިލައްވައިފިނަމަ މެމްބަރުކަމަށް އެންމެ ޤާބިލް ފަރާތަކަށް ވޯޓުދިނީމާ ހުންނާނީ ރަގަޅަށް ކަމަށް ބައެއްފަރާތްތަކުން މިހާރުވެސް ބުނަމުން ދެއެވެ.
އިންތިޚާބު ކާމިޔާބުކުރައްވާނީ ކޮން ކެނޑިޑޭޓެއްކަން އެނގިގެން ދަންނަވަން އެގެނީ އިންތިޚާބަށް ފަހުގައި ދޮގެއްތޯއެވެ.

2009-01-13T10:20:00.003+05:00

ލަންދޫގައި ޕްރީސްކޫލްގެ ޚިދުމަތް މިއަހަރު ދޭނީ "ލިޔެސް" އިންކަމަށް ހާމަކޮށްފި

ލަންދޫ ގައި ޕްރީސްކޫލްގެ ޚިދުމަތް މިއަހަރުން ފެށިގެން ދެން ދޭނީ ލަންދޫޔޫތު އެންކަރޭޖިން ސޮސައިޓީން ކަމުގައި އެޖަމްޢިއްޔާގެ ރައީސް އަލްފާޟިލް މުޙައްމަދު އިބްރާހީމް ލަންދޫ އިންފޯއަށް މަޢުލޫމާތު ދެއްވައިފިއެވެ. މިއަދު ހެނދުނު ގެ ވަގުތެއްގައި ލަންދޫއިންފޯއަށް ދެއްވި ބަސްދީގަތުމެއްގައި ލިޔެސް ޖަމްޢިއްޔާގެ ރައީސް ލަންދޫސްކޫލްގެ ޕްރައިމަރީޓީޗަރ އަލްފާޟިލް މުޙައްމަދު އިބްރާހީމް ވިދާޅުވީ ފުރަތަމަ ފަށައިގަންނައިރު ކިޔަވައިދެއްވަން ފައްޓަވާނީ މިދިޔައަހަރު އާމިރީނާސަރީ ކްލާސް ހިންގި ޢިމާރާތުގައި ، ހަމަ އެތާނގެ ތަކެތީގައި، ފަރނީޗަރާއި އެހެނިހެން ތަކެތި ބޭނުންކުރައްވައިގެންނެވެ.

މުޙައްމަދު އިބްރާހީމް އިތުރަށް ވިދާޅުވީ ޖަމްޢިއްޔާގެ ފަރާތުން ނާސަަރީކްލާސް މިއަހަރުން ފެށިގެން ކުރިއަށް އޮތްތާންގައި ހިންގަން މިފައްޓަވަނީ މިނިސްޓްރީގެ ކަމާބެހޭ ބޭފުޅުންނާއިވެސް މަޝްވަރާކުރެއްވުމަށް ފަހު މިޚިދުމަތް ލަންދޫގައި ދޭންމެފަށަނީ އެކަށީގެންވާ ފެންވަރެއްގައި މިޚިދުމަތް ދެއްވޭނެކަމުގެ ވަރަށްބޮޑު އުންމީދު އޮވެގެންކަމުގައެވެ.
ޕްރީސްކޫލްގައި ކިޔަވައިދެއްވާނެ ޓީޗަރުން ހޯދަވާނީ އެކަމަށް ޢިއުލާނުކޮށްގެން ކުރިމަތިލާ ކުދިންގެ ފެންވަރު ވަޒަން ކޮށް ކަމަށް އެކަށީގެންވާ ކުދިންގެ ތެރެއިން ކަމަށްވެސް ލިޔެސްގެ ރައީސް ވިދާޅުވިއެވެ. އަދި ވަރަށް އަވަހަށް އަމިއްލަ ޢިމާރާތަކަށް ޕްރީސްކޫލް ބަދަލުކުރުމަށް މަސައްކަތް ފައްޓަވާނެ ވާހަކަވެސް ވިދާޅުވިއެވެ.
މިއަދުންފެށިގެން މިމަހުގެ 18 ގެ ނިޔަލަށް ރަޖިސްޓްރޭޝަނުގެ ކަންތައް ނިންމުމަށް ހަމަޖެހިފައިވާ ޕްރީސްކޫލްގެ ޚިދުމަތަށް ބޭނުންވާ ދަރިވަރުން ނަންނޯޓު ކުރުމުގެ ކަންތައް ލިޔެސް ޖަމްޢިއްޔާއިން މިއަދުން ފެށިގެން ކުރިއަށް ގެންދަވާނެކަމަށާއި ، ނަންނޯޓްކުރުމުގައި ވަކިޢުމުރަކަށް ނުބައްލަވާ ކަމަށާއި ބޭނުންވެލައްވަނީ ވީހާވެސް ގިނަކުދިން ކަމުގައި ވޭތުވެދިޔަ އަހަރުވެސް ޖަމްޢިއްޔާގެ ރައީސްކަން ކުރެއްވި އަދި މިއަހަރުގެ ވެސް ރައީސް އަލްފާޟިލް މުޙައްމަދު އިބްރާހީމް ވިދާޅުވިއެވެ.

2009-01-12T19:43:00.002+05:00

ލަންދޫގައި ތިބީ 65 އަހަރުން މަތީގެ 36 މީހުންކަމުގައި ސަރވޭޓީމުން ބުނެފި

ރައީސް މުޙައްމަދު ނަޝީދު ވެރިކަމަށް ވަޑައިގަތުމުގެ ކުރިންވެސް، އެންމެ ގިނައިން ވިދާޅުވި އެއްވާހަކަފުޅަކީ ޢުމުރުން ދުވަސްވީ މީހުންނަށް އެލަވަންސެއް ދެއްވާނެވާހަކައެވެ. ﷲ ގެ ހެޔޮރަޙްމަތްފުޅުން މިއަދަކު މާދަމާއަކު މިޤައުމުގައި ތިބި ޢުމުރުންދުވަސްވީ މީހުންނަށް އެވިދާޅުވި އެލަވަންސް ލިބެންފަށާނެއެވެ.
ލަންދޫގައި ތިބި މީހުންގެތެރެއިން އެލަވަންސް ލިބެންޖެހޭ މީހުންނަކީ ކޮބައިތޯ ބެލުމަށް ލަންދޫ އޮފީހުން ސަރވޭ ޓީމެއް އެކުލަވާ ލައްވާ މިއަދުވަނީ އެފަދަމީހުންގެ ލިސްޓެއް ނަންގަވާ ފައެވެ. ސަރވޭ ޓީމުގެ ލިސްޓްގައި ވާގޮތުން މިވަގުތު ލަންދޫގައި ތިބީ އެލަވަންސް ލިބެންޖެހޭ36

މީހުންނެވެ.

ސަރވޭޓީމުގެ ބޭފުޅެއް ކަމުގައިވާ ލަންދޫ ދޫރެސް އަލްފާޟިލް ޢަބުދުﷲ އަމްޖަދު ލަންދޫއިންފޯއަށް މަޢުލޫމާތު ދެއްވިގޮތުގައި މިމަސައްކަތުގައި ލަންދޫގެ ގޭގެއިން ވަރަށް ބޮޑު އެއްބާރުލެއްވުމެއް ދެއްވާފައިވެއެވެ. އަދި ވަކިންޚާއްޞަކޮށް ޢުމުރުން ދުވަސްވީ ބޭފުޅުން ގެ ފަރާތުން ލިބިފައިވާ އެއްބާރުލެއްވުމަށް އޭނާ ޝުކުރުއަދާކުރެއްވިއެވެ. އަދި އިތުރަށް އަމްޖަދު ކިޔައިދެއްވިގޮތުގައި ޢުމުރުން ދުވަސްވީ ބޭފުޅުންގެ ތެރެއިން ޢުމުރުން 65 އަހަރާ ގާތްކުރާ މީހުން ޢުމުރު ހަމަނުވާތީ ވަރަށްބޮޑަށް ދެރަވެގެން އުޅުއްވިއެވެ. އަދި އެފަދަބައެއްބޭފުޅުން ގެ އައިޑީކާޑު ޞައްޙަނޫންކަމަށްވެސް އެފަދަ ބޭފުޅުން ތުހުމަތު ކުރައްވާ ކަމަށްވެސް އަމްޖަދު ލަންދޫ އިންފޯއަށް މަޢުލޫމާތު ދެއްވިއެވެ.
ލަންދޫއިންފޯއިން އެދެނީ މި އެލަވަންސް ދާއިމީ ގޮތެއްގައި ޝަރުތުހަމަވާ އެންމެހައި ބޭފުޅުންނަށް ލިބިގެން ދިޔުމެވެ.

2009-01-11T19:50:00.004+05:00

ބިމާއި،ގޮނޑުދޮށް ހެޔޮގޮތުގައި ބޭނުންކުރާނެގޮތުގެ މަޢުލޫމާތު ދިނުމުގެ މަސައްކަތު ބައްދަލުވުމެއްބާއްވައިފި.

ލަންދޫޔޫތުއެންކަރޭޖިން ސޮސައިޓީއާއި ، ލިވްއެންޑް ލާރން ، އާއި އަދި ލަންދޫއޮފީހާއި ގުޅިގެން ބިމާއި،ގޮނޑުދޮށް ހެޔޮގޮތުގައި ބޭނުންކުރާނެގޮތުގެ މަޢުލޫމާތު ދިނުމުގެ 11 ގަޑިއިރުގެ މަސައްކަތު ބައްދަލުވުމެއް ލަންދޫގައި ބާއްވައިފިއެވެ.

ލަންދޫއޮފީހުން އިންތިޒާކޮށްގެން ބޭއްވި މިމަސައްކަތު ބައްދަލުވުމުގައި މަޢުލޫމާތުދެއްވުމަށް ލިވްއެންޑްލާންގެ ބޭފުޅުން ލަންދޫއަށް ވަޑައިގެން މިމަސައްކަތު ބައްދަލުވުމުގެ ބައިވެރިންނަށް މަޢުލޫމާތު ދެއްވިއެވެ. މިދިޔަ ހުކުރު ދުވަހާއި އެދުވަހުގެ ރޭ ލަންދޫ އަންހެނުންގެ ކޮމިޓީގެ އިދާރާ ކަމަނާވެހީގައި ބޭއްވުނު މިބައްދަލުވުމުގައި ރަށުގެ ސަރުކާރުހުރިހާ މުއައްސަސާތަކުންނާއި، އާއްމުންގެ ތެރެއިން ބޭފުޅުންނާއި ، ރަށުގެ ކަމުވޮށިވެގެންވާ ބައެއް ބޭފުޅުން އަދި ސްކޫލްގެ މަތީކްލާސްތަކުގެ ބައެއް ދަރިވަރުން ވެސް މިމަސައްކަތު ބައްދަލުވުމުގައި ބައިވެރިވެރިވެލެއްވިކަމަށްމަޢުލޫމާތުލިބިފައިވެއެވެ.
މިމަސައްކަތު ބައްދަލުވުމުގެ ބައިވެރިން ވަނީ ރަށުގެ ވަރަށް ގިނަސަރަޙައްދު ތަކެއް ބަލާ ސަރވޭ ކޮށްވެސް ހަދާފައެވެ.
މިމަސައްކަތު ބައްދަލުވުމުގައި ބައިވެރި ވެލެއްވި އެއްބައިވެރިއަކު ހާމަކުރެއްވި ގޮތުގައި މިފަދަ މަސައްކަތު ބައްދަލުވުން ތަކަކީ ރަށަށާއި މުޅި މުޖުތަމަޢުއަށް ވަރަށް ބޮޑަށް ފައިދާ ކުރާނެ މަސައްކަތު ބައްދަލުވުން ތަކެކެވެ. ނަމަވެސް މިފަދަ ބައްދަލުވުން ތަކުން ނިންމާ ކަންތައްތަކާއި ދެއްވާ މަޢުލޫމާތުތައް ޢާއްމު ދިރުއުޅުމުގައި ބޭނުންކުރާ ފަރާތްތައް މަދުވުމުން ގިނަފަހަރަށް އޮންނަނީ މިފަދަކަންކަމުގެ އަސްލު މަޤްޞަދުޙާޞިލު ނުވެކަމަށް އޭނާ ހާމަކުރެއްވިއެވެ.
ލަންދޫއިންފޯއިން އެދެނީ މިފަދަ ގިނަބައްދަލުވުން ތަކާއި މަޢުލޫމާތު ދިނުމާއި ލިބިގަތުގެ އެކި ސެޝަންތައް ލަންދޫގައި އެއްދުވަހުން އަނެއްދުވަހަށް އިތުރުވެގެން ދިޔުމެވެ.

2009-01-10T13:50:00.004+05:00

LANDHOO MAABUDHUGE (HAIKA).

Written by: Alive Still

As we all know, Maldives before was a Budhisam religion. But it was changed to Islam. Still we find the temples in the Islands. But these places are not taken care of so as it has to be. The places keep on getting destroyed. I am trying to say is, these places are really helpful for our tourism because the guest comes to know the life style of Maldivians. At the same time to get the hospitality from us. In the above picture you can see the temple.

Landhoo has large ruins from the historical Maldivian Buddhist era. On the northwest side of the Island, there is an ancient mound known as "Maabadhige Haithka" by the local people. This is the ruins of a Buddhist Stupa. The diameter of the mound is 292 feet and the height is 28 feet. The remains in this Island are probably the single most important Buddhist ruins in the Northern region of the Maldives. Now it looks like a sand small mountain but it has really old trees even at the top. It is said that, this place was used by a babarian king in the olden days. But now it does not looks likes a much of a temple. The person who explained this place to me was an old guy. He said, in his grand fathers time it was called haika because it has another small six places other then the main one surround the place, but they are really small like veli funi( in the picture you can see the big one). I Hope people who will read this will put an effort to see this place. Believe me it’s a nice place to go and see for our own eyes.

2009-01-09T21:49:00.003+05:00

ލަންދޫގައި ރޭ އަލިފާނުގެ ޙާދިސާއެއް ހިނގައިފި

ރޭ ގާތްގަޑަކަށް 11:30 އެހާކަށްހާއިރު ލަންދޫ އަތިރީމިސްކިތުގެ ހުޅަނގުން އޮންނަ ކުނިއަޅާ ގޮނޑުގައި އަލިފާން ރޯވެއްޖެއެވެ. ރައްޔިތުން ނިކުމެ އަލިފާންގަނޑު ކޮންޓްރޯލް ކުރެވުނީ ގާތްގަޑަކަށް 12:00 ގައެވެ. މިއަލިފާނުގެ ސަބަބުން އެއްވެސް މީހަކަށް އަދި އެއްވެސް އެއްޗަކަށްވެސް ގެއްލުމެއް ނުލިބެއެވެ. ނަމަވެސް އަލިފާން ރޯވެފައިވާ ސަރަޙައްދުގައި ހުރި ބައެއްރުއްގަހުގެ ފަންތަކާއި ފަތްތައް ހިސާބަކަށް އަދާފައިވެއެވެ.

އަލިފާން ގަނޑުނިއްވަން ދިޔަ ގިނަމީހުން ތުހުމަތު ކުރާގޮތުގައި މިއީ ބަޔަކު ގަސްތުގައި ރޯކޮށްފާވާ އަލިފާނެކެވެ.
ގިނަބަޔަކު ޤަބޫލުކުރާގޮތުގައި އަލިފާން ރޯކުރި މިސަރަޙައްދަކީ ފަޅުކޮނުމާއިގުޅިގެން އަލިކޮށްސާފުކުރުމަށް ވަރަށްގިނަރައްޔިތުން އެެދެމުންދާ ސަރަޙައްދެކެވެ. ނަމަވެސް އަމިއްލަ މީސްމީހުންގެ ރުއްގަސް މިސަރަޙައްދުގައި ހުރެފާ އެތަކެތި ކެނޑުމުގެ ހުއްދަ އެތަކެތީގެ ވެރިން ނުދޭތީ އަދި މިތަން ސާފުކުރެވިފައިވާނުވަނީ އެވެ.
ގިނަބަޔަކު މިސަރަޙައްދު ސާފުކުރަން ބޭނުންވެފާތިއްބާ މިތަންސާފުކުރުމުގެ މަސައްކަތް ނުފައްޓާ ޖެޓީއާއިދިމާއިން އަރައިގެން އަންނަން އޮން މާވެވުމަގު ކިޔާ މަގުގެ ވެލިގަނޑު އެއްވަރުކޮށް ގާނަގާ ހެދުމަށް ޓަކައި ރައްޔިތުން ނަށް ގޮވާފާ އޮތް އޮތުން މިއަލިފާނާއި ކޮންމެވެސް ގުޅުމެއް ހުރިކަމަށް ގިނަބަޔަކު ޤަބޫލުކުރެއެވެ.

2009-01-08T09:49:00.002+05:00

ރަށުކައުންސިލަރގެ މަޤާމަށް ބޭފުޅަކު ހަމަޖައްސަވާއިރު....... ސ

ލިޔުނީ : އަޙްމަދު ދާއޫދު

އެނގިވަޑައިގަންނަވާނޭފަދައިން ، މުޙައްމަދު އަމީންވެރިކަމުގެދުވަސްވަރުގައި ވެސް އޭގެ ކުރިންވެސް ރަށުގެ އެންމެއިސްވެރިއަކަށް ހުންނަވަނީ ކަތީބު ގެ މަޤާމްގައި ހުންނަވާބޭފުޅެކެވެ. ވަރަށްކުރީގެ ތާރީޚެއްގައި ( ކަތީބުން ހަމަޖެއްސެވުމުގެ ކުރީގައި ) ރަށުގެ އެންމެއިސްވެރިއަކީ ރަށުގެ މުދިންމީހާކަމުގައި ވެގެންދިޔަ ދުވަސްވަރެއްވެސްގޮސްފައިވެއެވެ. ކޮންމެއަކަސް ރަށުގެ ވެރިކަމުގައި އެންމެ ގިނަދުވަސްވީ ބަޔަކީ ކަތީބުންކަމުގައި އެއްބަސްނުވާނޭ ހަމައެކަކުވެސް ހުންނާނެއެކޭ ނުދެންނެވޭނެއެވެ.

ކަތީބުންގެ މަޤާމް އުވާލައްވާ ބައެއްކަތީބުންނަށް ޕްރަމޯޝަން ދެއްވާ ކައުންސިލަރުންގެ މަޤާމްއުފައްދަވާ ރަށުގެ އެންމެއިސްވެރިއަކީ ކައުންސިލަރު ކަމުގައި އަދުގެ ސަރުކާރުން މިހާރުމިދަނީ ހަމަޖައްސަވަމުން ނެވެ. ޒަމާނުއްސުރެ ކިޔަމުން އައި ކަތީބު ގެ ނަން ކައުންސިލަރަށް ބަދަލުކޮށްގެން ކިޔަން ފަސޭހަނޫން ބަޔަކު ކޮންމެ ރަށެއްގައިވެސް ތިބޭނެކަން ކަށަވަރެވެ. އެހެންނަމަވެސް ދިވެހިންނަކީ މާ ބޯހަރުބަޔަކަށްނުވާތީ އެމީހުންނަކީ އެއިރެއްގެ ސަރުކާރަކުން ނިންމެވިކޮންމެގޮތެއް ވަރަށްބޮޑަށް ރުހިގެން ޤަބޫލުކުރާބައެކެވެ. މިއައިބަދަލުވެސް އުދަނގުލުންނަމަވެސް ބަލައިގަންނާނެކަމީ އަޅުގަނޑު ޝައްކުކުރާ ކަމެއްނޫނެވެ.
ޙަޤީޤަތުގައި އަޅުގަނޑުގެ ބޭނުމަކީ ، ލަންދޫގެ ކައުންސިލަރުގެ މަޤާމަށް ބޭފުޅަކު ހަމަޖައްސަވާނަމަ ހަމަޖެއްސެވުމުގެ ކުރިން ވިސްނާވަޑައިގަންނަވަން ޖެހޭ ކަންތައްތަކެއް ހުރީތީ އެކަންތައް ތަކުގެ ވާހަކަ ކަމާބެހޭ ބޭފުޅުންގެ ސަމާލުކަމަށް ގެނައުމެވެ. މަޢުޟޫޢު އާއި ގެން ކުރިއަށްދާއިރު މާޒީގައި ލަންދޫގެ ވެރިންގެ ގޮތުގައި މަސައްކަތް ކުރެއްވި ބޭފުޅުންގެ މަސައްކަތް ޕުޅުތައް ލަންދޫރައްޔިތުން ބަލައިގެންފައިވާ ގޮތުގެމައްޗަށް ވެސް ބަލައިލަން އެބަޖެހެއެވެ.
ލަންދޫގައި ކަތީބުންގެ ގޮތުގައި މާގިނަބަޔަކު މަސައްކަތް ކުރައްވާފައި ނުވިނަމަވެސް އެކިދުވަސްވަރު އެކި ބޭފުޅުން ކަތީބު ކަމުގައި ރަށުގެ އިސްވެރިންގެ ގޮތުގައި ލަންދޫގައި ރައްޔިތުންނަށް ޚިދުމަތް ކުރުމުގައި ނުވަތަ ރައްޔިތުންނަށް އަމުރު މަޢުރޫފު ހިންގުމުގައި އުޅުއްވިއެވެ. އެބޭފުޅުންގެ މަސައްކަތް ޕުޅުތައް މާޒީގައި ރައްޔިތުން ބަލައިގެންފައިވަނީ އެދުވަސްވަރެއްގައި އެހުންނެވި ކަތީބެއްގެ ސިޔާސަތާއި ޢަމަލުފުޅުތައް ރައްޔިތުންނާއި ދޭތެރޭ ބެހެއްޓެވި ގޮތެއްގެ މައްޗަށް ކަމަށް ވަނީ ވެފައެވެ. އެގޮތުން ރައްޔިތުންގެ މަސްލަހަތަށްވުރެ ބޮޑަށް ތިމާއާއި ތިމާގެ އާއިލާގެ މީހުންގެ ބޭނުންތަކާއި އެދުން ތައް ކުރިއަށްނެރެ ވެރިކަންކުރެއްވި ކަތީބުންނަށް އަބަދުވެސް އުޅުއްވަން ޖެހިލެއްވީ މުޅިވެރިކަމުގެ ޙަޔާތުގައިވެސް ރައްޔިތުންގެ ފަރާތުން އަންނަ ގަޅިތަކުން ސަލާމަތް ވެވޭތޯ ރައްކައުތެރި މަގެއް ހޯދުމުގެ މަސައްކަތުގައެވެ. އެފަދަބޭފުޅުންނާއި ބެހޭޝަކުވާ ތައް ރައްޔިތުންގެ ފަރާތުން ސަރުކާރުގެ ކަމާބެހޭ ފަރާތްތަކަށް ކެނޑިނޭޅިއޮހެމުން ގޮސްފާވެއެވެ.
އެއާ ޚިލާފަށް ރައްޔިތުންނާއި ދޭތެރޭ ވިސްނާ ރަށުގެ ޢާއްމުފަރުދުންގެ ކަންތައްތަކާއި ބޭނުންތައްފުއްދައިދިނުމަކީ އެމީހާގެ ވާޖިބު ކަމުގައި ދެކިގެން ކަތީބުކަން ކުރެއްވި ވެރިން ވެސް މާޒީގައި ވެގެންގޮސްފައިވެއެވެ. އެފަދަ ބޭފުޅުންނާއި ދޭތެރޭ ރައްޔިތުންގެ ލޯތްބާއި ކުލުނު ލިބިގެން ގޮސްފައިވަނީ އިންތިހާދަރަޖައަށެވެ. ލަންދޫގައި ކަންތައް ތައް ވެގެންގޮސްފައިވަނީ މިދެންނެވި ގޮތުގެ މަތިންކަމަށް މިކަންކަން ދެނެހުރި އެންމެހައި ރައްޔިތުން ޤަބޫލުކުރާނެއެވެ.
ދެންއޮތީ އަލަން މިހަމަޖައްސަވާ ކައުންސިލަރުގެ ކަންތައްތައް ހުންނާނީ ކިހިނެއްބާއޭ ކިޔާ ކުރެވޭ ސުވާލެވެ. ކަތީބުގެ ނަމުން ކައުންސިލަރގެ ނަމަށް ބަދަލުވިޔަސް، ކަމަކީ ހަމައެއް ކަމެކެވެ. އިންނަވާނީ ހަަމަ ކުރީގެ ކަތީބުންވެސް އިންނެވި ގޮނޑީގައެވެ. އެހެންކަމަށްވާނަމަ އެބޭފުޅަކު ރައްޔިތުންގެ ޚާދިމަކަށް ވާންޖެހެއެވެ. ކިލަބު ކަމެއްނެތް މާޒީއެއް (ޕްރޮފައިލެއް) އޮތްބޭފުޅަކަށްވާންޖެހޭނެއެވެ. އެއީ އެވެނިކަމެއް ، މިވެނިކަމެއް ކުރައްވާ ބޭފުޅެކޭ ކިޔައިގެން ނުރުހުމުގެ އިނގިލި އެބޭފުޅަކާ ދިމާއަށް ދިއްކުރުމުގެ ފުރުޞަތު އޮތް ބޭފުޅަކަށް ވެގެންނުވާނެއެވެ. ޒަމާނުގެ ތަޢުލީމުގެ ކޮންމެވެސް މިންވަރެއް އެންމެ ކުޑަމިނުން ލިބިފައިހުރި ބޭފުޅަކަށްވާންޖެހޭނެއެވެ. ސޮސައިޓީގައި ޤަދަރު ވެއްޓޭފަދަ ޒަމާނީ ސްޓައިލްގެ ބޭފުޅަކަށްވެގެން ނުވާނެއެވެ. މިފަދަ މަޤާމެއް އަދާކުރެވޭ ވަރުގެ ސިއްހަތެއް ހުރިބޭފުޅަކަށް ވާންޖެހޭނެއެވެ. ޢާއިލާގެ މީހުންގެ ނުވަތަ ރައްޓެހިންގެ ނުފޫޒު އެބޭފުޅަކަށް ފޯރުކޮށް ޤާނޫނާއި ޤަޥާޢިދުގެ އިމުން ބޭރުވާ ފަދަ މިނިވަންކަމެއް ނެތް ފިނޑި ބޭފުޅަކަށް ވެސް އެބޭފުޅަކު ވެގެންނުވާނެއެވެ. ޤާނޫނާއި ޤަވާޢިދު ތަންފީޒުކުރުމުގައި ވަކިފަރާތެއް ކުއްވެރި ވެދާނެތީ ބިރުގަނެ އަމިއްލަނަފްސަށް އިތުބާރު ނެތް ( ކޮންފިޑެންސް ) ގެއްލިފައިވާ ބޭފުޅަކަށް ވެގެންނުވާނެއެވެ. ޒަމާނީ ތަޢުލީމުގެ ތެރޭގައި ނުހިމެނުނަސް އެންމެކުޑަމިނުން ކަށުކަމާކެމީގެ ކަންތައްތަކާއި، އިމާމުވެ މިސްކިތުގައި ނަމާދުކޮށްލެވޭ ވަރުގެ ދީނީ ތަޢުލީމެއް ހުރި ބޭފުޅަކަށްވެސް އެބޭފުޅަކު ވާންޖެހޭނެއެވެ. ބޮޑެތި ޖަލްސާތަކުގައި ތަޤްރީރުތައް ނުކުރެއްވުނަސް އެންމެކުޑަމިނުން ރައްޔިތުންނާއި މުޚާޠަބުކޮށް ވާހަކަދައްކާލެވޭ ފަދަ ޝަޚުސިއްޔަތަކަށް އެބޭފުޅަކު ވާންޖެހޭނެއެވެ. މާލެނޫނަސް ރާއްޖެތެރޭގެ ރަށްރަށަށްވެސް މިހާރަކަށްއައިސް އެކިއެކި ވަފުދުތައް ( ބިދޭސީބޭފުޅުން ) އެކިއެކި ޤައުމުތަކުން އަންނަމުންދާ އިރު ތަރުޖަމާނަކާއި ނުލައި އެފަދަ ބަޔަކާއި މުއާމަލާތު ކޮށްލެވޭވަރުގެ އިނގިރޭސި ފެންވަރެއް ހުރި ބޭފުޅަކަށް ވެސް އެބޭފުޅަކު ވާންއެބަޖެހެއެވެ. އަދި ހަމައެއާއި އެކު މިހުރިހާޝަރުތު ތަކެއް ހަމަވިޔަސް އެބޭފުޅަކީ ރައްޔިތުންގެ މަޤުބޫލުކަން ކޮންމެވެސް މިންވަރަކަށް ލިބިފައިވާ ބޭފުޅަކަށްވެސް އެބޭފުޅަކު ވާންޖެހޭނެއެވެ.
އާދޭހެވެ. ޤަބޫލުކުރަމެވެ. ޚިޔާލަކީ ތަފާތު އެއްޗެކެވެ. އެކިބޭފުޅުންގެ ވިސްނުމާއި ފިކުރު ތަފާތުވެދާނެއެވެ. އެއީކީ މައްސަލައެއްނޫނެވެ. މިއީ އަޅުގަނޑުގެ ޚިޔާލެވެ. އަޅުގަނޑުގެ ޚިޔާލާއި ތިޔަބޭފުޅާގެ ޚިޔާލު އެއްގޮތް ވާކަށް ކޮންމެހެން ލާޒިމެއްނޫނެވެ.
ރަށުކައުންސިލަރަކަށް ހަމަޖައްސަވާ ބޭފުޅަކުގެ މިޝަރުތުތައް ފުރިހަމަނުވާނަމަ ކުރިމަގުގައި ބޮޑެތިމައްސަލަތަކެއް ކުރިމަތިނުވެ ނުދާނެކަމީ ޝައްކެތްވެސް އޮތްކަމެއްނޫނެވެ. އެހެނަސް ކައުންސިލަރގެ މަޤާމަށް ހަމަޖައްސަވާނެ ބޭފުޅަކު އެނެމެރަގަޅަށް އެނިގިލައްވާނީ އެކަމަށް ސަރުކާރުން ހަމަޖައްސަވާފައި ތިބޭ ބަޔަކަށެވެ. ތަކުރާރުކޮށް އަޅުގަނޑަށް ދެންނެވޭނީ މިއީ އަޅުގަނޑުގެ ވިސްނުން ންހުރިގޮތްކަމުގައެވެ.

2009-01-07T20:27:00.002+05:00

ލަންދޫކައުސިލަރަކަށް ޖައުފަރު ރަޝީދު ހަމަޖައްސަނީ ........ ސ

އަވަސްޚަބަރު

ލާމަރުކަޒީއުސޫލުން އަތޮޅުތައް ހިންގުމުގެ އޮނިގަނޑުގެ ދަށުން އަތޮޅުތަކާއި ރަށްރަށުގެ ކައުންސިލަރުންގެ މަޤާމަށް މިހާރު ދަނީ އެކިބޭފުޅުން ހަމަޖައްސަވަމުންނެވެ. އެގޮތުން ލަންދޫ ކައުންސިލަރަގެ މަޤާމަށް ލަންދޫ ބުލޫކިޔާގެ އަލްފާޟިލް ޖައުފަރު ރަޝީދު ހަމަޖައްސަވާ ގޮތަށް ސަރުކާރުގެ ކަމާބެހޭ ބޭފުޅުން ނިންމަވައިފިކަމުގައި ލަންދޫއިންފޯއަށް މަޢުލޫމާތު ލިބިއްޖެއެވެ. މިމަޤާމަށް ހަމަޖެއްސުމަށް ޖައުފަރު ރަޝީދުގެ އިތުރުން ލަންދޫ ބުލޫހެވަން އަލްފާޟިލް މުފީދު ޙުސެއިން އާއި ލަންދޫ ރަސްފަރު އަލްފާޟިލް މަޖްދުﷲ ޢަބުދުއްރައްޒާޤުގެ ނަންވެސް ހުށަހެޅިފައިވާ ކަމަށް އެމްޑީޕީގެ ލަންދޫގޮފީގެ އިސްކޮށް އުޅުއްވާ ބޭފުޅުންގެ ފަރާތުން މަޢުލޫމާތު ލިބިފައިވެއެވެ.

މިޚަބަރު ލިބުމާއި ގުޅިގެން ލަންދޫ އިންފޯގެ ފަރާތުން ސީދާ ޖައުފަރު ރަޝީދުއާއި ފޯނުން ގުޅައިގެން މިޚަބަރުގެ ތެދުދޮގު ކަށަވަރުކުރީމެވެ. ރަޝީދު ވިދާޅުވީ ދެތިންމީހަކު އެބޭފުޅާއާއި އިދިކޮޅު ޚިޔާލު ހުރިކަމުގައިވިޔަސް ރަށުގެ މެޖޯރިޓީ ތާއީދާއި އެކު ރަށުކައުންސިލަރގެ މަޤާމްގައި ލަންދޫ ގައި މަސައްކަތް ކުރައްވާނީ މިފަހަރު އެބޭފުޅާކަމަށެވެ. އަދި މިހާރު ވަނީ އެމްޑީޕީގެ ކަމާބެހޭ ބެހޭފުޅުން އެބޭފުޅާއާއި މިކަމާއި ބެހޭގޮތުން ވާހަކަ ދައްކަވާ އެބޭފުޅާ އެކަން ޤަބޫލުކުރެއްވިކަން ސަރުކާރަށް އަންގަވާފާ ކަމަށް ވެސް ލަންދޫއިންފޯއަށް މަޢުލޫމާތު ދެއްވަމުންއިތުރަށް ރަޝީދު ވިދާޅުވިއެވެ. އަދި ރަށުކައުންސިލަރަކު ހޮވުމަށް ބާއްވާ އިންތިޚާބުގައި ވެސް ބައިވެރިވެލައްވާ ރަށުރައްޔިތުންގެ ތާއީދާއި އެކު އެމަޤާމް ދިފާޢުކުރައްވާނެކަމުގައިވެސް އޭނާ އިތުރަށް ވިދާާޅުވިއެވެ. އެބޭފުޅާއާއި އެކު އިންތިޚާބުގައި ވާދަކުރަން ތިއްބެވި ބޭފުޅުންވެސް އެނގިލައްވާ ކަމަށާއި ، އިންތިޚާބު ގައި ފުލްގެރެންޓީއާއި އެކު ދެންތިބި ބޭފުޅުން ބަލިކުރައްވާނެކަމަށްވެސް ރަޝީދު ފޯނުން ވާހަކަދައްކަވަމުން ވިދާޅުވިއެވެ.
ރަޝީދުއަށް ކައުންސެލަރެއްގެ ވާޖިބު އަދާކުރެއްވިދާނެތޯ ދެންނެވި ސުވާލަށް ޖަވާބުދެއްވަމުން ވިދާޅުވީ މިހާރުގެ ކަތީބު ނަޞީރުއާއި ، ރަށުގެ އެހެނިހެން ކަމުވޮށިންގެ އެއްބާރުލެއްވުން ލިބޭނެކަމަށާއި، އެބޭފުޅުންގެ އެހީތެރިކަމާއި އެކު މަޤާމް ގެ މަސްއޫލިއްޔަތު އެންމެފުރިހަމައަށް އަދާކުރެއްވޭނެކަމަށް ޤަބޫލުކުރައްވާ ކަމަށެވެ.
މަޢުލޫމާތު ލިބިފައިވާ ގޮތުގައި ރަށުކައުންސިލަރުގެ މައިގަނޑު ޛިންމާއަކީ ސަރުކާރުން އަންގަވާ ކަންތައްތައް ރަށުގައި ތަންފީޒު ކުރުމުގެ އިތުރުން ރަށުގެ ހުރިހާ މުއައްސަސާ ތަކެއް ހިނގާ ނުހިނގާ ގޮތް ބައްލަވާ އެތަން ތަން ހިންގުމުގައި ދެއްވަން ޖެހޭ ލަފަޔާ މަޝްވަރާ ދެއްވާ ގެންނަންޖެހޭ ބަދަލުތައް ގެންނަވާ ރަށުގެ އެންމެހައި ކަންތައް ތައް މަސްލަހަތު ހުރިގޮތެއްގައި ހިންގެވުމެވެ. އެގޮތުން ސްކޫލު، ހެލްތުސެންޓަރ، ރަށުކޯޓް ފަދަ މުއައްސަސާ ތަކަށް ފުރިހަަމައަށް ކައުންސިލަރގެ ބާރާއި ނުފޫޒު ފޯރު ކުރެއްވޭނެކަމަށް ވެއެވެ.
މިހާރުގެ ކަތީބު ނަޞީރު އާއި ވަރަށް ގާތް ގުޅުމެއް އޮންނަކަމަށް ލަންދޫގެ ގިނަބަޔަކު ޤަބޫލުކުރާ ޖައުފަރު ރަޝީދަކީ ނިމިގެންދިޔަ ރިޔާސީ އިންތިޚާބުގައި ރައީސް ނަޝީދުއަށް ތާއީދުކޮށް ، ވޯޓް ހޯއްދެވުމަށް ވަރަށް ގަދައަށް ލަންދޫގައި ކެމްޕެއިން ކުރެއްވި ބޭފުޅެކެވެ.

2009-01-06T13:55:00.002+05:00

ލަންދޫގައި އަލަށްހުޅުވާކެފޭ

މިމަސްނިމުމުގެ ކުރިންވެސް ކެފޭ ހުޅުވޭނެކަމުގެ އުންމީދެއްނެތް – ޑޭވިޑް

ލަންދޫގައި ފުރަތަމަފަހަރަށް ހުޅުވޭ ސައިހޮޓާ ނުވަތަ ކެފޭ ހުޅުވުމަށް މީގެ ދުވަސްކޮޅެއްކުރިން ލަންދޫ ޗާންދަނީގެ އިބްރާހީމް އަބޫބަކުރު ވަނީ މަސައްކަތްތަކެއްފަށާ އެމަސައްކަތްތަކުގެ ދަށުން ޢިމާރާތުގެ ބޮޑުބައެއްވެސް މިހާރު ނިންމާފައެވެ. މިހާރު ހަމައެކަނި ކުލަޔާއި ދަވާދުލުން ފިޔަވާ ހުރިހާމަސައްކަތެއްވެސް ހުރީ ގާތްގަޑަކަށް ނިމިފައެވެ.

މިދިޔަ ބޮޑުޢީދަށް ހުޅުވުމަށް ކުރިން ޓާގެޓް ކޮށްފައިވާ މިހޮޓާ ނުހުޅުވި މިހާލަސްވެގެންމިދަނީ ކީއްވެތޯ މިހޮޓާ ހިންގުމުގައި މުހިއްމު ދައުރެއްއަދާކުރާނެ ލަންދޫ ގްލްބާކާގެ އިބްރާހީމް ދާއޫދު (ޑޭވިޑް) އާއި ސުވާލުކޮށްލުމުން އޭނާ ބުނުއްވީ މަސައްކަތް ނުނިމި ލަސްވާ އެންމެބޮޑު ސަބަބަކީ ލޭބަރުންގެ ދަތިކަން ކަމަށެވެ. އަދި މިހާރު މިދާ ސްޕީޑްގައި ޢިމާރާތުގެ މަސައްކައް ގެންދެވޭނަމަ ކުރިއަށް އޮތް ދެހަފްތާއެއްހާދުވަހުގެ ތެރޭގައި ޢިމާރާތުގެ މަސައްކައް މުޅިންނިންމާލެވޭނެކަމަށެވެ. ޢިމާރާތުގެ މަސައްކަތް މުޅިންނިމުނަސް އަދި ހޮޓާ ހުޅުވެން ނެތްކަމަށް ވެސް އޭނާ ބުނުއްވިއެވެ. ސަބަބަކީ ފަރނީޗަރ ގެންނަން ޙަވާލުކޮށްފައިވާ ފަރާތުން އެތަކެތި އަދިވެސް ނުގެނެސްލަސްވަމުން ދިޔުންކަމަށް ބުނުއްވިއެވެ. ގޮނޑިޔާއި މޭޒް ގެންނަނީ އައުޓްޑޯރ ގައި ބޭނުންކުރާ ވައްތަރުގެ ތަކެތި ކަމަށާއި އެތަކެތި ގެންނަނީ ސީދާ އިންޑިޔާއިން ގަނެގެންކަމަށް ވެސް އޭނާ ބުނުއްވިއެވެ.
މިޢިމާރާތުގެ މަސައްކަތް ކޮންޓްރެކްޓް އުސޫލުން ކުރުމަށް ޙަވާލުކޮށްފައިވަނީ ލަންދޫގެ ކޮންސްޓްރަކްޝަން ގްރޫޕެއްކަމުގައިވާ ރިހިވެލި އާދަމްމޫސާގެ ގްރޫޕާއެވެ.
މިޒަމާނުގެ ފެންވަރަށް ޑިޒައިންކުރެވިގެން ހުޅުވަން ގާތްވެފައިވާ މިހޮޓާ ހުޅުވުމުން ލަންދޫގެ ތަރައްޤީގެ އައު ހަރުފަތަކަށް ވާސިލްވެވުނީ ކަމަށް ލަންދޫއިންފޯއިން ދެކެމެވެ.

2009-01-05T22:19:00.001+05:00

މުރިނގު ޚާލިދުގެ ދެވަނދޯނި ބަނދެ ނިމިއްޖެ

މިވަގުތު ލަންދޫގައި ތިބި އެންމެ މުއްސަނދި މީހުންގެ ލިސްޓް ނަގާނަމަ ، ލަންދޫގެ މަޝްހޫރު ވިޔަފާރިވެރިޔާ ނ.ލަންދޫ މުރިނގު އަލްފާޟިލް ޚާލިދު އަބޫބަކުރު ގެ ނަން އެލިސްޓްގެ އެންމެމަތީގައި ޖަހާލުމަކުން މިހާރު ޚާލިދު ދަންނަ މީހުންގެ ހިތުގައި ސުވާލުތަކެއް އުފެދިގެނެއް ނުދާނެއެވެ. ޚާލިދުގެ އަންހެނުންގެ ބައްޕަގެ މާލެދަތުރުކުރާ އުޅަދެއްގައި ފަޅުވެރިއަކަށް ފުރަތަމަވެސް ނިކުތް ޚާލިދު މިހާރުމިވަނީ އަމިއްލަވިޔާފާރިއެއް ރަށުގައި ޤާއިމްކޮށް އެވިޔާފާރި ފުޅާކޮށް ، ޑައިވިންދޯންޏަކާއި ، މަސްދޯންޏެއް އަމިއްލައަށް ރަށުގައި ބަނދެ އެތަކެތީގެ ނަފާ އެންމެއެދެވޭގޮތުގައި ހޯދަންފަށާފައެވެ.

އަދިވެސް ގިނަބަޔަކު ޤަބޫލުކުރާގޮތުގައި ލަންދޫގެ ވިޔާފާރި ސެކްޓަރ ކޮންޓްރޯލް ކުރަނީ ޚާލިދެވެ. ޚާލިދުގެ މުރިނގު 1 ، މުރިނގު 2 ، އަދި މުރިނގު 3 ން ( ތިންފިހާރައިން ) ގަންނަން ނުލިބިއްޖެ އެއްޗެއް ލަންދޫ ގެ އެހެންފިހާރައަކުން ގަންނަން ލިބޭނެއެކޭ ނުދެންނެވޭނެއެވެ.
ވިޔާފާރީގައި މިހާބޮޑުކުރިއެރުމެއް ހޯދާފައިވާ ޚާލިދު އަބޫބަކުރު ކުއްލިއަކަށް ދޯނިބަނެދެގެން އޮޑިދޯނިފަހަރު ދުއްވުމުގެ ޚިޔާލު ގެނެސް މިމަސައްކަތް ފެށުމާއިގުޅިގެން ޚާލިދުގެ ޢާއިލާގެ ތެރޭގައި ވަނީ ވަރަށްބޮޑެތި މައްސަލަތަކެއް ޖެހި އެއްބަޔަކު އަނެއްބަޔަކާއި ހިތްހަމަނުޖެހުން ކޮންމެވެސް ވަރަކަށްފާޅުވެސް ކޮށްހަދާފައެވެ. އަދި ޚާލިދުގެ ފުރަތަމަ ދޯނިބަންނަން ފަށާ މުޅިން ނިމުމަކާއި ހިސާބަށް ނުގޮސްއުޅެނިކޮށް ޚާލިދުގެ ޢާއިލާގެ ތެރޭގައި މިޖެހުނު މައްސަލައާއި ގުޅިގެން ދެވަނަދޯންޏެއް ބަންނަ ޚިޔާލު އައިސްގެން ފުރަތަމަދޯނި ހަމަނިމުމާއިގުޅިގެން ޖެހިޖެހިގެން ކަހަލަގޮތަކަށް މިވަނީ ދެވަނަދޯނިވެސް ބަނެދެނިންމާލައިފައެވެ.
ފަހުން މިނިންމިދޯނީގެ ވަޑިންގެ މުސާރައަށް އެކަނިވެސް ލައްކައަކަށްވުރެ ގިނަރުފިޔާ ޚަރަދުވެއްޖެކަމަށް ޚާލިދާއި ޙަވާލާދީ އޭނައިގެ އަންހެނުން ބުނެއެވެ. ފުރަތަމަދޯނިވެސް ނިންމާލިހާ ފަސޭހަކަމާއި އެކު މަސައްކަތަށް އެއްވެސް މަޑުޖެހުމެއްނެތި ދެވަނދޯނިވެސް މިހާރު އެވަނީ ނިންމާފައެވެ. މާދަމާއަކު އަނެއްދުވަހަކު ބާލާނެއެވެ.
އަޅުގަނޑުމެން އެދެނީ މިފަދަހީވާގިމަސައްކަތްތެރިންގެ މަސައްކަތަށް އެއްދުވަހުން ކުރިއެރުމާއި ބަރަކާތް މިންވަރުކޮށްދެއްމުވެ.

2009-01-04T22:22:00.005+05:00

ފަންގިވިންނަފަރާތްތަކުގެ ފަން ވިއްކޭނެގޮތެއްނެތިގެން ތިބެންޖެހިފައި

ލިޔުނީ : އަޙްމަދު ދާއޫދު

ޢާއްމުކޮށް ލަންދޫއަންހެންވެރިން އާމްދަނީ ހޯދުމަށް ކުރާމަސައްކަތަކީ ފަންގިވިނުމޭ ބުންޏަކަސް މުޅިންދޮގަކަށް ނުވާނެއެވެ. މަސައްކަތް ކުރާޢުމުރުގެ އަންހެނުންގެ ތެރެއިން 90 އިންސައްތަ މީހުންނަކީ ފަންގިވިދެގެން އާމްދަނީހޯދާ މީހުންނެވެ. ފަންބޮޑިއެއް -/15 ރ. އަށް ވިއްކީ މީގެ 15ވަރަކަށް އަހަރުކުރިންކަމުގައިވިޔަސް މިއަދު މިވަނީ-/45 ރ. އަށް ފަންބޮޑިއެއްގެ އަގު އަރާފައެވެ. އެހެންކަމުން އާމްދަނީ ހޯދުމުގެ ގޮތުން ކުރަންއެންމެރަގަޅު އެއްމަސައްކަތަކީ ފަންގިވިނުންކަމުގައި މިއަދު މިވަނީ ލަންދޫ އަންހެނުން ބަލައިގެންފައެވެ.

ފަންގިވިނުމޭ ބުންޏަކަސް މިއީވެސް ވަރަށްބުރަމަސައްކަތެކެވެ. މިކަމުގެ ބުރަކަން އެންމެރަގަޅަށް އިޙްސާސް ކުރެވޭނީ ހަމަ މިމަސައްކަތުގައި އުޅޭމީހުންނަށެވެ. ވަލަށްވަދެ ފަންހޮވައިގެން ، ބޮނބިފާކޮށް ރޯނުވަށައިގެން ކުރާމިމަސައްކަތުގައި އެންމެ ސްޕީޑް ހަލުވި މީހުންނަށްވެސް ޢާއްމުގޮތެއްގައި ދުވާލެއްގެ މައްޗަށް ވިދެވެނީ އެންމެގިނައިންވެސް 3 ބޮނޑިފަނެވެ. އެހެންކަމަށްވާއިރު މަހެއްގެ މައްޗަށް މިމަސައްކަތުން ލިބޭއާމްދަނީގެ ނިސްބަތް ސަރުކާރު ގެ އާދައިގެ ވަޒީފާއެއް އަދާކުރާމީހަކަށް ލިބޭއާމްދަނީ އާ އަޅާ ކިޔާލުމަކީ ގޯހެއްކަމުގައި ނުދެކެމެވެ.
ކަންމިހެން ހުރިނަމަވެސް ދެރަކަމަކީ މިފަދަބުރަމަސައްކަތުން އުފައްދާ ފަންކޮޅު ވިއްކޭނެގޮތެއް ނެތިފައި މިއަދުގިނަބަޔަކު ލަންދޫގައި ތިބެންޖެހިފައިވުމެވެ. އަދަކީ މިމަސައްކަތުން އާމްދަނީހޯދާ ބައެއްމީހުންގެ ޝަކުވާތަކުގެ އަޑުއިވުނު ފުރަތަމަދުވަހެއްވެސް ނުމެނޫންމެއެވެ. ފަންވިއްކަން ގޮސްފާ އައި އަންހެނަކު ބުންޏެވެ. " އަހަރެން ފަންހިފައިގެން ބަނދަރަށް ދިޔައީ ހެނދުނު 9 ޖެހިތަނާ . މިހާރު މިއޮއްގެން ޢަޞުރަށް ގޮވަނީ . މިވަރުންވެސް މިއައީ ނުވިކިގެން ފަންކޮޅުހިފައިގެން ގެއަށް " މިގޮތަށް ނުވިކިގެން ފަންކޮޅުހިފައިގެން ފުދޭވަރެއްގެ ގިނަބަޔަކު ގެއަށް އައި އިރު މިއަދު ފަންގަންނަން އައި ށ.ފީވަކު ދޯނީގެ ކެޕްޓަނާއި އަޅުގަނޑުސުވާލުކޮށްލީމެވެ. އޭނާ ބުނުއްވީ ހަމައެކަނީ ލަންދޫންވެސް މިއަދު 1100 އަށްވުރެ ގިނަބޮނޑިފަންގަނެފައި އެދޯނީގައިވާނެކަމުގައެވެ.
އެހެންކަމަށްވާއިރު ފަނުގެ ޑިމާންޑް އެއްދުވަހުން އަނެއްދުވަހަށް ދައްވިޔަނުދީ އެއްވަރެއްގްއި ހިފެހެއްޓޭތޯ ބެލުމަކީ އަޅުގަނޑުމެން ފަންއުފައްދާ މީހުން ވިސްނަންވެއްޖެކަމެއްކަން ކަށަވަރެވެ. ފަންގަންނަށް ބަޔަކު އަންނައިރަށް ކުރިއަށްނުކުމެ ފަނުގެ އަގުދައްކޮށްދޭނަމޭ މަށަށް ވާނޭ ކޮންމެބޮނޑިއަކުން 2 ރުފިޔާދޭން ކިޔައިގެން ޑީލްހެދުމުގެ ބަދަލުގައި ރަށުގެ އެންމެދެރަނިކަމެތި މީހާގެ މަތިން ވެސް ހަނދާންކުރުން މާބުއްދިވެރިވާނެއެވެ.

2009-01-04T11:43:00.003+05:00

ލިޔެސް ޖަމްއިއްޔާއިން ފުރަތަމަ ފަހަރަށް މާލޭގައި ބައްދަލުވުމެއް ބާއްވައިފި

ޚަބަރު: ޚަފްޞީ ޢަބުދުﷲ

ލަންދޫ ޔޫތް އެންކަރޭޖިންގ ސޮސައިޓީން ފުރަތަމަ ފަހަރަށް މާލޭގައި ބައްދަލުވުމެއް ބާއްވައިފިއެވެ. މިބައްދަލުވުން އޮތީ ރޭ އެފް،އޭ،އެމް ހައުސްގެ މީޓިންގ ރޫމްގައެވެ. މާލޭގައި މިވަގުތު ތިބި ޖަމްއިއްޔާގެ މެންބަރުންގެ ތެރެއިން ބައްދަލުވުމުގައި ބައިވެރިވެވެން ތިބި ހުރިހާ މެންބަރުންވެސް މިބައްދަލުވުމުގައި ބައިވެރިވިއެވެ.

މީގެއިތުރުން ޖަމްއިއްޔާއަށް ހެޔޮއެދޭ ބައެއް ފަރާތްތައްވެސް ބައިވެރިވިއެވެ. އިއްޔެ މެންދުރުފަހު ކުއްލިގޮތަކަށް އިންތިޒާމްކުރި މިބައްދަލުވުމުގެ ބޭނުމަކީ ޖަމްއިއްޔާގެ ގިނަ މެމްބަރުންނަކީ މާލެއާއި މާލެކައިރި ރިސޯރޓްތަކުގައި ހަރަކާތްތެރިވާ ބަޔަކަށްވާތީ އެމީހުންނަށް ކޮށްދެވޭނީ ކޮންކަންތައްތަކެއްތޯ މަޝްވަރާކުރުމަށް ބޭއްވި ބައްދަލުވުމެކެވެ.
މިބައްދަލުވުމުގައި މަޝްވަރާކުރެވުނު ކަންތައްތަކުގެ ތެރޭގައި ރަށުގައި މަސްތުވާތަކެތި ބޭނުންކުރުން ހުއްޓުވުމާއި، ދަނޑުވެރިކަން ރަށަށް ތަޢާރަފްކުރުމާއި، ޕްރީ ސްކޫލާއި، ޤުރުއާން ކްލާހެއްގެ މުޙިންމުކަން ހިމެނެއެވެ. މީގެއިތުރުން ލޭހަދިޔާ ކުރުމުގެ ޕްރޮގްރާމެއް ހިންގުމާއި، ވެވް ނުވަތަ ކުޅި ހިމާޔަތްކުރުމާއި، ފަންޑެއް ހުޅުވުމާގުޅޭގޮތުން މަޝްވަރާކުރެވިފައިވެއެވެ. މީގެތެރެއިން ބައެއް ކަންތައްތައް މިހާރުން މިހާރަށް ފެށުމަށް މެންބަރުން ވަނީ ނިންމާފައެވެ.
ކޮންމެ މަހަކުވެސް ހުރިހާ މެންބަރުންނާ، ޖަމްއިއްޔާއަށް ހެޔޮއެދޭ ފަރާތްތަކަށް ހުޅުވާލައިގެން މިފަދަ ބައްދަލުވުމެއް މާލޭގައި ބޭއްވުމަށާއި، މީގެއިތުރުން މާލޭގައި ހަރަކާތްތެރިވާ ހިންގާ ކޮމިޓީގެ އިތުރު ބައްދަލުވުމެއް މަހަކު އެއްފަހަރު ބޭއްވުމަށްވެސް ވަނީ ހަމަޖެހިފައެވެ.
ސަތާރަ މެންބަރުން ބައިވެރިވި މިބައްދަލުވުމަށްފަހު، ހާބަރު ކަޑާގައި ރެފްރެޝްމަންޓެއްވެސް ވަނީ ބާއްވާފައެވެ.

2009-01-04T11:36:00.003+05:00

ލިޔެސް ޖަމްއިއްޔާގެ މަޞްއޫލް މެންބަރުގެ އެނބުރި އައުން

ސ- އަހަރެންވެސް ރަށަށް ކަންތައްތަކެއް ކޮށްދޭން ޖެހޭނެކަމަށް ޤަބޫލުކުރަން - އިމާދު

ލިޔުނީ: ޙަފްޞީ ޢަބުދުﷲ

ލަންދޫގައި މިވަގުތު ހުރި އެންމެ ތައުލީމީ ޒުވާނަކީ ކާކުތޯ ސުވާލުކޮށްފިނަމަ އެމީހަކަށް ވާނީ ނ.ލަންދޫ އަލިމަސްގޭ އިމާދު އަބޫބަކުރެވެ. ލަންދޫގައި ފުރަތަމަ ފަހަރަށް މަތީ ޘާނަވީ ނިންމި އިމާދު އަބޫބަކުރު ރަށަށް އެންމެ ފަހުން ދިޔަ ދުވަހެއް އަޅުގަނޑު ހަނދާނެއް ނެތެވެ. ނަމަވެސް އޭނާ ރަށުގެ ޚަބަރުތައް ހޯދައެވެ. ރަށުގެ މައުލޫމާތުތައް އެއްކުރެއެވެ.

މިކަން އަޅުގަނޑަށް ކަށަވަރުވީ ލިޔެސް ޖަމްއިއްޔާއިން މާލޭގައި ބޭއްވި ފުރަތަމަ ބައްދަލުވުމުގައި ބައިވެރިވެ، ހުށައެޅި ހިޔާލުތަކުންނެވެ. އޭނާ ވިދާޅުވިއެވެ. ލަންދުއަކީ އޮންނަ ތަނެއްކަމެއް ރާއްޖޭގެ ގިނަ މީހުނަކަށް ނޭންގެއެވެ. ލަންދޫގައި މަސްތުވާތަކެތި ބޭނުންކުރާ ބަޔަކު އުޅޭތީ ކަންބޮޑުވާކަން ފާޅުކޮށް ދާދިފަހުން އެފަދަ އަމަލެއް ބަޔަކު ކޮށްފައިވާކަމުގެ ޚަބަރު ލިބިފައިވާކަން ހާމަކުރިއެވެ. ރަށަށް ދަނޑުވެރިކަން ތަޢާރަފްކޮށް ހޭލުންތެރިކުރުވަން ވެއްޖެ ކަމުގެ ހިޔާލު ފާޅުކުރިއެވެ. މިފަދަ އެތައް ހިޔާލެއްދީ މެންބަރުންނަށް ހިތްވަރުދެއްމުން ވިދާޅުވީ އަހަރެންނަށްވެސް ރަށަށް ކަންތައްތަކެއް ކޮށްނުދެވޭތާ ދުވަސްތަކެއް ވެއްޖެކަމަށާ، ނަމަވެސް އަހަރެންނަކީވެސް ރަށުގެ ޒުވާނަކަށްވެފައި ކަންތައްތަކެއް ކޮށްދޭން ޖެހޭކަމަށް ޤަބޫލުކުރާކަމަށެވެ. އަދި އެކަމަށް މަސައްކަތްކުރަން ނިންމައިފިކަމަށް އިމާދު ވިދާޅުވިއެވެ. ޕޮލިސް ސަރވިސްގައި އިސް މަޤާމެއް އަދާކުރައްވަމުންދާ އިމާދު އަބޫބަކުރު ވިދާޅުވީ ކުރިން ޖަމްއިއްޔާގެ މަޞްއޫލް މެންބަރެއްގެ ގޮތުގައި ހުރެ ކަންތައްތަކެއް ކޮށްދިނުމަށް މަސައްކަތްކޮށް، ކަންތައްތަކެއް ކޮށްދެވިފައިވާނެކަމަށެވެ. ނަމަވެސް އެއީ ލިޔެސް ޖަމްއިއްޔާ އެހެން ނަމެއްގައި އޮތް އިރުއެވެ.
ލިޔެސް ޖަމްއިއްޔާއާއެކު ރަށަށް އިތުރު ޚިދުމަތްތަކެއް ކޮށްދެން ބޭނުންކަމަށާއި، އެކަމަށް މަސައްކަތްކޮށް އަމަލީ ގޮތުން ހަރަކާތްތަކުގައި ބައިވެރިވާނެކަމަށް އިމާދު ވިދާޅުވިއެވެ. އެގޮތުން ޖަމްއިއްޔާއަށް ފައިސާ ލިބޭނެ ގޮތްތަކެއް ހޯދުމަށް މަސައްކަތްކޮށްދޭނެކަމަށް ވިދާޅުވިއެވެ. ލިޔެސް ޖަމްއިއްޔާއިން މާލޭގައި ބޭއްވި ފުރަތަމަ ބައްދަލުވުމުގައި ބައިވެރިވެ، ޒުވާނުންގެ އަތްމައްޗަށް ޖަމްއިއްޔާ ދޫކޮށްލުމަށްވެސް މަސައްކަތްތަކެއް ކޮށްދީފައިވުމުން އިމާދު އެނބުރި އައީކަމަށް ޤަބޫލުކުރެވެއެވެ.ލިޔެސް ގެ ޒުވާން ތައުލީމީ މަޞްއޫލް މެންބަރުގެ އެހީތެރިކަމާއެކު މިޖަމްއިއްޔާ އިތުރު ހަރުފަތްތަކަކަށް އަރާނެކަމަށް އަޅުގަނޑު އުއްމީދުކުރަމެވެ.

2009-01-04T11:08:00.003+05:00

ލިޔެސްޖަމްއިއްޔާއިންލޭ ހަދިޔާ ކުރުމުގެ ޕްރޮގްރާމެއް ކުރިއަށްގެންދަން ހަމަޖައްސައިފި.

ޚަބަރު: ޙަފްޞީ ޢަބުދުﷲ

ލންދޫޔޫތް އެންކަރޭޖިންގ ސޮސައިޓީން ލޭ ހަދިޔާކުރުމުގެ ޕްރޮގްރާމެއް ކުރިއަށްގެންދިއުމަށް ހަމަޖައްސައި، އެމަސައްކަތް ފަށައިފިއެވެ. ރޭ މާލޭގައި ބޭއްވި އެޖަމްއިއްޔާގެ ފުރަތަމަ ބައްދަލުވުމުގައި މެންބަރަކު މިހިޔާލު ހުށައެޅުމުން ހުރިހާ މެންބަރުންގެ އިއްތިފާޤުން މިކަން ކުރިއަށް ގެންދަން ވަނީ ފާސްވެފައެވެ.

އެގޮތުން މިކަމަށް ކޮމިޓީއެއް ނަގައި މިކަމުގައި ބައިވެރިވާން ބޭނުންވާ ފަރާތްތަކުގެ ލިސްޓެއް ތައްޔާރުކުރުމަށް އެއްހަފްތާގެ މުއްދަތެއް ވަނީ ދީފައެވެ. އެއަށްފަހު ތެލެސީމިއާ ސެންޓަރާއި ރަސްމީކޮށް ވާހަކަ ދެއްކުމަށްފަހު ވަކި ދުވަހެއް ކަނޑައަޅާގޮތަށް ޖަމްއިއްޔާގެ މާލޭ ދާއިރާއިން ވަނީ ހަމަޖައްސާފައެވެ.
މެންބަރުންގެ ވިސްނުން ބޮޑަށް ހުރީ ދިގު މުއްދަތަކަށް މިޕްރޮގްރާމް ކުރިއަށް ގެންދާ ގޮތަށެވެ. އެއީ އެއްދުވަހެއްގަ ގިނަ މެމްބަރުންނަށް ލޭދިނުމަށް ނާދެވޭނީތީއެވެ. މުއްދަތެއް ކަނޑައަޅާނީ ލޭ ހަދިޔާ ކުރަން ތިބި މީހުންގެ ލިސްޓެއް އެކުލަވާލެވުމުންނެވެ.
މިއީ ޖަމްއިއްޔާގެ މަޤްޞަދުތައް ފުރިހަމައަށް ހާޞިލްކުރުމަށާއި، ކުޅިވަރުގެ އިތުރުންވެސް ޤައުމީ ފެންވަރުގައި ޖަމްއިއްޔާއަށް ކޮށްދެވޭނެ ކަންތައްތައް ކުރުމަށް ހިންގާ ޕްރޮގްރާމެކެވެ.

2009-01-04T10:55:00.004+05:00

ލިޔެސް ޖަމްއިއްޔާއިން ދަނޑުވެރިކަމުގެ ކޯހެއް ފަށާ، ޑްރަގާ ދެކޮޅަށް މަސައްކަތް ފަށަނީ
.

ޚަބަރު: ޙަފްޞީ ޢަބުދުﷲ

ލަންދޫގައި މިހާރު ހަރަކާތްރިވަމުން އަންނަ ލިޔެސް ޖަމްއިއްޔާއިން ރަށަށް ދަނޑުވެރިކަން ތަޢާރަފްކޮށް ފުޅާކުރުމަށް ކޯހެއް ހިންގާގޮތަށް ހަމަޖައްސައިފިއެވެ. މާލޭ ދާއިރާއިން ހިންގާ މިކޯހުގައި ކިޔަވައިދޭނެ މީހަކު މިހާރު ވަނީ ހަމަޖެހިފައެވެ.

މީގެއިތުރުން މަސައްކަތް ފެށުމުން ގަސްކާނާ ފޯރުވައިދޭނެކަމަށްވެސް ލަންދޫގެ ހެޔޮއެދޭ ފަރާތެއްކަމަށްވާ މާހާ މުހަންމަދު އަބދުﷲ ވަނީ ވިދާޅުވެފައެވެ. މިޕްރޮގްރާމް ކުރިއަށް ގެންދިއުމަށް މިކަމަށް ޝައުޤުވެރިވާ ބަޔަކު ރަށުގައި ތިބިތޯ ބެލުމުގެ މަސައްކަތް ދާދިއަވަހަށް ފެށޭނެއެވެ.
މީގެއިތުރުން ލަންދޫގައިވެސް މަސްތުވާތަކެތި ބޭނުންކުރާ މީހުން ކޮންމެވެސް ވަރަކަށް އުޅޭތީ މިކަން ހުއްޓުވުމަށް ޚާއްޞަ މަސައްކަތްތަކެއް ކުރާގޮތަށް ޖަމްއިއްޔާގެ މާލޭދާއިރާއިން ވަނީ ހަމަޖައްސާފައެވެ.މިކަން ހުއްޓުވުމަށް ކުރާނެ ކަންތައްތަކެއްވެސް މިހާރުވަނީ އެކަށައަޅާފައެވެ. ޖަމްއިއްޔާގެ ހިންގާކޮމިޓީއާ މަޝްވަރާކުރުމަށްފަހު އެކަންތައްތައް ހާމަކުރާގޮތަށް މާލޭދާއިރާއިން ވަނީ ހަމަޖައްސާފައެވެ.

2009-01-03T22:05:00.002+05:00

މާފަރުސްކޫލަށް ޕްރިންސިޕަލަކު ހަމަޖައްސަވައިފި

ޚަބަރު: އަޙްމަދު ދާއޫދު

ދިރާސީ އައުއަހަރުގެ ކިޔެވުން ޖެނުއަރީ 11 ގައި ފެށޭއިރު ނ.މާފަރު ސްކޫލް މިއަހަރު މިފަށަނީ އަނެއްކާވެސް އައު ޕްރިންސިޕަލަކާއި އެކުގައި ކަމުގައި މާފަރުސްކޫލުން މަޢުލޫމާތުދެއްވައެވެ. މާފަރު ސްކޫލަށް އަލަށް ހަމަޖެއްސެވީ އަލްފާޟިލް އިޤްބާލު ޙަމީދު ފ.ނިލަންދޫ ކަމަށް ވެސް މަޢުލޫމާތު ލިބިފައިވެއެވެ. މަޖީދިއްޔާސްކޫލުން ތަޢުލީމް ޙާސިލްކުރެއްވި އިޤްބާލު ޅ.އަތޮޅު ތައުލީމީ މަރުކަޒުގައިވެސް މަސައްކަތް ކުރައްވާފައިވާކަމަށް އިޤްބާލުއާއި ޙަވާލާދީ މާފަރުސްކޫލުން މަޢުލޫމާތުދެއްވައެވެ.

އެކްޓިންގ އެސިސްޓެންޓް ޕްރިންސިޕަލެއްގެ ގޮތުގައި މާފަރުސްކޫލަށް އިޤްބާލު ހަމަޖެއްސެވީ މިދިޔައަހަރު އެސްކޫލު ހިނގާދިޔަގޮތާއި މާފަރުގެ ގިނަބަޔަކު ހިތްހަމަނުޖެހި އެސްކޫލްގެ އިސްބައެއްބޭފުޅުންގެ ޝަކުވާތަކެއް މިނިސްޓްރީ އޮފް އެޑިޔުކޭޝަނަށް ހުށަހަޅާފައިވުމާއި ގުޅިގެންނާއި، މިދިޔައަހަރުގެ ކުރީކޮޅު އެސްކޫލަށް އިސްވެރިއެއްގެ ގޮތުން ށ.ކޮމަންޑޫ ބޭފުޅަކު މިނިސްޓްރީއިން ހަމަޖައްސަވާ އެބޭފުޅާގެ އެކޮމަޑޭޝަނުގެ ކަންތައް މާފަރުން މާ އެދެވޭ ގޮތެއްގައި ހަމަނުޖެއްސިގެން އެބޭފުޅާ މާފަރުގައި ހުންނަވަން އުޛުރުވެރި ވެގެން ކަމަށް ޤަބޫލުކުރެވެއެވެ.

މިފަހަރު އާ ޕްރިންސިޕަލް ހުންނަވާނެ ގެއެއްގެ ގޮތުގައި މަހަކު -/3000 ރ. އަށް ހަމަޖެހިފައިވަނީ މާފަރު "ބަނދަރު" ( ކުރީގެ މާފަރުސްކޫލްގެ ސްޕަވައިޒަރ އަލްފާޟިލް އަޙްމަދު ޝުޖާޢު ) ގެ ކަމުގައި މާފަރު ސްކޫލުން މަޢުލޫމާތު ދެއްވާފައިވެއެވެ.

2009-01-03T09:49:00.002+05:00

މަސްތުވާތަކެތި ބޭނުންކުރުން ހުއްޓުވޭނީ ރައްޔިތުން ނުކުމެގެންނެވެ

ލިޔުނީ : އަޙްމަދު ދާއޫދު

އަޅުގަނޑުމެންގެ މިމުޖްތަމަޢުއަކީ ނިސްބަތުން ވަރަށް މަދުމީސްކޮޅެއް ދިރިއުޅެމުންގެންދާ މުޖްތަމަޢުއެކެވެ. ތެދުތެދަށް ދަނަނަވަންޏާ ދެންނެވޭނީ މި މުޖްތަމަޢުގައި ނަގާކިޔާ މިއުޅެނީ ހަމަދެތިން ހަތަރު ޢާއިލާއެކެވެ. މުޅިރަށުގައިވެސް މިއުޅެނީ ހަމައެންމެ ޢާއިލާއެކޭ ވެސް ބައެއް ހާލަތްތަކުގައި ދެންނެވިދާނެއެވެ.

އެހާވެސް މީސްކޮޅުމަދުވެފާ އެކަކު އަނެކެއްގެ ދެނެގަތުމާއި އެއްބައިވަންނަތަކަން ބޮޑެވެ. އެހެންކަމަށްވާއިރު މިކުޑަކުޑަ މުޖްތަމަޢު އިން މަސްތުވާތަކެތިބޭނުން ކުރާމީހުންގެ ޢަދަދު ފުހެނުލެވި އެއްދުވަހުން އަނެއްދުވަހަށް އޭގެވަބާގައި ޖެހެމުންދާ ކުދިން އިތުރުވެގެންމިދަނީ ކީއްްވެގެންތޯ މިހާރު ވިސްނަންވެއްޖެކަމަށް އަޅުގަނޑަށް ޤަބޫލުކުރެވެ.
މިއަދު މަސްތުވާތަކެތީ ގެ މައްސަލައަކީ ހަމައެކަނި ވަކިރަށެއްގައި އޮތް މައްސަލައެއްނޫންކަންއަޅުގަނޑަށްވެސް އެނެގެއެވެ. މަސްތުވާތަކެތީގެ އުދަނގޫ ކޮންމެވެސް ގޮތަކުން ނުފޯރާ އެއްވެސް ދިވެއްސަކު ނުހުންނާނެއޭ މިއީ ވަރަށް ގިނަމީހުން މިހާރު ބުނަމުން ދާ ވާހަކައެކެވެ. ނަމަވެސް އަޅުގަނޑަށް ވިސްނޭގޮތުގައި މިކަމަކީ އެންމެން އެކުވެ އެކައްޗެއް ކިޔައިގެން މަސައްކަތް ކޮށްލަނިކޮށް ސަލާމަތް ވެވިދާނެ ވަބާއެކެވެ.
ކޮންމެރަށެއްގައިވެސް މަސްތުވާ ތަކެތި ބޭނުންކުރާމީހުންނަކީ މިއަދު ލޭބަލު ކުރެވި އެންމެންގެމެދުގައި ވަރަށްފާޅުކަންބޮޑުގޮތެއްގައި އެނގިގެންވާ ބައެކެވެ. ހަމައެކަނި ލަންދުއަށް ވިސްނާލަމާތޯއެވެ. މިރަށުގައި މަސްތުވާތަކެތި ބޭނުންކުރަނީ ކޮންކޮންމީސްމީހުންނެތްތޯ ކުޑަކުއްޖަކު ކައިރީގައި އަހާލިޔަސް ހަމަ ޖެހިލުމެއްނެތި ވަރަށް ފަސޭހައިން އެލިސްޓް ކިޔާލަދެއެވެ. އެހެން އެވަނީ އެކަން ކުރަނީ ޢާއްމުގޮތެއްގައި އެއްބަޔަކަށް ވެފައި ، ދެދުވަހުން އެއްދުވަހު ކަހަލަގޮތަކަށް "ބޮއެގެން" މުޅިރަށުގައި ( ރަށްކުޑައަށްލައިގެން )އެބަޔަކު އުޅެމުންދާތީ ނޫން ދެން އެހެން ކޮންސަބަބަކާ ހުރެބާއެވެ.
މިމީސްމީހުން މިއަދު މިތަކެތި ބޭނުންކޮށްގެން ވަރަށް މިނިވަންކަމާއި އެކު އުޅެމުންދާއިރު އެއްވެސް މީހަކަށް މިމީސްމީހުންގެ ޝަކުވާ ކަމާބެހޭ ފަރާތްތަކުގައި ކުރަންނުކެރުމަކީ ވެސް މިއަދު ހިތާމަކުރަންޖެހިފައިވާ ކަމެކެވެ. އަދި މަދުފަހަރެއްގައި ޝަކުވާއެއް ކުރިއަސް ތާކުންތާކުނުޖެހި ޝަކުވާ ކުރިމީހާގެ މުޅިދިރިއުޅުންވެސް ދުއްވާލާވަރުގެ ގެއްލުންތައް ދެމުން ދާކަމީވެސް ހިތާމަކުރަން ޖެހިފައިވާ ޙަޤީޤަތެކެވެ.
ކޮންމެރަށެއްގައިވެސް މަސްތުވާތަކެތި ބޭނުންކޮށް ވިއްކާ ވިޔާފާރިކުރާމީހުން އެނގިފާޅުވެގެންވާއިރު ރައްޔިތުންނުކުމެ އެފަދަމީހުން ހިފާ ފުލުހުންނާ ޙަވާލުކޮށްގެންގެންނޫނީ މިކަންހައްލުކުރޭވޭނެ އެއްވެސް ގޮތެއް ނެތެވެ. އެފަދަ މީހުންނަށް ފާޅުގައި ނޫނެކޭ ބުނުން ނޫން އެހެންއެއްވެސް ގޮތެއްނެތެވެ. މައިންބަފައިންނާއި ބަލަދުވެރިންވެސް އެމީހުންގެދަރިން މަސްތުވާތަކެތި ބޭނުންކުރާކަމަށް ލޭބަލުކުރެވިފައިވާ މީހުންގެ ގާތަށް އެކުދިން ދިޔަނުދީ ހިފެހެއްޓުންނޫން ގޮތެއްނެތެވެ.
އެންމެން އެކައްޗެއް ކިޔާ ބިރުކަނޑާލައިފާ ނުކުމެގެންނޫނީ މިކަމެއް ހައްލެއްނުވާނެއެވެ.

2009-01-03T09:45:00.003+05:00

ކެމްޕޭނު ދަތުރެއްގައި އަޝްރަފް ލަންދުއަށް ވަޑައިގެންފި

ޢާއްމުއިންތިޚާބުގެ ކުޑަފަރި ހިމެނޭ ޒޯނަށް ކުރިމަތިލައްވާނެކަމަށް ކުރިންވެސް ވަރަށް ގިނަބަޔަކު ޤަބޫލުކުރަމުން އައި ކުޑަފަރި އަޝްރަފް ޢަބުދުއްރަޙީމް ކެމްޕެއިން ދަތުރެއްގައި ލަންދުއަށް ވަޑައިގެންފިއެވެ. މިއިންތިޚާބުގައި ލަންދޫއިން ވެސް ދެބޭފުޅަކު ކުރިމަތިލައްވާނެކަމަށް އިޢުލާން ކުރައްވާ މިހާތަނަށް ވަނީ ކެމްޕެއިން ކުރައްވާފައެވެ.

ލަންދޫ މާހާ މުހައްމަދު ޢަބުދުﷲ (ތާކިހާމުޙައްމަދު) އާއި ލަންދޫ ލޯކަށި އިބްރާހީމް ޙުސައިން ( ލަންދޫ އިބްރޭ ) ލަންދޫއިން ކުރިމަތިލެއްވިޔަސް އަޝްރަފް މެންކަހަލަ މަޝްހޫރު ބޭފުޅުންނަށް ލަންދޫއިން ފުދޭވަރެއްގެ ގިނަޢަދަދެއްގެ ވޯޓުލިބިދާނެކަމަށް ބެލެވެއެވެ. ސަބަބަކީ އަޝްރަފްގެ ޢާއިލާއަށް ނިސްބަތްވާ ބައެއްމީހުން ލަންދޫގައި ވެސް ތިބިކަމެވެ.
ލަންދޫއިން ދެބޭފުޅުން ކުރިމަތިލައްވާ އިރު ކޮންމެމީހަކުވެސް ރަށުމީހާއަށް އިސްކަންދިނުމުކީވެސް ވަރަށް އެކަށީގެންވާ ކަމެކެވެ. ސަބަަބަކީ މާޒީގައި ކަންކަން ވެގެންގޮސްފައިވާ ގޮތަށްބަލާއިރު މަޖްލީހުން ގޮޑިއެއްގައި އިށީދެވިއްޖެނަމަ ދެން ގިނަފަހަރަށް ކައިރީގައި އުޅުން މީހުން އޮންނަނީ ހަނދާންނެތި މުޅިން އެހެންބަޔަކު ގާތްވެފައެވެ.
ރަށުމީހަކު ހޮވިއްޖެނަމަ ހަމަގައިމުވެސް ރަށުގެ ނަން މެމްބަރުގެ ނަމުގެ ކުރިއަށް އަންނާނެއެވެ.

2009-01-02T22:01:00.002+05:00

މާބޮޑަށްވެސް ވިސްނަންވެއްޖެ

ލިޔުނީ: މޫސާ ޙުސެއިން / މިހާސް

މިއަދުއަޅުގަނޑުމެންގެ މިކުޑަކުޑަ ފަސްގަނޑަކީ އަތޮޅުގެ ނިސްބަތުން ބަލާއިރު އެންމެގިނަ އަދަދަކަށް ސައިކަލް ދުއްވަމުން ގެންދާއެއް ރަށެވެ. ބިމުގެގޮތުން ބަލާއިރު މާބޮޑު ރަށަކަށް ނުވިނަމަވެސް އާބާދީގެ ގޮތުން ސައިކަލް ދުއްވުމަށް ޝަޢުޤުވެރިވާ ރައްޔިތަކު ދިރިއުޅެމުންގެންދާ މިފަސްގަޑުގައި މިހާރުވެސް ގާތްގަޑަކަށް ވިއްސަކަށް ސައިކަލް އެބަހުއްޓެވެ. އަދި އަޅުގަނޑަށް މަޢުލޫމާތު ލިބިފައިވާގޮތުގައި މިހާރުވެސްވަނީ ދެތިންސައިކަލްއަށް އޯޑަރުކުރެވިފައެވެ.

ވިސަނާލަންވީ ކަމަކީ ރަށަށް ސައިކަލް އިތުރުވަމުން ދިޔަވަރަކަށް ރައްޔިތުންވެސް މިކަމަށް ހޭލުންތެރިވާން ޖެހޭނެކަމެވެ. ކެޑިނޭޅި ކަމާބެހޭ ފަރާތްތަކުން ލައިސަންސްނެތި ސައިކަލް ނުދުއްވުމަށް އިލްތިމާސްކުރަމުން ދާއިރު މިކަމަށް ސަމާލްކަން ދޭންޖެހޭން ކަމެވެ.
ނަމަވެސް ހިތާމައަކީ މިއަދުވެސް ނިސްބަތުން ގިނަ ބަޔަކު ލައިސަންސްނެތި ސައިކަލް ދުއްވަމުން ގެންދާކަމެވެ. އަދި މިކަމުގެ ސަބަބުން މިއަދުމިވަނީ ތަފާތު އެކްސިޑެންޓްތައްވެސް ހިގަންފަށާފައެވެ.
މިހާތަނަށް ރަށުގައި ހިގާފައިވާ ގިނަ އެކްސިޑެންޓްތަކަކީ ލައިސަންސް ނެތި ސައިކަލްދުއްވާ ފަރާތްތަކެއްގެ ސަބަބުން ހިގާފައިވާ ތަފާތު އެކްސިޑެންޓް ތަކެވެ. މިފަދަ އެކްސިޑެންޓް ތަކުގެ ސަބަބުން ބައެއްފަރާތްތަކަށް ވަނީ ނަފްސާނީ ގެއްލުމުގެ އިތުރަށް ޖިސްމާނީ ގޮތުންނާއި މާލީގޮތުން އެތައް ގެއްލުންތަކެއް ލިބިފައެވެ. މީގެ ތެރެއިން 1 ސައިކަލް މިހާރުވަނީ ނުދުއްވޭވަރަށްހަލާކުވެފައެވެ.
ރަށަށް ސައިކަލް އެތެރެ ކުރައްވާ އެންމެހާ ފަރާތްތަކުން ވިސަނަވަންވީ ލައިސަންސް ނެތްއެއްވެސް ފަރާތަކަށް އެފަރާތެއްގެ ސައިކަލް ދުއްވާލުމަށްވެސް ނުދިނުމަށެވެ. ރަށުގެ އެންމެހާ ރައްޔިތުންނަކީ މިކަމަށް ހޭލުންތެރި ރައްޔިތަކަށް ވުމަށެވެ.
ސައިކަލް ދުއްވުމަށް ޝަޢުޤުވެރި ވެލައްވާ އެންމެހާ ފަރާތްތަކުން ވިސްނަވަންވީ ސަރުކާރުގެ ފަރާތުން ހެދިފައިވާ އެންމެހާ ޤަވާޢިދުތަކަށް ފުރިހަމައަށް ކިޔަމަންތެރިވެ ބޯލެބުމަށެވެ. ލައިސަންސްނެތި ސައިކަލް ނުދުއްވުމަށެވެ.

2008-12-31T09:52:00.002+05:00

ސ 2009 ވަނައަހަރުގެ ދިރާސީ އަހަރަށް ބޭނުންވާ ބިދޭސީޓީޗަރުން އަންނަން ފަށައިފި

ސ 2009 ވަނައަހަރު ލަންދޫސްކޫލްގެ ސާނަވީ ގްރޭޑްތަކަށް ކިޔަވައިދެއްވާ ބިދޭސީ ޓީޗަރުންގެ ތެރެއިން 8 ޓީޗަރުން އިއްޔެ ލަންދުއަށް އަތުވެއްޖެއެވެ. ލަންދޫސްކޫލުން މަޢުލޫމާތު ދެއްވިގޮތުގައި މިފަހަރު ލަންދޫސްކޫލް ގައި ބިދޭސީ އިތުރުޓީޗަރުން މަސައްކަތް ކުރައްވާ ގޮތަށް ވަނީ ހަމަޖެހިފައެވެ. ސަބަބަކީ މިއަންނައަހަރު މިސްކޫލްގެ ގްރޭޑް 8 ގެ ދަރިވަރުން ކިޔަވާނީ މިކްސް ސްޓްރީމެއް ކަމަށް ވާތީ ކަމަށް އެސްކޫލުން މަޢުލޫމާތު ދެއްވައެވެ.

މިކްސް ސްޓްރީމްގައި ކޮމާސް ސްޓްރީމްގެ ތެރެއަށް ސައިންސް ސްޓްްރީމް ގެ ބައެއްމާއްދާތައް ވައްދައިގެން މިއަންނައަހަރު ކުރިއަށް ގެންދާ ގޮތަށް މިހާރުވަނީ ފޮތްލިސްޓްގައި އެމާއްދާގެ ފޮތްތައް ވެސް ހިމަނާފައިކަމަށް އެސްކޫލުން މައުލޫމާތުދެއްވައެވެ.
އެސްކޫލުން މައުލޫމާތު ދެއްވި ގޮތުގައި މިއަންނައަހަރު ލަންދޫގެ 2 ޓީޗަރަކުވެސް ސެކެންޑަރީ ކްލާސްތަކަށް ހިސާބު ކިޔަވައިދެއްވާ ގޮތަށް ވަނީހަމަޖެހިފައެވެ. މިދެޓީޗަރުންނަކީ މިއަހަރު ފެކްލްޓީއިން ހިންގެވި ސެކެންޑަރީ މެތްސް ޑިޕޮލަމާ ނިންމާފައިވާ ދެޓީޗަރުން ކަމުގައިވެސް މައުލޫމާތު ދެއްވައެވެ.
އެސްކޫލުން ހާމަކުރައްވާ ގޮތުގައި ލޯކަލް ޓީޗަރުން އިތުރުވުމަކީ ދަރިވަރުން ކިޔެވުމާއި ތަރުބިއްޔަތު ރަގަޅުވުމަށް އެޅޭ ވަރަށް ރަގަޅުހެޔޮފާލެކެވެ

2008-12-30T23:55:00.004+05:00

ފަޅުގެ ބައެއްމަސައްކަތް މުޅިން ނުނިމޭތީ، މަސައްކަތުގެ އާލާތް ރަށުން ނުގެންދެވޭނެކަމަށް ލަންދޫ ރައްޔިތުންގެ ތެރޭން ބަޔަކުބުނެފި

ލަފާފުރުމުގެ ދަތިކަން ފިލުވައިދިނުމުގެ މަޝްރޫޢުގެ ދަށުން ލަންދޫގައި ހަދަމުންގެންދާ ފަޅުގެ މަސައްކަތް މުޅިންނިމިއްޖެކަމަށްބުނެ މަސައްކަތާއި ޙަވާލުވެގެން އުޅޭ އެމްޓީސީސީގެ ބޭފުޅުން ރަށުން ފުރުމުގެ ތައްޔާރީތައް ވަމުން އެބަދެއެވެ.

އެގޮތުން މަސައްކަތުގައި ބޭނުންކުރި 2 އެކްސްކަވޭޓަރާއި، 2 ލޯރިއާއި، އެހެނިހެން ސާމާނު މާދަމާ ރަށުން ބޭރުކުރުމުގެ ތައްޔާރީތައް މިހާރުވަނީކޮށްނިންމާފައެވެ.
އެމްޓީސީސީގެ ބޭފުޅުން ފުރަންއުޅޭކަމުގެ މަޢުލޫމާތު ރަށުއޮފީހަށް ލިބުމާއި ގުޅިގެން ފަޅުކޮމިޓީއާއި، ރކ.ކޮމިޓީގެ ބައްދަލުވުމެއް ފަޅުގެ ސަރަޙައްދުގައި މިއަދުވަނީބާއްވާ ފައެވެ. މިބައްދަލުވުމުގައި ބައިވެރިވެލެއްވި ގިނަބޭފުޅުން ހާމަކުރަމުން ގެންގޮސްފައިވަނީ ފަޅުގެމަސައްކަތް އަދި ނުނިމޭކަމަށާއި، ހުރިހާމަސައްކަތެއް މުޅިންނިމިގެންނޫނީ އެއްވެސް އެއްޗެއް ރަށުން ބޭރުނުކުރެވޭނެކަމަށެވެ. އަދި މަސައްކަތް ނުނިންމާ ތަކެތި ރަށުންގެންދަން އުޅޭނަމަ އެހެންރަށްރަށުގައި ހަދާހެން އެކަމަށް ހުރަސްއެޅުމުގެ ގޮތުން ރައްޔިތުން ނެރޭނެކަމަށްވެސް ބުނެ ރަށުގެ ނުފޫޒުވަރުގަދަ ބޭފުޅުން މިބައްދަލުވުމުގައި އަޑުއުފުލާހެދިއެވެ.
މިކަމާއިގުޅިގެން މަސައްކަތާއި ޙަވާލުވެގެން އެމްޓީސީސީގެ ފަރާތުން ދުރެވެހުންނެވި އެންމެއިސްބޭފުޅާ މުއާޒު ވަނީ ނުނިމޭ މަސައްކަތްތަކަކީ ކޮބައިކަން އެބޭފުޅާއަށް ދެއްކުމަށް ފަޅުކޮމިޓީގެ ކިބައިން އެދިފައެވެ. މުއާޒުގެ އެދުމުގެ މަތިން ކުޑަބޮއްކުރައެއްގައި ކަނޑިމައްޗަށްނިކުމެ ކަނޑިންމައިގައި ހުރިފުންމިންވެސް ވަނީ މިއަދު ބަލާހަދާފައެވެ.
ލަންދޫރައްޔިތުންތިބީ ހުރިހާ މަސައްކަތެއް މުޅީންނުނިމެނީސް އެއްވެސް އެއްޗެއް ގެންދިޔަނުދިނުމަށް ނިންމާފައެވެ.

2008-12-29T20:51:00.000+05:00

ލަންދޫ ހުސްނުހީނާގެ ޙަސަން މުޙައްމަދު ( ޙަސަނުބެ ) ނިޔާވެއްޖެ

ނ.ލަންދޫ ހުސްނުހީނާގޭ ޙަސަން މުޙައްމަދު ( ޙަސަނުބެ ) މިއަދު ހަވީރު ގާތްތަޑަކަށް 4:00 ހާއިރު ދެމިއޮތުމުގެ ޢާލަމަށް ދަތުރުކުރައްވައިފިއެވެ. ޙަސަނުބެ ނިޔާވީ ދުވަސްކޮޅެއްގައި ބަލިވެއުޅުމަށްފަހުއެވެ. ނިޔާވިއިރު ޙަސަނުބޭގެ 2 އަންހެންދަރިންނާއި، ފިރިހެންދަރިއަކާއި އަތްބަކު ދުނިޔޭގައި އެބަތިއްބެވެ.

ލަންދޫސިއްހީމަރުކަޒުގެ ޑޮކްޓަރ މާލިކު މުޙައްްމަދު އާއި ޙަސަނުބޭގެ މަރުގެ ސަބަބަކީ ކޮބައިތޯ ދަންނަވާލުމުން ޑޮކްޓަރ ވިދާޅުވީ ސިރިއަސް މައްސަލައެއް ނެތްކަމަށާއި، ހަމައެކަނި މުސްކުޅިވެ ޢުމުރުން ދުވަސްވުންނޫން އެހެންކަމެއް ޙަސަނުބޭގެ މަރުގެ ސަބަބެއްކަމުގައި ޑޮކްޓަރަށް ފާހަގަކުރެއްވިފައިނުވާކަމަށެވެ.
ޙަސަނުބޭގެ ޖަނާޒާގެ ކަންތައް ނިމުނީ ގާތްގަޑަކަށް އިރުއޮށްސުމާއި ގާތްވެފައިވަނިކޮށެވެ.
ޙަސަނުބެއަކީ ޙަޔާތުގެ ޒުވާންދުވަސްވަރުން ފެށިގެން ދާދި ފަހަކާޖެހެންދެންވެސް އަމިއްލަމަސައްކަތުން ދިރިއުޅުން ކުރިއަށްގެންދެވި ހީވާގިމުރާލި މީހެކެވެ.
މަހުގައި ލޮނުއަޅައިގެން މަސްހިއްކައިގެން ކުރެއްވި މަސައްކަތަކީ ހަސަނުބޭގެ އެންމެ ޚާއްޞަމަސައްކަތެވެ. މިނޫނަސް ފަނުން މުޅޯށިވިޔުމާއި، ފަންގިވިނުން ، ވެސް ދިރިއުޅުމަށް އާމްދަނީއެއްގެ ގޮތުން ޙަސަނުބެ ކުރެއްވިއެވެ.

2008-12-29T14:32:00.000+05:00

2008-12-29T14:22:00.002+05:00

....އިސްލާމީ އާއަހަރަކަށް މަރު

ﷲ ތަޢާލާ އިސްލާމްދީނުގެ ދައުވަތާއިގެން ފޮނުއްވެވި އެންމެ ފަހުގެ ނަބިއްޔާ(ސއވ) ގެ ދައުވަތު އުއްމުލްގުރާ މައްކަތުލް މުކައްރަމާއިން ކުރިލައިގެންހެދި 13އަހަރު ހޭދަކުރުމަށްފަހު މަދީނަތުލް މުނައްވަރާގައި އިސްލާމީ ދައުލަތެއްގެ ބިންގާ އެޅުނުފަހުން ސާދަ ޤަރުނާއި އެތައް އަހަރު ވޭތުވެދިޔައީއެވެ. ރަސޫލާ(ސއވ) ގެ ހަޔާތްޕުޅުގެ 10 އަހަރުފުލާއި ޚުލަފާއުއްރާޝިދޫންގެ ދުވަސްވަރުންފެށިގެންކުރިލައި ހެދެމުންއައި އިސްލާމީ ދައުލަތުގެ ގަސް ކުރިލަމުން ފުޅާވަމުންއައިސް ހިޖާޒުގެ ހޫނު ސަހަރާތައް ހުރަސްކޮށް ހިންދުސްތާނާއި އެފްރިކާއާއި އަދި ޔޫރަޕަށް ފެތުރިގެންދިޔައީ ކުޑަދުވަސްކޮޅެއްގެތެރޭގައެވެ.އިސްލާމީ ޚިލާފަތްތަކުގެ ރަންޒަމާނުގައި ހަޟާރާތާއި ތަމަށްދުނާއި ތަޙްޒީބްގެ އާކުރިބޯށިތަކަށް މުސްލިމުން ވާޞިލްވަމުންދިޔައިރު ދުނިޔޭގެ ސުޕަ-ޕަވަރގެ ގޮތުގައި އިނިޔާވެރީން ބިރުގަންނަވަމުންދިޔައީވެސް މުސްލިމުންނެވެ. އިރުމަތިން އަސޭކަރައާއި އިންޑޮނޭޝިޔާއާއިހަމައިން ހުޅަނގުން މަޣްރިބްއާއިހަމަޔަށް ދިޔައިރު ދެކުނުން އެފްއިކާގެ އެންމެ ދެކުނަށް އަދި އުތުރުން ޔޫރަޕްގެ ފިނި ފަރުބަދަތރަކާއި ހަމަޔަށް އިސްލާމީ ދައުލަތް ފުޅާވެގެން ހިނގައްޖެއެވެ.

ނަމަވެސް މުސްލިމުންގެ އެރަންޒަމާން މިއަދު ފެންނަނީ ހުވަފެނެއްގެ ގޮތުގައެވެ. އަންދުލުސްގެ ގެއްލުނު ސުވަރުގެތަކާއިއެކު އަސްލާމީ ދައުލަތްވެސް ހުވަފެނަކަށްވީއެވެ. ރަސޫލާ (ސއވ) ގެ ހަޔާތްޕުޅުގައި ބިންގާއެޅުއްވި އިސްލާމީ ދައުލަތް ސާދަ ޤަރުނަށްފަހު ތުރުކީގެ އަތާތުރުކުގެ އަތްދަށުވެ ފުޑުފުޑުވެ ދިޔައީއެވެ. މިއަދަކު އިސްލާމީ ޚިލާފައެއްނެތެވެ. މުސްލިމުުންގެ ހުރުމަތްތެރި ބިންތަކާއި އަމިއްލަ ބިންތައްވެސް އަޅުވެތިވެ ހިނގައްޖެއެވެ. އިސްލާމީ ވަންތަކަމާއި އިސްލާމީ ޘަގާފަތާއި އިސްލާމްދީންވެސް ބީވެހިނގައްޖެއެވެ. އެންމެބޮޑު އިސްލާމީ ގައުމުކަމުގައިވާ އިންޑޮނޭޝިޔާގައި 2004ވަނައަހަރުގެ ކްރިސްމަސްދުވަހު އެކަނިވެސް 2ލައްކައަށްވުރެގިނަ މުސްލިމުން ޢީސާޢީދީނަށް ވަނެވެ. އަދި 2020ވަނައަހަރު އައުމުގެ ކުރިން އެގައުމުގެ އިސްލާމީ ވަންތަކަންްނެތި ޢީސާޢީ ލޭބަލްކުރެވިފައިވާ ގައުމަކަށް ވާނެކަމަށް ޢީސާއީ މިޝަނަރީން އުންމީދުކުރެއެވެ. އަވައްޓެރި ބަަންގްލަދޭސް މިނިވަންވުމަށްފަހުގައި މިވީހާތަނަށް 5މިލިޔަނަށްވުރެގިން މުސްލިމުން ޢީސާޢީ ކުރެވިފައިވެއެވެ. އިސްލާމީ ތައުލީމުގެ އެއް މުންނާރުކަމުގައިވާ މިސްރަކީ އެންމެ ބާރަށް ޢީސާޢީ ދީން ފެތުރެމުންދާ އެއްގައުމެވެ. އިސްލާމީ ޚިލާފަތުގެ އެންމެފަހުގެ މައިމަރުކަޒު އަދި 400އަށްވުރެ ގިނަދުވަސްވަންދެން އުޘްމާނީ ޚިލާފަތުގެ މައިމަރުކަޒުގެ ގޮތުގައިއޮތް ތުރުކީގެ ވާހަކަ ނުދައްކަމާތޯއެވެ. އަނދިރިކަމުގެ ކޮޅެއްވެސްނެތެވެ. ހިޖްރީ އާއަހަރަކަށް ދުނިޔެ ލޯހުޅުވަމުންދާއިރު އަޅުގަނޑުމެން ކިޔަންވީ މަރުޙަބާތޯއެވެ. ނުވަތަ އިސްލާމީ އުންމަތުގެ ތައުޒިޔާތޯއެވެ.

2008-12-28T22:02:00.002+05:00

ރީނދޫކަޕްގެ ޗެމްޕިއަންކަން ކްލަބުޗެލެންޖަރސް ހޯދައިފި

އަމިއްލަފަރާތަކުން ޚަރަދުކޮށްގެން ލަންދޫގައި ފުރަތަމަފަހަރަށް ބޭއްވުނު ފުޓްބޯޅަމުބާރާތް ، ރީނދޫ ނަސީމު ދަރި ވަސީމް ގެ ރީނދޫކަޕް2008 ގެ ޗެމްޕިއަންކަން ކްލަބު ޗެލެންޖަރސް ހޯދައިފިއެވެ. ކްލަބު ޗެލެންޖަރސް ޗެމްޕިއަންކަން މިހޯދީ ފައިނަލްގައި ޕަސަންޓް ސްޕޯޓްސް އާއި ބައްދަލު ކޮށް 5-2 ން ފައިނަލްމެޗް ކާމިޔާބުކޮށްގެންނެވެ.

ލަންދޫ ބޮޑުކަތީބު އަލްފާޟިލް ޙަސަންނަޞީރު ޝަރަފްވެރިކޮށްދެއްވި މިފައިނަލްމެޗްގެ ފުރަތަމަލަންޑުޖަހައިދިނީ ފުރަމަ ހާފްގެ ފުރަތަމަމިނިޓްގައި ކްލަބުޗެލެންޖަރސްގެ ޖަރޒީނަމްބަރ 8 ޢަބުދުއްރައްޒާޤު އިބްރާހީމް ( ރިޒާ ) އެވެ. އޭގެފަހުން އަނެއްކާ ފުރަތަމަހާފްގެ 10 ވަނަމިނިޓްގައި އެޓީމްގެ ޖ.ނަމްބަރ 7 އާތިފް ޙަސަންވެސް ލަނޑެއް ޕަސަންޓްގެ ގޯލަށްވައްދާލިއެވެ. މިދެގޯލާއިއެކު ޕަސަންޓް ސްޕޯޓްސް ގެ އުންމީދު ވަރަށްބޮޑަށްދައްވެފައިވަނިކޮށް ޗެލެންޖަރސްގެ 3 ވަނަގޯލް ކާމިޔާބުކޮށްދިނީ ޖ.ނަމްބަރ 17 އިބްރާހީމް ސާމިހް ( ކިއްބަ ) އެވެ. އަނެއްކާ އޭގެ 2 މިނިޓްފަހުންވެސް ޗެލެންޖަރސްގެ 3 ވަނަގޯލް 7 ނަމްބަރ އާތިފް ކާމިޔާބުކޮށްދިނެވެ. ފުރަތަމަ ހާފްނިމިގެންދިޔައީ 3-0 ގެ ލީޑު ޗެލެންޖަރސް ހޯދާމެޗްގެ ކޮންޓްރޯލް އަތުލައިފައިވަނިކޮންނެވެ.
ފަހުހާފްގެ ކުޅުމަށް ނިކުތް އިރު ޕަސަންޓްގެ ކުޅުންތެރިން ތިބީ ހިތްވަރުކޮށް ފަހަތުން އަރާ މެޗް އަތުލެވޭތޯ ހުރިހާކުޅުންތެރިންވެސް އަޒުމްކަނޑައަޅަފާކަމަށް ކުޅުންތެރިންގެ މޫނުމަތިން ފެނުނުކަހަލައެވެ. އޭގެނަތީޖާއެއްގެ ގޮތުން ފަހުހާފްގެ 4 ވަނަމިނިޓްގައި ޕަސަންޓްގެ ޖ.ނަމްބަރ 17 ޢަބުދުﷲ ސިޔާމް ( ސީޓޭ ) އެޓީމްގެ ފުރަތަމަ ގޯލްކާމިޔާބުކޮށްދިނެވެ. އަދިހަމަ އޭގެ ފަހުން ފަހުހާފްގެ 38 ވަނަމިނިޓްގައި ސީޓޭގެ ދެވަނަގޯލްގެ ވެސް ފެނިގެންދިޔައެވެ. މެޗްގެ ސްކޯރ 4-2 ގައި ވަނިކޮށްފަހުހާފްގެ 42 ވަނަމިނިޓްގައި ޗެލެންޖަރސްގެ 5 ވަނަލަނޑު ޖަހައިދިނީ ފަހުހާފްގެ 42ވަނަމިނިޓްގައި އެޓީމްގެ ޖ.ނަމްބަރ 17 އިބްރާހީމް ސާމިހް ( ކިއްބަ ) އެވެ. މެޗް ނިމިގެންދިޔައީ މިނަތީޖާގައި އޮވެ އެވެ. ފައިނަލްމެޗްގެ މޮޅުކުޅުންތެރިޔާގެ މަޤާމް ހޯދީ މިމެޗްގައި 2 ގޯލް ޖަހައިދިން ޗެލެންޖަރސްގެ ޖ.ނަމްބަރ 8 އާތިފް ޙަސަނެވެ.
މުބާރާތުގެ މަޤާމްތައް
ފެއަރޕްލޭޓީމް:ޕަސަންޓް ސްޕޯޓްސް ކްލަބް
އެންމެގިނަލަނޑުޖެހިކުޅުންތެރިޔާ: މުޙައްމަދު ސިމާލް (ޕަސަންޓް ސްޕޯޓްސް ) ސ
އެންމެމޮޅުޑިފެންސް:މުޙައްމަދު ސިނާން (ކުޑަފަރި) ކްލަބް ޗެލެންޖާސް
އެންމެމޮޅުފޯވާޑް: މުޙައްމަދު ސިމާލް (ޕަސަންޓް ސްޕޯޓްސް )ސ
އެންމެމޮޅުމިޑްފީލްޑް: ނައުޝާދު ޢަބުދުއްރަޙީމް (ކްލަބް ޗެލެންޖަރސް )ސ
އެންމެމޮޅުކީޕަރ :އަޙްމަދު ޝަކީލް (ކްލަބް ޗެލެންޖަރސް )ސ
ފެއަރޕްލޭކުޅުންތެރިޔާ: ޢަބުދުއްރައްޒާޤް އިބްރާހީމް (ކްލަބް ޗެލެންޖަރސް )ސ
އެންމެ އުންމީދިކުޅުންތެރިޔާ: އާތިފް މޫސާ (ކްލަބް ޗެލެންޖަރސް )ސ
މުބާރާތުގެ އެންމެ މޮޅުކުޅުންތެރިޔާ: ނައުޝާދު ޢަބުދުއްރަޙީމް (ކްލަބް ޗެލެންޖަރސް )ސ

2008-12-27T22:00:00.004+05:00

ލަންދޫގައި ދީނީނަސޭޙަތްދީފި

ލަންދޫ ޔޫތުއެންކަރޭޖިން ސޮސައިޓީއާއި މަނަދޫ ޕޮލިސް ސްޓޭޝަނާއި ގުޅިގެން ލަންދޫގައި ދީނީނަސޭޙަތްދިނުމުގެ ޕްރޮގްރާމެއް މިއަދު ލަންދޫގައި ހިންގައިފިއެވެ. މިޕްރޮގްރާމްގައި ދީނީ ނަސޭޙަތް ދެއްވީ އައްޝެއިޚް އަބޫ ޢަބްދުއްރާޙްމާން އަޙްމަދު ސަމީރު އިބުރާހީމް ޙުސައިން، (ށ.ފޯކައިދޫ)އެވެ.

ޝެއިޚްގެ ވާހަކަފުޅުގައި ޢާއްމުކޮށް މުޖްތަމަޢުގައި މިދިމާވާ ނޭދެވޭ ހުރިހާމައްސަލަތަކެއްވެސް ފެށެނީ ހަރުދަނާ އީމާންކަމެއް ހިތުގައި ނެތީކަމަށް ވިދާޅުވަމުން މަސްތުވާ ތަކެތީގެ ނުރައްކަލުގެ މައްޗަށާއި، މާތްﷲގެ ކުޅަދުންވަންތަ ކަމުގެ މައްޗަށް ވެސް އަލިއަޅުވާލައްވާ ނަސޭހަތްދެއްވިއެވެ.
ލިޔެސް ޖަމްޢިއްޔާއާއި ޕޮލިސް ގުޅިގެން މިހިންގިޕްރޮގްރާމްގައި ދީނީ ނަސޭހަތުގެ އިތުރުން މިއަދު މުޖްތަމައުގައި އޮތް އެންމެ ނުރައްކާތެރި ވަބާ މަސްތުވާ ތަކެއްޗާއިބެހޭގޮތުން މަޢުލޫމާތު ދެއްވުމުގެ ސެސަނެއްވެސް ކުރިއަށް ގެންދިއައެވެ.
މަސްތުވާތަކެއްޗާއި ބެހޭ ގޮތުން މަޢުލޫމަތު ދެއްވީ މަނަދޫޕޮލިސް ސްޓޭޝަނުގެ އިންޗާޖް ކޯޕްރަލް އަލްފާޟިލް އަޙްމަދު އާތިފްއެވެ. މަސްތުވާ ތަކެއްތީގެ ކަންތައް ތައް މިއަތޮޅުގައި ހުރިމިންވަރުގެ މައްޗަށް ބައްލަވާލައްވާ މަސްތުވާ ތަކެތި ބޭނުން ކުރާމީހުންދެނެގަންނާގެ ގޮތާއި ބައެއްބާވަތްބާވަތުގެ މަސްތުވާ ތަކެތީގެނަންތައްވެސް އެބޭފުޅާ ވިދާޅުވެެދެއްވިއެވެ.
މިޝެސަންތައް އަޑުއެއްސެވުމަށް ޓަކައި ލަންދޫގެ ގިނަޢަދެއްގެ ދެޖިންސްގެ ރައްޔިތުންނާއި ސްކޫލް ކުދިންނާއި ޒުވާނުން ލަންދޫސްކޫލަށް ޙާޟިރުވެލެއްވިއެވެ.
މިޝެޝަންތައް ހިންގުމުގެ އިތުރުން މަނަދޫ ފުލުހުން ލަންދޫގައި ޓްރެފިކް ޙަރަކާތްތަކެއްވެސް މިއަދު ހަވީރު ހިންގެވިއެވެ. މިޙަރަކާތުގައި ސައިކަލް ބައިސްކަލް ފަދަ ދުއްވާތަކެތި މަޑުކުރުވާ ލައިސަންސް އޮތްތޯ ބަލާ ޗެކްކޮށް ހެއްދެވިއެވެ. ފުލުހުން ހާމަކުރެއްވި ގޮތުގައި ގިނަމީހުން ގެ ލައިސަންސް ހިފައިގެން އުޅުމުގެ ބަދަލުގައި އޮންނަނީ ގޭގައި ރައްކާކޮށްފައެވެ. އަދި ޗެކްކުރެވުނު ގިނަމީހުންނަކީ ލައިސަންސް އޮތް މީހުންކަމުގައިވެސް ފުލުހުން ހާމަކުރެއްވިއެވެ.

2008-12-26T22:06:00.004+05:00

ރަށު ކޯޗެއްގެ އިރުޝާދުގެ ދަށުން ޤައުމީ ފެތުމުގެ މުބާރާތުގެ ތިންވަނަ ލިޔެސް ހޯދައިފި.

ޚަބަރު: ޙަފްޞީ ޢަބުދުﷲ

މިއަދު ނިމުނު ތިރީސް ހަތަރުވަނަ ޤައުމީ ފެތުމުގެ މުބާރާތުގެ އަންހެން ބައިގެ ތިންވަނަ ލަންދޫ ޔޫތް އެންކަރޭޖިންގ ސޮސައިޓީއަށް ލިބިއްޖެއެވެ. ލަންދޫގެ ޒުވާން ކޯޗް އަދި ފެތުންތެރިޔާ އަބުދުﷲ ނަސީރުގެ އިރުޝާދުގެ ދަށުން ވާދަކުރި މިޓީމްގެ ބައެއް ކުޅުންތެރިންވެސް ވަނީ މުބާރާތުގެ ބައެއް ވަނަތައް ހޯދާފައެވެ.

މިބައިގެ އެއްވަނަ ހޯދީ ފެތުމުގެ އެއްވަނަ ދަމަހައްޓަމުން އަންނަ މޯލްޑިވްސް ލައިފްގާޑް އެސޯސިއޭޝަނެވެ. ފިރިހެންބައިގެ ޗެމްޕިއަންކަން ހޯދީވެސް އެޓީމެވެ. މިއީ ލަންދޫގެ ޖަމްއިއްޔާއެއް ފެތުމުގެ މުބާރާތެއްގައި ވާދަކުރި ފުރަތަމަ ފަހަރެވެ. އަދި ފުޓްބޯޅައިގެ އިތުރުން ކުޅިވަރެއްގައި ޤައުމީ ފެންވަރެއްގައި ވާދަކުރި ފުރަތަމަ ފަހަރުވެސްމެއެވެ.
އަންނަ އަހަރުވެސް މިމުބާރާތުގައި ވާދަކުރުމަށް މިއަހަރުގެ ޓީމްގައި ހިމެނުނު ކުޅުންތެރިންނާ ލިޔެސް ޖަމްއިއްޔާއިން މިހާރު ވަނީ ވާހަކަދައްކާފައެވެ. މިއަހަރުގެ މުބާރާތުގައި ޖަމްއިއްޔާއިން ވާދަކުރަން ނިންމީވެސް ބައިވެރިވުމުގެ މުއްދަތު ހަމަވާންއޮތް ދުވަހުގެ ކުރީ ދުވަހުއެވެ.

2008-12-26T21:56:00.002+05:00

ރީނދޫކަޕްގެ ފުރަތަމަ ހެޓްރިކް ހެދީ ވެލޯސިޓީގެ ޞައްފަތު

ރީނދޫނަސީމުގެ ދަރި ވަސީމް ޚަރަދުކޮށްގެން ލަންދޫގައި ކުރިއަށްގެންދާ ރީނދޫކަޕް 2008 ގެ ފުރަތަމަ ހެޓްރިކް މިއަދު ކުޅުނުމެޗްގައި ކްލަބު ވެލޯސިޓީގެ ޞައްފަތު މުޙައްމަދު ( ކެނދިކޮޅު ) ހަދައިފިއެވެ.

ރީނދޫކަޕްގެފައިނަލިސްޓުންގެ ގޮތުގައި ޕަސަންޓް ސްޕޯޓްސްއާއި ކްލަބު ޗެލެންޖާރސް ހޮވިފައިވަނިކޮށް މިމުބާރާތުގެ 6 ވަނަމެޗްގައި މިއަދު ޕަސަންޓް ސްޕޯޓްސްއާއި އެކު ކްލަބު ވެލޯސިޓީ ބައްދަލުކުރީ ޕޮއިންޓް ޓޭބަލްގެ އެންމެފަހަތުގައި އަދި ކުޅުނު އެއްވެސްމެޗަކުން މޮޅުނުވެ ވަނިކޮށެވެ. މިއަދު ގެ މެޗްގައި ޕަސަންޓް ސްޕޯޓްސްއިން އެޓީމްގެ ބެންޗް ޓީމް އަރުވައިގެން ކުޅުނު މިމެޗްގައި ސައްފަތުގެ 3 ލަންޑުގެ އިތުރުން ވެލޯސިޓީގެ ޖ.ނަމްބަރ 8 އިސްމާއީލް ޝިމާޒް ( ކައްޓި ) އާއި ޖ.ނަމްބަރ 10 ޝަހީމް އިބްރާހީމް ( ބެއްރީ ) މިދެކުޅުންތެރިންވެސް ކޮންމެކުޅުންތެރިއަކު 1 ލަނޑުޖަހައިދީފައިވެއެވެ. އަދި ޕަސަންޓް ސްޕޯޓްސްއިންވެސް ޖ.ނަމްބަރ 08 ޝިމާލު ( ކެނދިކޮޅު ) އާއި ޖ.ނަމްބަރ 14 ޢަބުދުލްޢަޒީޒު މުޙައްމަދު ( ބަހާރޭ ) ވެސް މިއިންކޮންމެ ކުޅުންތެރިއަކު 1 ލަނޑު ޕަސަންޓް ސްޕޯޓްސްއަށްވެސް ޖަހައިދީފައިވެއެވެ. މިލަޑުތަކާއިއެކު މެޗްގެ 90 މިނިޓް ހަމަވެ ނިމުނު އިރު ނަތީޖާ އަކީ 5-2 ން ކްލަބު ވެލޯސިޓީ މެޗް ކާމިޔާބު ކުރުމެވެ.
މިމެޗްގައި ޕަސަންޓް ސްޕޯޓްސްގެ ޖ.ނަމްބަރ 8 މުޙައްމަދު ޝިމާލު ( ސިމައްޓޭ ) ޖެހިލަނޑާއިއެކު މިހާތަނަށް މުބާރާތުގެ އެންމެ ގިނަލަނޑުޖެހި ކުޅުންތެރިޔާއަށް ޖުމުލަ 5 ގޯލް ކާމިޔާބުކޮށްެގެން މިވަނީ ހޮވިފައެވެ. އަދި މިމުބާރާތުގެ މިހާތަނަށް ދެވަނައަށް ގިނަލަނޑުޖެހިކުޅުންތެރިޔާއަށް ކްލަބު ޗެލެންޖަރސްގެ 77 ނަމްބަރ ނައުޝާދު ޢަބުދުއްރަހީމް ވަނީހޮވިފައެވެ. މުބާރާތުގެ މަޤާމްތައް މުޅިން ކަނޑައެޅިއެނގިގެންދާނީ މިއަންނަ އާދިއްތަދުވަހު ކުޅެވޭ ފައިނަލް މެޗަށްފަހުއެވެ.

2008-12-25T22:06:00.003+05:00

އެފްސީ އޮކާޗީ ބަލިކޮށް ކްލަބު ޗެލެންޖާރސް ފައިނަލަށް ހިނގައްޖެ

ރީނދޫކަޕް 2008 ގެ ފައިނަލުގައި ޕަސަންޓް ސްޕޯޓްސް އާއި އެކު ކުޅޭނެ ދެވަނަޓީމެއް ކަށަވަރުވެގެންދިޔައީ މިމުބާރާތުގެ 5 ވަނަމެޗްގައި އެފްސީ އޮކާޗީ އާއި ކްލަބު ޗެލެންޖާރސް ބައްދަލުކުރިމެޗް 1-0 ން ކްލަބު ޗެލެންޖަރސް ކާމިޔާބު ކުރުމުންނެވެ.

މިމުބާރާތުގެ އެއްވެސް މެޗަކުން ބަލިނުވެ ޕަސަންޓް ސްޕޯޓްސް ކްލަބު ފައިނަލްގެ އެއްޖާގަ ކަށަވަރުކޮށްފައިވާއިރު އަނެއްކޮޅު މިކަށަވަރު ކުރީ ނިމިގެންދިޔަ ލިޔެސް ހޮލިޑޭކަޕްގެ ޗެމްޕިއަން އެފްސީ އޮކާޗީ ބަލިކޮށްފައެވެ. އެހެންކަމުން މިހާރުމިއޮތީ މިމުބާރާތުގެ ޗެމްޕިއަނުންނަކީކޮބައިކަމާމެދު ވަރަށް ބޮޑެތި ސުވާލުތައް އުފެދިފައެވެ. ހީވެސް ނުކުރާކަހަލަގޮތަކަށް މިމުބާރާތުން ވެލޯސިޓީ ކަޓާފައިވާއިރު އެފްސީ އޮކާޗީއަށް މިލިބުނީ މިމުބާރާތުގެ 3 ވަނަމަޤާމެވެ.
މިއަދު ގިނައަދަދެއްގެ ބެލުންތެރިންގެ ކުރިމަތީގައި ކުޅެވުނު މިމެޗްގެ ހަމައެކަނި ލަނޑު ޗެލެންޖަރސް އަށް ކާމިޔާބުކޮށްދިނީ ފަހުހާފުގެ 43 ވަނަމިނިޓްގައި އެޓިމުގެ އެންމެ އެންމެ މަޝްހޫރު އަދި މުޅިމުބާރާތުގައި މިހާތަނަށް އެންމެ ރަގަޅުކުޅުމެއްދައްކައިދީފައިވާ ހުނަރުވެރި ފޯވާޑް ޖ.ނަމްބަރ 77 ނައުޝާދު ޢަބުދުއްރަޙީމް (ނާގެ) އެވެ. މޭންއޮފްދަމެޗްގެ އިނާމް ހޯދީވެސް އޭނާއެވެ.
މިމުބާރާތުގައި މާދަމާ ބައްދަލުކުރާނީ ޕަސަންޓް ސްޕޯޓްސް ކްލަބާއި ކްލަބް ވެލޯސިޓީއެވެ.

2008-12-25T21:58:00.002+05:00

ވައިކަރަދޫގައި ބާއްވާ އެންމެ އަގު ބޮޑު މުބާރާތް ފަށަނީ......ސ

ލިޔުނީ: އަހްސަން

ވައިކަރަދޫގެ ތާރީހުގައި ބޭއްވޭ އެންމެ އަގު ބޮޑު މުބާރާތްކަމުގައިވާ 'ތުއްކޮއިބޭ ފުޓްސެލް ޗެލެންޖް 2008' މާދަމާ ފަށާ ގޮތަށް ހަމަޖެހިފައިވާ ކަމަށް މުބާރާތް ހިންގާ ފަރާތުން ހާމަކޮށްފިއެވެ. ވިހި ހާސް ރުފިޔާގެ އަގު ހުރި 'ތުއްކޮއިބޭ ފުޓްސެލް ޗެލެންޖް 2008' ގެ ޗެމްޕިއަން ޓީމަށް 2000 ރުފިޔާގެ ފައިސާ އިނާމުގެ އިތުރުން ޗެމްޕިއަން ތައްޓާއި ކޮންމެ ކުޅުންތެރިއަކަށް ގޯލްޑް މެޑެލްއާއި ހަނދާނީ ލިޔުން ދޭ ގޮތަށް ވަނީ ހަމަޖެހިފައެވެ.

ރަނަރަޕް ޓީމަށް ތައްޓާއި ކޮންމެ ކުޅުންތެރިއަކަށް ސިލްވާ މެޑެލްއެއް ދޭ ގޮތަށް ހަމަޖެހިފައިވާކަމަށް މުބާރާތް އިންތިޒާމް ކުރާ ފަރާތުން ހާމަކުރެއެވެ. އަދި މީގެ އިތުރުން ކޮންމެ މެޗެއްގެ 'މޭން އޮފް ދަ މެޗަށް' އިނާމް ހުށައަޅާފައިވާއިރު ފައިނަލް މެޗްގެ 'މޭން އޮފް ދަ މެޗަށް' ބޫޓެއް ހަދިޔާ ކުރާ ގޮތަށް ވަނީ ހަމަޖެހިފައެވެ. މުޅި މުބާރާތުގެ އެންމެ އުންމީދީ ކުޅުންތެރިޔާއަށާއި އެންމެ ގިނަ ގޯލް ޖެހި ކުޅުންތެރިޔާ އަށާއި އެންމެ މޮޅު ގޯލް ކީޕަރަށާއި އެންމެ މޮޅު 5 ކުޅުންތެރިންގެ އިތުރުން ފެއާރ ޕްލޭ ކުޅުންތެރިޔާއަށް ޓްރޮފީ ދިނުމަށް ހަމަޖެހިފައިވާކަމަށްވެސް 'ތުއްކޮއިބޭ ފުޓްސެލް ޗެލެންޖް 2008'ގެ ހިންގާ ކޮމެޓީގެ ފަރާތުން ހުސެން ސަގީފް ހާމަކުރެއެވެ.

'ތުއްކޮއިބޭ ފުޓްސެލް ޗެލެންޖް 2008' އަކީ ވައިކަރަދޫގެ ޒުވާން ކުދިންތަކެއް އިސްނަގައިގެން ވައިކަރަދޫގައި 'ފުޓްސެލް'
ތައާރަފްކުރުމުގެ ގޮތުން ކުރިއަށްދާ މުބާރާތެކެވެ. މިމުބާރާތުގައި 21 އަހަރާއި 10 އަހަރާއި ދެމެދުގެ ކުދިންނަށް ބައިވެރިވެވޭ ގޮތަށް ހުޅުވާލާފައިވާއިރު މިމުބާރާތުގައި 7 ޓީމު ވަނީ ބައިވެރިވެފައެވެ.

'ތުއްކޮއިބޭ ފުޓްސެލް ޗެލެންޖް'ގައި އިސްކޮށް ހަރަކާތްތެރިވާ އަލީ އިބްރާހިމް ހާމަކުރައްވާ ގޮތުގައި 'މިއީ ފުޓްބޯޅައިގެ ހުނަރުތައް ޒުވާން ޖީލުތަކަށް ފޯރުކޮށްދީ އެކުޅިވަރަށްދޭ ސަމާލުކަން އިތުރުކުރުމާއި އެކުވެރިކަމާއި އެއްބައިވަންތަކަން އާލާކޮށް އެންމެން
ގުޅިގެން ކަންތައްތަކުގައި މަސްޢޫލުވެ އުޅުމުގެ ރޫޙު އާލާކުރުމާއި މިމުބާރާތުގައި ބައިވެރިވާ ކުދިންގެ އަޚްލާޤީ ފެންވަރަށް ހެޔޮބަދަލުތަކެއް ގެނެވިދާނެކަމުގެ އުއްމީދުގައި ކުރިއަށްދާ މުބާރާތެއް ކަމުގައެވެ.

'ތުއްކޮއިބޭ ފުޓްސެލް ޗެލެންޖް 2008' އަށް ވައިކަރަދޫގައި މީގެ ކުރިން ބާއްވާފައިވާ މުބާރާތްތަކަށް ނުލިބޭހާ ތަރުހީބު ލިބޭކަމަށް ވައިކަރަދޫން ހަބަރު ލިބެއެވެ. މިމުބާރާތް ކުރިއަށްދާނީ ވަރަށް ގިނަ ފަރާތްތަކެއް ސްޕޮންސާރ ގެ އެހީތެރިކަމުގެ ދަށުންކަމަށް މުބާރާތް ހިންގާ ޓީމުން ހާމަކުރެއެވެ.

ތުއްކޮއިބޭ ފުޓްސެލް ޗެލެންޖް 2008 ގެ ރަސްމީ ވެބްސައިޓް

2008-12-25T21:44:00.003+05:00

ވައްސޭގެ" ރީދޫ ކަޕް" ގެ ޗެންޕިއަންއަކީ ކޮބާ؟

ލިޔުނީ: މޫސާ ޙުސެއިން / މިހާސް

ލަންދޫގެ ތާރީޚްގައި އަމިއްލަ ފަރުދަކު ބާއްވާ އެންމެ އަގުބޮޑު މުބާރާތް ކަމުގައިވާ ވައްސޭގެ "ރީދޫކަޕް"ގެ ޗެންޕިއަންކަން ހޯދާނީ ކޮންޓީމެއްބާވައެވެ.
ފޯރިގަދަ "ލިޔެސް ހޮލިޑޭކަޕް" ގައި ވާދަކުރި ޓީމްތައް ވާދަކުރަމުންދާ "ރީދޫކަޕް" ގައިމިހާތަނަށް ހަތަރުމެޗް ކުޅުނުއިރު ކުޅުނު ދެމެޗްކާމިޔާބްކޮށް ޕަސަންޓްސްސުޕޯރޓްސް މިހާރު މިވަނީ ފައިންލްގެ އެއްޖާގަ ކަށަވަރު ކޮށްފައެވެ. ފައިންލްގެ އަނެއްޖާގައަށް ވާދަކުރަނީ ނިމިދިޔަ ލިޔެސްހޮލިޑޭކަޕްގެ ފައިންލްގައި ކުޅުނު ޗެމްޕިއަން އެފްސީ އޮކާޗީއާއި ރަނަރަޕް ކުލަބްޗެލެންޖާރސްއެވެ.

މިދެޓީމުން މިމުބާރާތުގައި މިހާތަނަށް ދައްކާފައިވާ ކުޅުމަށްބަލާއިރު ޕަސެންޓްސް ސްޕޯރޓްސްއާއި އެކުމިމުބާރާތުގެ ފައިންލްގައި ކުޅޭނެ ކަމަށް ބެލެވެނީ ލިޔެސް ހޮލިޑޭކަޕްގެ ޗެންޕިއަންޓީމް އެފްސީއޮކާޗީއެވެ.
ވައްސޭގެ "ރީދޫކަޕް" ގައިމިހާތަނަށް ކުޅުނު ހުރިހާކަމަކަށް ބަލާއިރު އެންމެ ރަނގަޅު ކުޅުމެއް ދައްކަމުން އަންނަނީ ލިޔެސްހޮލިޑޭކަޕް ފެށުނު އިރުއެންމެފުލަށް ދާނެ ކަމަށްބެލެވުނު ޕަސަންޓްސް ސްޕޯރޓްއެވެ. މިއަދުޕަސަންޓްސް ސްޕޯރޓްސްވަނީ އެޓީމްގެ ސްކޯޑް ރަނގަޅުކޮށް ކުޅުމުގެ ފެންވަރު އެހެންޓީމްތަކަށް ދައްކާލައިފައެވެ. މިޓީމްގައި އެންމެ ފާހަގަކޮށްލެވެނީ ކެނދިކޮޅު ނޫހްއާއި އާއި ސިމައްޓޭއާއި ކުޑަ އާތީއެވެ.
ވައްސޭގެ "ރީދޫކަޕް" ގައިވެސް އެންމެ ހައިރާން ކުރުވަނިވި ދަށްކުޅުމެއް ފެނިގެންދިޔައީ ލިޔެސްހޮލިޑޭކަޕް ފެށުނުއިރު ފެވަރިޓުންގެ ގޮތުގައިބެލެވި އެމުބާރާރުގެ ފުލަށްދިޔަ "ކުލަބް ވެލޯސިޓީއެވެ"ގެ ފަރާތުންނެވެ. ވެލޯސިޓީގެ ނާކާމިޔާބެއްކަމަށް ފާހަގަކުރެވިފައި ވަނީ ޓީމްގެތެރޭގައިވާ ދެބަސްވުންތަކެވެ. ވަރުގަޑަ ސުކޫޑެއް އޮތްނަމަވެސް ކޮންބިނެންސް ރަނގަޅުނޫންނަމަ ކާމިޔާބު ނުލިބޭނެކަން ވެލޯސިޓީއަށް މިހާރު އެގޭނެއެވެ.
ވައްސޭގެ "ރީދޫކަޕް" ގެ ޗެމްޕިއަންކަން ހޯދުން އެންމެ ގާތީ ޕަސަންޓްސް ސްޕޯރޓްސްއެވެ. އެއީ އެޓީމްމިހާރު ދައްކަމުން ދާކުޅުމަށާއި އަދި އެޓީމްގެ ތެރޭގައި ތަށިހޯދުމަށްޓަކައި އުފެދިފައިވާ ޖޯޝާއި ފޯރިއަށް ޓަކައެވެ. ނަމަވެސް ދެންއޮތް ދެޓީމަކީވެސް ( އެފްސީ އޮކާޗީ، އަދިކުލަބް ޗެލެންޖާރސް) ވަކި ދެރަޓީމްތަކެއް ނޫނެވެ.
ކަނޑައެޅިގެން ޗެމްޕިއަންޓީމެއް ދަންނަވަން އެގޭނީ ފައިނަލްމެޗް ކުޅެނިމަ ދޮގެއްތޯއެވެ.

2008-12-25T15:21:00.002+05:00

މާޅެންދޫސްކޫލްގެ ހެޑްމާސްޓަރގެ މައްސަލަތަކެއް މިނިސްޓްރީގެ ޓީމަކުން ބަލަނީ

ޚަބަރު: އަޙްމަދު ދާއޫދު

މާޅެންދޫސްކޫލްގެ ހެޑްމާސްޓަރ އަމްޖަދު އާއި މެދު ހިތްހަމަނުޖެހިގެން މާޅެންދޫގެ ގިނަބަޔަކު މިނިސްޓްރީއޮފް އެޑިޔުކޭޝަނުގައި ޝަކުވާކުރަމުންދާތީ އެމައްސަލަތައް ބެލުމަށްޓަކައި މިނިސްޓްރީއޮފް އެޑިޔުކޭޝަނުގެ ޓީމެއް މާޅެންދުއަށް އަތުވެއްޖެއެވެ.

އަމްޖަދު އަކީ ވޭތުވެދިޔަ ތިންއަހަރު މާޅެންދޫސްކޫލް ހިންގުމާއި ޙަވާލުވެހުންނެވި ލަންކާއިން ހެޑްމާސްޓަރ ޓްރޭނިންގ ކޯސްހައްދަވާފައިވާ ތަޢުލީމީ ޒުވާން ބޭފުޅެކެވެ.
"އަމްޖޭ ސްކޫލާއި ޙަވާލުވިފަހުން ސްކޫލްގެ އެއްވެސް ކަމެއް ރަގަޅަކަށްނުދޭ" މާޅެންދޫ ޒުވާނުންގެ ތެރެއިން އިސްބޭފުޅަކު ލަންދޫއިންފޯއަށް ފޯނުން މިއަދު މަޢުލޫމާތު ދެއްވަމުން ވިދާޅުވިއެވެ. އިތުރަށް އެބޭފުޅާ ވިދާޅުވީ ސްކޫލްގެ %95 ބެލެނިވެރިންވެސް މިހާރުބޭނުންވަނީ އަމްޖޭ ބަދަލުކުރާށެވެ. ސްކޫލް ހިންގުން ކޮންމެވެސް އެހެންބޭފުޅަކާ ޙަވާލުކުރާށެވެ.
މާޅެންދޫ ގިނަރައްޔިތުންތަކެއްގެ ތާއީދާއި އެކު އަމްޖޭ ސްކޫލް ހިންގުމާއި ޙަވާލުވެ އަދި އަމްޖޭގެ އަންހެނުންވެސް ސްކޫލްގެ ޓީޗަކަށް ބަދަލުވީ އިރު މާޅެންދޫގެ ތަޢުލީމީ ޙާލަތު އޮތީ މާއެދެވޭ ޙާލަތެއްގައިނޫންކަމަށް މިއަދުވެސް މާޅެންދޫގެ ގިނަބަޔަކު އެއްބަސްވާއިރު މިހާރު އަމްޖޭ ބޭނުންނުވަނީ ކީއްވެތޯ ކުރެވުނު ސުވާލަށް ޖަވާބުދެއްވަމުން މާޅެންދޫއިން މަޢުލޫމާތު ދެއްވި ބޭފުޅާ ވިދާޅުވީ އަމްޖޭ އަކީ ވަރަށްތަފާތު މިޒާޖެއްގެ ބޭފުޅެކެވެ. ޒުވާނުންގެ ފަރާތުން ކަމަކަށް އެދުނަސް އެއްވެސް ކަމަކަށް އަމްޖޭގެ ސައިޑުން ވެދިން އެއްވެސް އެހީތެރިކަމެއް ނޯންނާނެކަމަށެވެ. މިސާލަކަށް ޖަލްސާއެއް ، ފުޓްބޯޅަމެޗެއް އިންތިޒާމް ކޮށްފާ ޝަރަފްވެރިމެހްމާނަކަށް ވަޑައިގެންދެއްވުމަށް ދަޢުވަތު އެރުވިޔަސް އެއްވެސް ޖަވާބެއްނުދެއްވާ ކަމަށް ވެސް އެބޭފުޅާ މަޢުލޫމަތު ދެއްވިއެވެ.
މިނިސްޓްރީއޮފް އެޑިޔުކޭޝަނުގެ އެޑިޔުކޭޝަން ކޮލިޓީ އިމްޕްރޫމެންޓް ސެކްޝަނުން މާޅެންދުއަށް އަމްޖޭގެ މައްސަލަ ބައްލަވަން ދުރުވި ދެބޭފުޅުންގެ ޓީމުން މިދިޔަ އަންގާރަދުވަހު ވަނީ މާޅެންދޫ ސްކޫލްގެ ޓީޗަރުންނާއި ، އެސްއެމްޓީ އާއި، ދަރިވަރުންގެ ތެރެއިން ގިނަޢަދަދެއްގެ ކުދިންނާއި އަދި ރަށުގެ ކަމުވޮށިވެގެންވާ ބޭފުޅުންގެ ތެރެއިން ވަރަށް ގިނަބަޔަކާ ބައްދަލުކޮށް އަމްޖޭ އާއި ބެހޭގޮތުން މިނިސްޓްރީ އަށް ހުށަހެޅިފައިވާ މައްސަލަތަކާއި ބެހޭގޮތުން ސުވާލުކޮށް ހައްދަވާފައެވެ.

2008-12-25T15:17:00.003+05:00

މާފަރުސްކޫލްގެމައްސަލަތަކެއް ބައްލަވަން މިނިސްޓްރީގެ ޓީމަކުން އެރަށަށް އިއްޔެ އަތުވެއްޖެ

ޚަބަރު : އަޙްމަދު ދާއޫދު

މާފަރުސްކޫލްގެ ސްޕަވައިޒަރ ޙަސަން އިބްރާހީމް އާއިމެދު މާފަރު ބަޔަކު ހިތްހަމަނުޖެހިގެން މިނިސްޓްރީއޮފް އެޑިޔުކޭޝަނުގައި ޝަކުވާ ކުރަމުން ދާތާ ދުވަސްގަނޑެއްވެއްޖެކަމަށް ލަންދޫއިންފޯއަށް މަޢުލޫމާތުލިބިފައިވެއެވެ. "2007 ވަނައަހަރުން ފެށިގެން އެޝަކުވާތަކެއް އެމީހުން ކުރަމުން އެބަދޭ" މާފަރު ސްކޫލްގެ އިސްބޭފުޅަކު ވިދާޅުވިއެވެ .

ލަންދޫއިންފޯއަށް މަޢުލޫމާތު ލިބިފައިވާ ގޮތުގައި މާފަރު ސްކޫލް މިހާރު ހިންގުމާއި ޙަވާލުވެހުންނެވި ސްޕަވައިޒަރ އަލްފާޟިލް ޙަސަން އިބްރާހީމް މާފަރު ސްކޫލަށް ޚިދުމަތް ކުރައްވާތާ މިހާރުމީ 16 ވަނައަހަރެވެ. ވޭތުވެދިޔަ އަހަރުތަކުގައި އަލްފާޟިލް ޙަސަން އިބްރާހީމް އެސްކޫލްގައި މަސައްކަތްކުރައްވާފައިވަނީ ސްކޫލްގެ ސީނިއަރ މެނޭޖްމެންޓްގެ ލެވަލުގައެވެ.
އަލްފާޟިލް ޙަސަން އިބްރާހީމާއި ބެހޭގޮތުން މިނިސްޓްރީއަށް ހުށަހެޅިފައިވާ މައްސަލަތަކުގެ ތެރޭގައި އިސްވެރިއެއްގެ ގޮތުގައި ހުންނަވައިގެން މުވައްޒަފުންނާއި މެދު މުޢާމަލާތު ކުރެއްވުމުގައި އަމިއްލަގޮތް ބަހައްޓަވާ މާހަރުކަށި އުޞޫލްތަކެއް ގެންގުޅުއްވާ ކަމަށާއި، ސްކޫލްކުދިންގެ އަޚްލާޤީމައްސަލަތަކާއި މެދު ސްކޫލުން އެކަށީގެންވާ ގޮތެއްގައި އަޅައިނުލާ ކަމުގެ ވާހަކައާއި، ދަރިވަރުންގެ ތަޢުލީމީފެންވަރު އެއްދުވަހުން އަނެއްދުވަހަށް ދައްވަމުންދާކަމުގެ ޝަކުވާއާއި، އަދި ދަރިވަރަކާމެދު ބަދުއަޚްލާޤީމައްސަލައެއް ވެސް ހަސަނަށް ނިސްބަތް ކޮށް މިނިސްޓްރީގައި ޝަކުވާ އުފުލާފައިވާކަމަށް ލަންދޫއިންފޯއަށް މައުލޫމާތު ލިބިފައިވެއެވެ.
މިނިސްޓްރީއޮފް އެޑިޔުކޭޝަނުގެ އެޑިޔުކޭޝަން އެންޑް ކޮލިޓީ އިމްޕްރޫމެންޓް ސެކްޝަނުން މާފަރަށް ޙަސަންގެ މައްސަލަ ބައްލަވަން ދުރުވި ދެބޭފުޅުންގެ ޓީމުން އިއްޔެ ވަނީ މާފަރު ސްކޫލްގެ ޓީޗަރުންނާއި ، އެސްއެމްޓީ އާއި، ދަރިވަރުންގެ ތެރެއިން ގިނަޢަދަދެއްގެ ކުދިންނާއި އަދި ރަށުގެ ކަމުވޮށިވެގެންވާ ބޭފުޅުންގެ ތެރެއިން ވަރަށް ގިނަބަޔަކާ ބައްދަލުކޮށް ޙަސަން އާއި ބެހޭގޮތުން މިނިސްޓްރީ އަށް ހުށަހެޅިފައިވާ މައްސަލަތަކާއި ބެހޭގޮތުން ސުވާލުކޮށް ހައްދަވާފައެވެ.

2008-12-24T22:59:00.003+05:00

ނ.އަތޮޅުގެ ކައުންސިލަރ އަލްފާޟިލް މުޙައްމަދު ފަހީމް ލަންދުއަށް ވަޑައިގަންނަވައިފި

ނ.އަތޮޅު އޮފީސް ހިންގެވުމާއި އަލަށް ޙަވާލުވެލެއްވި ނ.އަތޮޅުގެ ކައުންސިލަރ އަލްފާޟިލް މުހައްމަދު ފަހީމް މިއަދު ހަވީރު ގެ ވަގުތެއްގައި ލަންދުއަށް ވަޑައިގެންފިއެވެ. ނ.އަތޮޅުއޮފީސް ހިންގުމާއި ހަވާލުވެލެއްވުމަށް ފަހު ފަހީމް އެންމެފުރަތަމަވެސް މިވަޑައިގަތީ ލަންދުއަށް ކަމަށް މަޢުލޫމާތުލިބިފައިވެއެވެ.

މިދަތުރުފުޅުގައި ނ.އަތޮޅވެރިޔާގެ މުޢާވިން އަލްފާޟިލް ޢަބުދުﷲ ޢަބުދުލްވާހިދާއި ، ނ.އަތޮޅުވެރިޔާގެ އިސްއެހީތެރިޔާ އަލްފާޟިލް ސައީދު އިބްރާހީމާއި، ނ.އަތޮޅުހޮސްޕިޓަލްގެ މެނޭޖަރ އަލްފާޟިލް އިބްރާހީމް ރަޝީދާއި، އަދި ނ.އަތޮޅުއޮފީހުގެ އިސްބައެއްމުވައްޒަފުން ފަހީމު އަރިހުގައި ލަންދުއަށް މިއަދު ވަޑައިގެންނެވިއެވެ.
ނ.އަތޮޅުގެ ކައުންސިލަރ އަލްފާޟިލް މުޙައްމަދު ފަހީމް މިއަދު ލަންދުއަށް މިވަޑައިގަތީ ލަންދޫގެ އިސްވެރިންނާއި ލަންދޫގެ ދެ ކޮމެޓީގެ ބޭފުޅުންނާއި ލަންދޫގެ ކަމުވޮށިވެގެންވާ ބޭފުޅުންނާއި ބައްދަލުކުރައްވާ މިހާރުންމިހާރަށް ލަންދުއަށް ބޭނުވެފައިވަނީކޮންކޮން ކަންތައްތަކެއްތޯ ބައްލަވާ ލެއްވުމަށާއި ، އާސަރުކާރުގެ ދަށުން އަތޮޅުގެ ކަންތައް ހިނގަމުންދާނެގޮތް ރައްޔިތުންނަށްއޮޅުންފިލުއްވައިދެއްވާ ރަށުގެ ޢާއްމުޙާލަތު ބައްލަވާ ލައްވަން ކަމަށް ފަހީމް ވިދާޅުވިއެވެ. އަދި މިދަތުރު ފުޅުގައި އެމަނިކުފާނަށް ވަގުތުންވަގުތައް ހަމަޖައްސަަވައިދެއްވެން ކަމެއްހުރިނަމަ އެކަމެއް ހަމަޖައްސަވައިދެއްވާނެކަމަށްވެސް ދެ ކޮމިޓީއާއި ބައްދަލުކުރައްވަމުން އެމަނިކުފާނުވިދާޅުވިއެވެ.
ރަށުގެ ރކ.ކޮމިޓީއާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީއާއި ، ދެކޮމެޓީ އެއްކޮށް ލަންދޫ "ކަމަނާވެހި" ގައި ބޭއްވި މިބައްދަލުވުމުގައި ރަށަށް މިވަގުތަށް ބޭނުންވެފައިވާ މުހިއްމު 12 ކަމެއް އަތޮޅު ގެ އެންމެއިސްވެރިޔާ އަލްފާޟިލް މުޙައްމަދު ފަހީމަށް ލަންދޫރައްޔިތުންގެ ފަރާތުން ހުށަހެޅިގެންދިޔައެވެ. އޭގެ ތެރޭގައި ނަރުދަމާނިޒާމެއް ގެ ވާހަކައާއި، ފަޅުބޮޑުކުރަންބޭނުންވާ ކަމާއި، ކަރަންޓް ކޭބަލްނެޓްވާރކް ބައުވެ ހަލާކުވެފައިވާތީ ބަދަލުކުރަންބޭނުންވާ ވާހަކައާއި، ރަށުގެ ސިއްޙީމަރުކަޒުން ލެބޯޓްރީގެ ޚިދުމަތް ނުލިބޭތީ އެކަންބޭނުންވާ ވާހަކައާއި، ރަށުންޑޮކްޓަރީބޭސް ލިބުމުގައި ދަތިތަކެއް ކުރިމަތިވާތީ އެކަންހައްލުކުރަން ބޭނުންވާ ވާހަކައާއި ، މިވަތު ރަށުންގޯތިހޯދުމަށް އެދިފައިވާ 60 މީހުންނަށް ގޯތި ދޫކޮށްދެއްވުން އެދޭކަމަށް ވެސް މިހުށަހެޅުނު ކަންތައް ތަކުގެ ތެރޭގައި ހިމެނެއެވެ.
މިކަންތައްތައް ހުށަހެޅުމުން ފަހީމް ވިދާޅުވީ ހުށަހެޅިފައިވާ ހުރިހާކަމަކީވެސް ވަގުތުން ވަގުތަށް ނިންމައިދެވެން ހުރިކަންތައްތައް ނޫން ކަމުން އެކަންކަން ރައްޔިތުންނަށް ފުއްދަވައިދެއްވުމަށް އެމަނިކުފާނަށް ކުރެވެންހުރި ހުރިހާކަމެއް ވަރަށްއަވަހަށް ކޮށްދެއްވާނެކަމަށެވެ.
މިބައްދަލުކޮށްލެއްވުމުގައި ވާހަކަފުޅުދައްކަވަމުން ފަހީމު އިތުރަށް ވިދާޅުވީ އެމަނިކުފާނު އަތޮޅުގެ އެންމެ އިސްވެރިޔާގެ މަޤާމާއި މިޙަވާލުވީ އަދުގެ ސަރުކާރުން އެމަނިކުފާނާއި އެކަން ހަވާލުކުރައްވާ ފޮނުއްވެވީމާ ކަމަށެވެ. މިމަޤާމަށް އެންމެއަކަށީގެންވާ ބޭފުޅަކީ އެމަނިކުފާނު ކަމުގައި އެމަނިކުފާނު ދެކިނުލައްވާ ކަމަށާއި ، ނަމަވެސް މިވަގުތަށް ﷲ ތަޢާލާ ގެ މިންވަރުފުޅުން މިމަޤާމަށް އެމަނިކުފާނު ހަމަޖެހިފައިވާތީ އަތޮޅަށް ވަޑައިގެންނެވީކަމަށް ވިދާޅުވަމުން އަތޮޅުގައި ތިއްބެވި ތަޢުލީމީ ޤާބިލް ހުނަރުވެރި ފަންނީ މޮޅު ބޭފުޅުން އެމަނިކުފާނާ އެއްބާރުލައްވާ އަތޮޅުގެ ކަންތައްތައް ކުރިއެރުވުމަށް އެންމެންއެކުގައިމަސައްކަތް ކޮށްދެއްވުމަށް އަލްފާޟިލް މުޙައްމަދު ފަހީމް އެދިވަޑައިގެންނެވިއެވެ.
މިދަތުރުފުޅުނިންމަވާލައްވާ އެމަނިކުފާނު މަނަދުއަށް ވަޑައިގެންނެވީ ދާދި އިރުއޮއްސިދާން އުޅެނިކޮށެވެ.

2008-12-24T22:52:00.004+05:00

ބޮޑުގޮންޖެހުމެއް

ލިޔުނީ:މޫސާ ޙުސެއިން / މިހާސް

މިއަންނައަހަރުގެ ދިރާސީ އަހަރުގެ ކިޔެވުމާއިލަންދޫސްކޫލުން ކުރިމަތިލާނީ ވަރަށް އައު ގިނަކަންތައްތަކަކާއި އެކުގައެވެ. މިގޮތުން އެންެމެމުހިއްމުގޮތެއްގައި ފާހަގަކޮށްލަންޖެހެނީ މިހާތަނަށްލަންދޫއިން ދެވެމުންއައި ތަޢުލީމުގެ ފެންވަރުކަމުނުގޮސްގެން މާލެއަށްހިޖުރަކުރި ހުރިހާޢާއިލާތަކެއްގެ ކުދިންކަހަލަގޮތަކަށް އަންނައަހަރު ނިކުންނާނީ ލަންދޫސްކޫލްގެ ޔުނީފޯމުގައި ކަމެވެ.

މާލޭސްކޫލްތަކުގައި އުޅެފައިވާދަރިވަރުންތަކެއް ރާއްޖެތެރޭރަށެއްގެ ސްކޫލަކަށްކިޔަވަން ނުކުތުމަކީ އެސްކޫލަކަށްދިމާވާނެވަރަށްބޮޑުގޮންޖެހުމެކެވެ.
މާލޭގެ ސްކޫލްތަކުގައި ކިޔަވަމުންދާ ދަރިވަރުންނަށް ރާއްޖެތެރޭގެ ސްކޫލްތަކުން ދެވޭތަޢުލީމަށްވުރެ ފެންވަރު ރަނގަޅުތަޢުލީމެއްދެވޭކަމީ މިއަދުވެސް އަޅުގަނޑުމެން ޤަބޫލުކުރާޙަޤީޤަތެކެވެ. ހަމަމިއާއި އެކުއެކީގައި މާލޭގެ ސްކޫލްތަކުން ކިޔަވަމުންދާ ދަރިވަރުންގެ އަޚްލާޤަކީ ރާއްޖެތެރޭގެ ސްކޫލަކުން ކިޔަވަމުންދާދަރިވަރުންނަށް ވުރެދަށުގައިވާ އެއްޗެއްކަންވެސް އަޅުގަނޑުމެން ޤަބޫލުކުރަންޖެހެއެވެ.
މިހެންމިކަންއޮތުމާއި އެކު މާލޭގެ ސްކޫލްތަކުގައި ކިޔަވަންއުޅެފައިވާ އެތައްދަރިވަރުންތަކެއް އެއްފަހަރާއި ސްކޫލާއިގުޅުންމިއީ މިފަހަރުލަންދޫސްކޫލަށް ކުރިމަތިވާނޭ ވަރަށްބޮޑުގޮންޖެހުމެކެވެ.
ލަންދޫސްކޫލަށް މިހާތަނަށްލިބިފައިވާނަމަ ލިބިފައިވާ ކާމިޔާބެއްގެ ސިއްރަކީ ލަންދޫސްކޫލް ކުދިންގެ ރިވެތިއަޚްލާޤާއި ސްލޫކެވެ. މިކަންދެމެހެއްޓުމަށް ބެލެނިވެރިން ގަދައަޅާ ކުރިމަސައްކަތެވެ. މިކަމުގައި މުޖުތަމަޢުއިން ލިބިފައިވާ އެއްބާރުލުމާއި ފުރިހަމަސަޕޯޓެވެ.
މިއަންނައަހަރުގެ ދިރާސީ އަހަރުގެ ކިޔެވުންފެށެންވާއިރަށް އެކިއެކިސްކޫލްތަކުގައި ކިޔަވަން އުޅުމަށްފަހު އަލަށްސްކޫލާއިގުޅުނު ދަރިވަރުންނާއި ބެލެވެރިން ނަށް ލަންދޫސްކޫލްގެ ކަންތައްތައް އޮޅުންފިލުވައިދިނުމަށް ބައްދަލުވުންތަކެއް ބޭއްވިއްޖެނަމަ މިކަމުން ސްކޫލަށް ދިމާވާނެގޮންޖެހުންތައް ކުޑަވެގެންދާނެކަމަށް އަޅުގަނޑުދެކެމެވެ.
ގްރޭޑް 1 ން ފެށިގެން 9 އާއި ހިސާބަށް ކޮމާންޑެޑް ރިޕޯޓާއި އެކު އޭ ރިޕޯޓާއި އެކު ދަރިވަރުންކޮޅެއް އަންނައަހަރު ގްރޭޑް 10 ގައި ކިޔަވަމުންދާނެކަމީ އަންނައަހަރަކީ ބައިނަލް އަޤްވާމީ ޓެސްޓްތަކަކުން ލަންދޫސްކޫލް ރަގަޅުކާމިޔާބެއް ހޯދާނެކަމަށް ކުރެވޭއުންމީދެވެ.
މިއުންމީދުޙާސިލް ކުރެވޭނީ ސްކޫލަށްދިމާވާ ހުރިހާގޮންޖެހުމެއް އެންމެފުރިހަމައަށް ހައްލުކުރެވިގެންނެވެ.

2008-12-24T11:46:00.001+05:00

އެފްސީ އޮކާޗީއަށް ޗެމްޕިއަންކަންލިބުމުގެ އުފަލުގައި ޕާޓީއެއްދީފި

ނިމިގެދިޔަ ލިޔެސްހޮލިޑޭކަޕްގެ ޗެމްޕިއަންކަން އެފްސީ އޮކާޗީއަށް ލިބުމުގެ އުފަލުގައި ވަރަށްފުރިހަމަ ޕާޓީއެއް އެކްލަބުގެ ފަރާތުން އެކްލަބުގެ ހުރިހާމެމްބަރުންނަށާއި ، ލިޔެސް ހޮލިޑޭކަޕްގައި ބައިވެރިވި އެހެންޓީމްތަކުގެ އިސްބޭފުޅުންނަށާއި، ރަށުގެ ކަމުވޮށިވެގެންވާ މީހުންނަށާއި ، އޮކާޗީއަށް ހެޔޮއެދޭ ފަރާތްތަކަށް ރޭ ދީފިއެވެ.

ޕާޓީފެށިގެންދިޔައީ އޮކާޗީގެ ލޯގޯ ސިފަވެގެންދާނެގޮތުން ތައްޔާރުކުރެވިފައިވާ އަލިފާނުގެ ދައްކާލުމުކުންނެވެ. މިއައިޓަމްވެގެންދިޔައީ ޕާޓީއަށް ޙާޒިރުވެތިބި ގިނަބެއްގެ ހައިރާކަން ގެނެވުވި އައިޓަމެކެވެ. ޓީމުގެ މެނޭޖަރ އަބުދުﷲ ސާމީ ގެ އައިޑިއަރ އަށް ތައްޔާރު ކުރެވިފައިވާ މިލޯގޯގެ ހުޅުކޮޅުތައް ޕާޓީނިމެންދެން ނުނިވި ހުރިކަމަށް ޕާޓީނިމެންދެން ޕާޓީގައި އެތާނގައި އުޅުނު ބައެއްމީހުންބުނެއެވެ.
ކާނެވަރަކަށް ކާނެ ކުކުޅާއި ، ނޫޑުލްސް އަދި ސްޕެގެޓީއާއި ، ދެވައްތަރެއްގެ ޑެސަރޓްސް އެކުލެވޭ ގޮތުން ތައްޔާރުކުރެވިފައިވާ މިޕާޓީ އިންތިޒާމްކުރީ އެކްލަބުގެ ފަރާތުން އަމިލަފަރާތަކާއި ކޮންޓްރެކްޓް އުސޫލުންޙަވާލުކޮށްގެންކަމަށް އެފްސީއޮކާޗީން މަޢުލޫމާތު ދެއްވިއެވެ.
އެފްސީ އޮކަޗީގެ އަމާޒަކީ ރީނދޫކަޕް 2008 ގެވެސް ޗެމްޕިއަންކަން ހޯދުމެވެ. މިމުބާރާތުގައި އޮކާޗީންވަނީ މިހާތަނަށްވަނީ 2 މެޗްކުޅެ 3 ޕޮއިންޓްބަޔަށް ހޯދާފައެވެ.

2008-12-23T22:31:00.004+05:00

އޮކާޗީ އާއި ވެލޯސިޓީ ބައްދަލުކުރިމެޗް 2-0 ން އޮކާޗީ ކާމިޔާބުކޮށްފި

ލަންދޫގައި މިހާރު ހިގަމުންދާ ރީނދޫކަޕް 2008 ގެ ތިންވަނަ މެޗްގައި އެފްސީ އޮކާޗީއާއި ކްލަބު ވެލޯސިޓީ ބައްދަލުކޮށް 2-0 ން އޮކާޗީ މިމެޗް ކާމިޔާބުކޮށްފިއެވެ. މިދެޓީމްވެސް ފުރަތަމަ ކުޅުމެޗުން ކޮންމެ ޓީމެއްވެސް ބަލިވެފައިވަނީކޮށް ބައްދަލުކުރި މިމެޗުން ވެލޯސިޓީ ބަލިވުމުން މުބާރާތުގެ ފައިނަލަށް ދިޔުމުގެ ދޮރު ގާތްގަޑަކަށް ވެލޯސިޓީއަށް މިވަނީ ބަންދުވެފައެވެ. ސަބަބަކީ މިމުބާރާތުގައި ބައިވެރިވި އަނެއް ތިންޓީމުން ކޮންމެޓީމެއް ވަނީ 3 ޕޮއިންޓް ހޯދާފައެވެ.

މިއަދު ކުޅެވުނު މިމެޗްގެ ފުރަތަމަގޯލް އޮކާޗީއަށް ކާމިޔާބު ކޮށްދިނީ ލިޔެސްހޮލިޑޭ ކަޕް ގެ ފެއަރޕްލޭ ކުޅުންތެރިޔާގެ މަޤާމްހޯދާފައިވާ އެފްސީ އޮކާޗީގެ ޖަރޒީ ނަމްބަރ 08 އިސްމާއީލް އިބްރާހިމް އެވެ. ފުރަތަމަ ހާފްގެ 22 ވަނަމިޓްގައި ޖަހައިދިން މިލަނޑާއި އެކު ވެލޯސިޓީއިންވެސް ކުޅުން ތަންކޮޅެއް ރަގަޅުކުރިތަން ފެނިގެންދިޔައެވެ. ނަމަވެސް ފުރަތަމަ ހާފް ނިމުނު އިރުވެސް ނަތީޖާ އޮތީ 1-0 ން އޮކާޗީ ކުރީގައެވެ. މެޗްގެ ދެވަނަލަނޑު އޮކާޗީއަށް ފަހުހާފްގެ 46 ވަނަމިޓްގައި ( މެޗް ނިމިނިމިއިންދާ ) އޮކާޗީއަށް ކާމިޔާބުކޮށްދިނީ ވެލޯސިޓީގެ ކީޕަރ ފުޖްމޯރީގެ މިސްޓޭކަކުން ލިބުނު ޗާންސަކުން އެފްސީ އޮކާޗީގެ ޖަރޒީނަމްބަރ 05 ހުސެއިން ޖަވާދު ( ޖަވާ ) އެވެ. ޖަވާއަކީ ވޭތުވެދިޔަ ލިޔެސް ހޮލިޑޭ ކަޕްގެ އެންމެމޮޅުކުޅުން ތެރިޔާގެ މަޤާމް ވެސް ހޯދާފައިވާ ކުޅުންތެރިޔާއެވެ.
އެފްއޭއެމްގެ ރެފްރީ ލަންދޫ ބޮކަރުމާގެ އަލްފާޟިލް އިބްރާހީމް މުޙައްމަދު ރެފްރީކަން ކޮށްދެއްވި މިމެޗްގެ މޭންއޮފްދަ މެޗް މަޤާމް ހޯދީ އެފްސީ އޮކާޗީގެ ޖަރޒީނަމްބަރ 07 ޔޫސުފް އަބުދުއްރަޙީމް ( ޔޫއްޓޭ ) އެވެ.
ރީނދޫކަޕްގައި އަދިމިހާތަނަށް ފެނިގެންދިޔަ އެންމެގިނަކާޑުވެސް ފެނިގެންދިޔައީ މިމެޗްގައެވެ. އެފްސީ އޮކާޗީގެ ޖަރޒީނަމްބަރ 18 މުހައްމަދު އަޙްމަދު ( ހިންމަފުށިމޯޑު ) އަށާއި، ހަމަ އެޓީމުގެ ޖަރޒީނަމްބަރ 09 ވަސީމު އަށާއި، 17 ޝަހީމް އަށް ވެސް ރީނދޫކާޑު ދައްކާފައިވެއެވެ. އަދި ހަމަ އެފްސީ އޮކާޗީ ގެ މެނޭޖަރ ޢަބުދުއްރައްޒާޤަށް ވެސް އެޓީމުގެ ބެންޗްގައި އިންދާ ރީދޫކާޑެއްދަކާފއިވެއެވެ.
ހަމަ އެފަދައިން ކްލަބު ވެލޯސިޓީގެ ޖަރޒީނަމްބަރ 11 ޙަސަން ޒަރީރަށާއި، އެޓީމްގެ ޝަހީމު އިބްރާހީމް ( ބެއްރޭ ) އަށްވެސް މިމެޗްގައި ރީދޫ ކާޑުދައްކާފައިވެއެވެ.
މިމުބާރާތުގައި މާދަމާ ބައްދަލުކުރާނީ ޕަސަންޓް ސްޕޯޓްސް ކްލަބާއި ކްލަބު ޗެލެންޖާރސްއެވެ.

2008-12-22T22:09:00.004+05:00

ޗެލެންޖާރސް ވެލޯސިޓީ ގެ މައްޗަށް ކުރިހޯދައިފި

ރީނދޫކަޕް 2008 ގެ ދެވަނަމެޗްގައި ކްލަބު ޗެލެންޖާރސް އާއި ކްލަބު ވެލޯސިޓީ ބައްދަލުކުރި މުބާރާތުގެ ދެނަމެޗް 2-1 ން ޗެލެންޖާރސް ކާމިޔާބުކޮށްފިއެވެ. ފުރަތަމަހާފް ގައި ވެލޯސިޓީގެ ޖަރޒީނަމްބަރ 5 ނަސުރުﷲ ޖަހައިދިން ގޯލަކުން ވެލޯސިޓީ މޮޅުވެފައިވަނިކޮށް މެޗްގެ ދެވަނަހާފްގައި ޖެހިޖެހިގެންކަހަލަގޮތަކަށް ފަހަތުން އަރާ ޗެލެންޖަރސްގެ 2 ލަނޑުވެސް ބަޔަށް ކާމިޔާބުކޮށްދިނީ ޗެލެންޖާރސްގެ ޖަރޒީނަމްބަރ 77 ނައުޝާދު ޢަބުދުއްރަހީމް ( ނާގެ ) އެވެ.

މިމެޗްގެ މޮޅުކުޅުންތެރިޔާގެ މަޤާމް ހޯދީވެސް ދެލަނޑުޖަހައިދިން ނާގެ އެވެ. މޭން އޮފްދަމެޗްގެ އިނާމް ދެއްވީ ލަންދޫގެ ފުޓްބޯޅައިގައި ކުރިން އަގުހުރި ޚިދުމަތްތަކެއް ކޮށްދެއްވާފައިވާ ބޭފުޅެއްކަމުގައިވާ ލަންދޫސްކޫލްގެ އެސިސްޓެންޓް ހެޑްމާސްޓަރ އަލްފާޟިލް ޢަބުދުﷲ ޢާމިރެވެ.
މިމެޗްގެ ރެފްރީއަކީ އެފްއޭއެމް ގެ ރެފްރީ ލަންދޫ ބޮކަރުމާގެ އަލްފާޟިލް އިބްރާހީމް މުޙައްމަދު ( ފިއްޓޭ ) އެވެ.
މިމުބާރާތުގައި މާދަމާ ބައްދަލުކުރާނީ ވެލޯސިޓީ އާއި އެފްސީ އޮކާޗީއެވެ.

2008-12-22T22:00:00.003+05:00

މިފަހަރުގެ ލިޔެސް ހޮލޑޭކަޕްގެތަރިން

ލިޔުނީ:މޫސާ ޙުސެއިން / މިހާސް

މިފަހަރުގެ ލިޔެސް ހޮލިޑޭކަޕް ވެގެންމިދިޔައީ ކުރިންވެސްހީކުރިފަދައިން ގިނަކުޅުންތެރިންތަކެއްގެ ހުނަރުވެރި މޮޅުކުޅުން ފެނިގެންދިޔަ މުބާރާތެއްގެ ގޮތުގައެވެ. ކުރިންލަފާކޮށްލަން ނޭންގުނު ނުވަތަ މީގެކުރިންމާބޮޑަށް ފާހަގަނުކުރެވޭ އެތައްކުޅުންތެރިންގެ މޮޅުކުޅުން ފެނިގެންދިޔަމުބާރާތެއްގެ ގޮތުގައެވެ.

މުބާރާތުގެ އެންމެމޮޅުކުޅުންތެރިޔާގެ މަޤާމް މުބާރާތުގައި ޖަޖުކަންކުރިފަރާތުން ޖަވާއަށް ދިންނަމަވެސް މުބާރާތުގެ ބެލުންތެރިންގެ %95 މިފަހަރުވެސް މޮޅުކުޅުންތެރިއަކަށް ހޮވަނީ ޔޫއްޓޭއެވެ. މިލިސްޓްގެ ދެވަނައިގައިވަނީ ޔޫއްޓޭގެ ކޮއްކޮ ނާގޭ އެވެ. ލިޔެސްހޮލިޑޭކަޕް ފުޓްބޯޅަމުބާރާތުގެ ބެލުންތެރިން ނަޒަރުގައި މުބާރާތުގެ އެންމެމޮޅުގޯލްކީޕަރަކީ މުބާރާތުގައި އާދަޔާއި ޚިލާފުސޭވްތަކެއްކުރި އޮކާޗީގެ ކީޕަރު މުޙައްމަދު ވަސީމް ( ވައްސޭ ) އެވެ. ޑިފެންސަކީ އޮކާޗީގެ މައިތަނބު ޢަލީދާއޫދެވެ. މުބާރާތުގައި އަރިމަތިން ކުޅުނު ކުޅުންތެރިންގެ ތެރެއިން ބެލުންތެރިންގެ ނަޒަރުގައި އެންމެފާހަގަވެގެންދިޔަ ކުޅުންތެރިއަކީ ޕަސަންޓްގެ ޒުވާންކުޅުންތެރިޔާ އަޙްމަދު އާތިފް ( ކުޑައާތީ ) އާއި ކްލަބު ޗެލެންޖާރސްގެ ޒުވާންކުޅުންތެރިޔާ އަހްމަދު ޝިމާލު (ސިމައްޓޭ) އެވެ. ޑިފެންސިވް މިޑްފީލްޑަކަށް މިފަހަރު އެންމެމޮޅުކުޅުންތެރިއަކަށް ފާހަގަވެގެންދިޔައީ އެފްސީ އޮކާޗީގެ މުޙައްމަދު އަޙްމަދު (ރޯމާމޯޑް) އެވެ. އެޓޭކިންގ މިޑްފީލްޑަކަށް ފާހަގަވެގެންދިޔައީ ކުރިންވެސް މިމަޤާމަށް މޮޅަށް ކުޅޭނެކަމަށް ބެލެވުނު ނައުޝާދު ޢަބުދުއްރަޙީމް(ނާގޭ)އެވެ.
މިފަހަރު ލިޔެސްހޮލިޑޭކަޕް ގެ އެނެމެމޮޅު ފޯވާޑުންގެ ގޮތުގައި ބެލުންތެރިން ހޮވަނީ އެފްސީ އޮކާޗީގެ ޙުސެއިން ޖަވާދު ސ( ޖަވާ ) އާއި ކްލަބު ޗެލެންޖަރސްގެ ގުރައިދޫފޯވާޑު ރައޫފެވެ. މީގެ އިތުރުން މިމުބާރާތުގައި އާދަޔާޚިލާފު ހުނަރުވެރިކަމެއްދެއްކި ކުޅުންތެރިންގެ ގޮތުގައި ބެލުންތެރިން ފާހަގަކުރަނީ އެފްސީ އޮކާޗީގެ ޝަހިންޓޭ، ޕަސަންޓް ސްޕޯޓްސް ގެ ކެނދިކޮޅު ނޫހު އަދި ވެލޯސިޓީގެ ކައްޓި އެވެ.
ބެލުންތެރިންގެ ނަޒަރުގައި އެންމެމޮޅުކޯޗަކީ އެފްސީ އޮކާޗީގެ ކޯޗް ރެޓޭ އެވެ. އަދި މެނޭޖަރަކީ އެފްސީ އޮކާޗީގެ މެނޭޖަރ ޢަބުދުއްރައްޒާޤެވެ. ފަސްޓްއެއިޑަކީ އެފްސީ ޗެލެންޖާރސްގެ ޢަބުދުﷲ ޙަނީފެވެ
މިއީ މިބްލޮގްގެފަރާތުން ލިޔެސްހޮލިޑޭކަޕްގެ ބެލުންތެރިންގެ ތެރެއިން ފުޓްބޯޅައަކީ ކޮންއެއްޗެއްކަން ރަގަޅަށްދަންނަ ބައެއްފަރާތްތަކާއި ކުރެވިފައިވާ ސާރވޭއެއްގެ ނަތީޖާއެވެ.

2008-12-22T21:48:00.004+05:00

އެންމެއަގުބޮޑުމުބާރާތް

ލިޔުނީ : މޫސާ ޙުސެއިން / މިހާސް

ލަންދޫގެ ތާރީޚްގައި އަމިއްލަފަރާތަކުން

ޚަރަދުކޮށްގެން އަމިއްލައަށް އިންތިޒާމްކޮށްގެން މިހާތަނަށް ބޭއްވޭ އެންމެއަގުބޮޑުމުބާރާތް އިއްޔެ ފެށިއްޖެއެވެ.
ނިމިގެންދިޔަ ފޯރިގަދަ ލިޔެސް ހޮލިޑޭކަޕް ފުޓްބޯޅަމުބާރާތުގައި ވާދަކުރިހަތަރު ޓީމް ވާދަކުރާ މިމުބާރާތް ހުޅުވައިދިނުމުގެ ގޮތުން އިއްޔެ ބައްދަލުކުރީ ލިޔެސް ހޮލިޑޭކަޕްގެ ޗެމްޕިއަން އެފްސީ އޮކާޗީއާއި، ހޮލިޑޭކަޕްގެ 3 ވަނަޓީމް ޕަސަންޓް ސްޕޯޓްސްއެވެ.

މިމެޗް 2-0 ން ކާމިޔާބުކުރީ ޕަސަންޓް ސްޕޯޓްސް ގެ 2 ލަނޑުވެސް ޖަހައިދީ މެޗް މޮޅުކުޅުންތެރިޔާގެ މަޤާމް ހޯދީ ޕަސަންޓަށް ކުޅެމުން އަންނަ ކެނދިކޮޅުގެ 1 ނަމްބަރ ފޯވާޑް ސިމައްޓޭއެވެ.
ވައްސޭގެ ރީނދޫކަޕް 2008 ގެނަމުގައި ބޭއްވޭ މިމުބާރާތަށް ޓަކައި ޓީމްތަކުން ވަނީ ވަރަށްބޮޑަށް ވަރަށްފުރިހަމައަށް ތައްޔާރުވެފައެވެ. ޚާއްޞަކޮށް ލިޔެސް ހޮލިޑޭކަޕުން ނާކާމިޔާބުވި ޓީމްތައް ފާހަގަކޮށްލަން ޖެހެއެވެ.
ރީނދޫކަޕް 2008 ގެ އެންމެމޮޅުކުޅުންތެރިއަކަށް އެންމެޒަމާނީ ޓްރޮފީއަކާއިއެކު -/500ރ. ހުށަހެޅިފައިވާ އރިު އެންމެގިނަގޯލްޖަހާ ކުޅުންތެރިއަކަށް -/1500 ރ. އަށްވުރެ އަގުބޮޑު ރަންބޫޓަކާއި އެކު -/500ރ. ހުށަހެޅިފައިވެއެވެ. އަދި އެހެނިހެން މަޤާމްތަކަށް ވެސް ހުށަހެޅިފައިވާ އިނާމްތަކަކީ މިހާތަނަށް އަތޮޅުފުޓްބޯޅަ މުބާރާތް ތަކުގައި އަދި ފުރަތަމަ ޔޫތުކަޕްގައިވެސް ދެވިފައިވާއިނާމް ތަކަށްވުރެ މާ އަގުބޮޑު އިނާމް ތަކެކެވެ.

2008-12-21T22:52:00.002+05:00

ރީނދޫކަޕް 2008 ފެށީ އެފްސީއޮކާޗީއާއި، ޕަސަންޓްސްޕޯޓްސް

އަމިއްލަފަރާތަކުން އިސްނަގައިގެން ލަންދޫގައި މިހާތަނަށް ބޭއްވޭ އެންމެ އަގުބޮޑު ފުޓްބޯޅަމުބާރާތް ރީނދޫކަޕް 2008 މިއަދު ފަށަައިފިއެވެ. މުބާރާތުގެ އޯޕަނިންގ ސަރމަނީގައި ބައްދަލުކުރީ ލިޔެސް ހޮލޑޭކަޕް 2008 ގެ ޗެމްޕިއަން އެފްސީ އޮކާޗީއާއި ، ހޮލިޑޭކަޕް 2007 ގެ ޗެމްޕިއަން ޕަސަންޓް ސްޕޯޓްސް ކްލަބެވެ.

ހަތަރުޓީމްގެ ދިދައާއި، ސަރުކާރުދިދައާއި އަދި މުބާރާތުގެ ދިދަ އެއްފަހަރާ ނެގުމުގެ އިވެންޓަކުން ފެށިގެންދިޔަ މިމުބާރާތުގެ ފުރަތަމަމެޗްގެ ފުރަތަމަ ހާފްގައި ވަނީ ޕަސަންޓް ސްޕޯޓްސްއިން އެޓީމްގެ ޖާރޒީނަމްބަރ 8 މުޙައްމަދު ސިމާލު (ކެނދިކޮޅު ) ޖެހިޖެހިގެން ކަހަލަ ގޮތަކަށް 2 ގޯލް ބަޔަށް ހޯދައިދީ މެޗްގެ ފުރިހަމަކޮންޓްރޯލް އަތުލައިފައެވެ.
އެފްސީއޮކާޗީއިން ވަރަށް އިތުބާރާއިއެކު ކާމިޔާބުކުރުމަށް ނިންމައިގެން ތިބިމިމެޗްގެ އެކި ހިސާބުން އޮކާޗީއަށް ގޯލްޖަހާނެ ވަރަށްގިނަ އޯޕަން ފުރުޞަތުތަކެއް ލިބި ނާކާމިޔާބު ވެގެން ދިޔުމުގެ ސަބަބުން 90 މިނިޓް ހަމަވެ މެޗްނިމިގެންދިޔައީ 2-1ގައި އޮވެ ޕަސަންޓް ސްޕޯޓްސްް މޮޅުވެގެންނެވެ.
ލަންދޫގެ ތަޖްރިބާކާރު ރެފްރީ އަލްފާޟިލް ޖަމާލު އައްޔޫބު ރެފްރީކަންކޮށްދެއްވި މިމެޗްގެ މޮޅުކުޅުންތެރިޔާގެ މަޤާމްހޯދީ ޕަސަންޓަށް 2 ގޯލްވެސް ކާމިޔާބުކޮށްދިން ސިމައްޓޭ އެވެ.
ރީނދޫކަޕް 2008 ގެ ދެވަނަމެޗްގައި މާދަމާ ބައްދަލުކުރާނީ ކްލަބު ޗެލެންޖަރސް އާއި ވެލޯސިޓީ އެވެ.

2008-12-21T21:08:00.004+05:00

ލިޔެސް ހޮލިޑޭ ކަޕާއިމެދު......!ސ

ސ
ލިޔުނީ މޫސާ ޙުސެއިން / މިހާސް

ލަންދޫގެ ތާރީޚްގައި މިހާތަނަށް ބޭއްވުނު އެންމެފޯރިގަދަ މުބާރާތަކީ މިމަހުގެ 12 ން 19 ށް ބޭއްވުނު " ލިޔެސް ހޮލިޑޭކަޕް" ކަމާއިމެދު ހަމައެކަކުވެސް ދެބަހެއްނުވާނެއެވެ.
ލަންދޫޔޫތުއެންކަރޭޖިން ސޮސައިޓީ ( ލިޔެސް ) ޖަމްޢިއްޔާއިން އިސްނަގައިގެން ބޭއްވުނު މިމުބާރާތް އަޅުގަނޑަށް ސިފަކުރެވިގެން ދިޔައީ އަތޮޅުފުޓްބޯޅަމުބާރާތަށްވުރެވެސް ފޯރިގަދަ ފުޓްބޯޅަމުބާރާތެއްގެ ގޮތުގައެވެ.
ލަންދޫޔޫތުއެންކަރޭޖިން ސޮސައިޓީ އެއްއަހަރާއި ނުވަދުވަހުގެ ތެރޭގައި ބޭއްވުނު މިބޮޑުޙަރަކާތުން ދައްކުވައިދިނީ މިއަހަރުގެ މިމުބާރާތަށްވުރެވެސް ކުރިމަގުގައި ފެންވަރު ރަނގަޅުކޮށް ގެންދެވިދާނެ މުބާރާތެއްގެ ކަމެވެ.

މިފަހަރުގެ މުބާރާތުން ރަގަޅުކުރަންޖެހޭ ކަންތައްތައް ރަގަޅުކޮށް އަންނައަހަރުގެ މުބާރާތަށް ކުރިމަތިލައިފިނަމަ މިމުބާރާތަކީވެސް އަތޮޅުގެ ފެންވަރުގެ މުބާރާތަކަށް ހަދާލެވިދާނެއެވެ.
މިފަހަރުގެ މުބާރާތުގައި އެންމެބޮޑު މައްސަލައަކަށް ދިމާވީ ރެފްރީންގެ މައްސަލައެވެ. މިމަސްލައަކީ މިއަދުން ފެށިގެން އަންނައަހަރުގެ މުބާރާތަށް ވިސްނަންވީކަމެކެވެ. އެފްއޭއެމްގެ އިސްބޭފުޅުންނަށް ބަރޯސާ ވުމުގެ ބަދަލުގައި ސީދާ ރެފްރީންނަށް ބަރޯސާވެވުނުނަމަ ހަމަގައިމުވެސް މިފަހަރުގެ މުބާރާތުގައިވެސް ރެފްރީންގެ މައްސަލައެއް ނުނިކުތީހެވެ.
" ލިޔެސް ހޮލިޑޭ ކަޕް" އަކީ އެންމެފޯރިގަދަ މުބާރާތަށްވެގެންދާއިރު މިމުބާރާތަށް އިންސާފުކުރުމުގައިޙަރަކާތްތެރިވެލައްވާ ޖަޖުކޮމިޓީވެސް ވާންވާނީ މިނިވަން ބޭފުޅުން ކޮޅަކަށެވެ. މުބާރާތުގައި ހޮވޭ ވަނަތަކަކީ އިންސާފުވެރިކަމާއި އެކު ރަގަޅަށް ބެލިގެން ހޮވޭ މަޤާމްތަކަކަށް ވާނީ ހަމަ އޭރުންނެވެ.
" ލިޔެސްޖަމްޢިއްޔާ"ގެ "ލިޔެސްހޮލިޑޭކަޕް" އަންނައަހަރު ބާއްވާނަމަ މިއަހަރުގެ މުބާރާތްބޭއްވުނު ދުވަހަސްވަރަށްވުރެ ތަންކޮޅެއްއަވަސް ކޮށްލަން ޖެހޭކަމަށް އަޅުގަނޑު ޤަބޫލުކުރަމެވެ. ބޮޑުޢީދުގެ ދުވަހެއްގައި ފައިނަލް ކުޅެވިއްޖެނަމަ މުބާރާތް މިޔަށްވުރެވެސް ފޯރިގަދަވެގެންދާނެކަން ހަމަ ޔަޤީނެވެ.
މިއަހަރުގެ " ލިޔެސްހޮލިޑޭކަޕް " އަކީ އަދި މިހާތަނަށް ސަޕޯޓަރުންގެ ފުރިހަމަސަޕޯޓް ފެނިގެންދިޔަ މުބާރާތްކަމަށްވާއިރު މިއަހަރަށްވުރެވެސް ބޮޑަށް ޓީމްތަކުން ސަޕޯޓަރުންގެ ސަޕޯޓް ހޯދުމަށް އާކަންތައް ތަކެއް ކުރަންޖެހެއެވެ. މިފަހަރު ފުއްޕާހަމާއި ދިދަތަކުން ދަނޑުގެ އަރިމަތިތައް ފުރާލެވިފައިވާއިރު އަންނައަހަރަށް ޓީމްތަކުން އެޓީމްތަކުގެ ޖާރޒީއާއި، ތޮފި އަދި ސްޓިކާރ ފަދަ ތަކެތި ހޯދުން މުހިއްމު ކަމުގައި ދެކެމެވެ.
މިހުރިހާކަމަކަށްވުރެ ބޮޑަށް އަޅުގަނޑުދެކޭގޮތުގައި ލިޔެސްޖަމްޢިއްޔާއިން ވިސްނަންވީ ކަމެއްކާމިޔާބުކުރުމަށްވުރެ ކާމިޔާބެއް ދެމެހެއްޓުން އުދަނގޫވާނެކަމެވެ. މިއީ އަޅުގަނޑުގެ ވިސްނުމާއި ޚިޔާލާއި ފިކުރެވެ.

2008-12-21T07:25:00.003+05:00

ލަންދޫގެ ބޮޑުބަޔަކަށް ކަރަންޓްނުލިބި 7 ގަޑިހެއްހާއިރު ތިބެންޖެހިއްޖެ

ވިއްސާރަވުމުގެ ސަބަބުން ޑިސްޓްރިބިޔުޝަން ފޮށިތަކަކަށް ފެނުގެ އަސަރުކޮށް ކަރަންޓަށް ދިމާވި ކުއްލިމައްސަލައަކާއި ގުޅިގެން ރަށުގެ ބޮޑުބަޔަކުން ކަރަންޓް ކެނޑި ގާތްގަޑަކަށް 7 ގަޑިހެއްހާއިރު ކަނުއަނދިރީގައި ތިބެންޖެހިއްޖެއެވެ. މިއަދު ހަވީރު 3 ޖެހިތަނާ މުޅިރަށުން ކަރަންޓް ދިޔައީ ވިއްސާރަ ވުމުގެ ސަބަބުން މަގުމަތީ ފޮށިތަކަށް ފެނުގެ އަސަރު ކޮށްގެންކަމަށް ލަންދޫ އިންޖީނުގޭގައި ޑިޔުޓީކުރާ ތިންމީހުން ކުރެ އެކަކު ލަންދޫ އިންފޯއަށް މަޢުލޫމާތު ދެއްވިއެވެ.

ވިއްސާރަ ދުވަސްވަރު ކަރަންޓަށް މިމައްސަލަ މިދިމާވަނީ ކީއްވެތޯ ލަންދޫ ގައި ފުރަތަމަ ކަރަންޓް ވައިރުކޮށްދީ އިންޖީނުތައް ބަހައްޓައިދިނުމުގެ މަސައްކަތްތައް ކޮށްދެއްވި ހ.ފެންވިލާގެ ޝަހީމު އާދަމް ފުޅާއި ލަންދޫއިންފޯގެ ފަރާތުން ސުވާލުކޮށްލުމުން އޭނާ ބުނުއްވީ އެހެންއެވަނީ ރަށުގެ އާބާދީ ގައި ކަރަންޓް ބޭނުން ކުރާ މިންވަރަށް ވުރެ ކަރަންޓް އުފެއްދޭ މިންވަރު ދައްކަމުން ކަމަށެވެ. އަދި މީގެ 15 ވަރަކަށް އަހަރު ކުރިން އަޅާފައިވާ 64 ގެ ކޭބަލް މިހާރު ހުންނާނީ ބައުވެ ހަލާކުވެފައި ކަމަށްވެސް ޝަހީމު ބުނުއްވިއެވެ. މިމައްސަލަ ތައް ހައްލުކުރެވޭނީ މުޅިން އައު ނެޓް ވާރކެއް ރަށުގައި އެޅިގެންކަމަށް ވެސް އޭނާ ލަފާދެއްވިއެވެ.
މިހާއަވަސް އަވަހަށް ކަރަންޓް ކަނޑައިގެން ގޮސް ހާއްޞަކޮށް ވިއްސާރަދުވަސްވަރު ކަރަންޓަށް މިދިމާވާ މައްސަލަތަކުގެ ސަބަބުން މީމީސްމީހުންނަށް ދަނީ އެމީހުންގެ މުދަލަށް ( ޓީވީ،ވީސީއާރ، ކޮމްޕިއުޓަރ ފަދަ ކަރަންޓުން ބޭނުންކުރާ ސާމާނު ) ދަނީ ބޮޑެތި ގެއްލުން ތަކެއް ލިބެމުންނެވެ.
ކަރަންޓަށް މިދިމާވި މައްސަލައަށް ވަގުތީ ހައްލެއް ގެނެސް މުޅިރަށަށް ކަރަންޓް ދެވުނީ ރޭ 11 ޖެހިފަހުންނެވެ.

ލަންދޫ ރައްޔިތުންގެ އިންޖީނުގެ ހިންގުމުގެ ކަންތައް މިހާރުވެސް ބައްލަވަމުން ގެންދަވަނީ ލަންދޫ އޮފީހުން ރކ.ކޮމިޓީ އިސްވެ އޮވެގެންކަމަށް ވާއިރު މިދިމާވާ މައްސަލަތަކަށް ހައްލެއް ހޯދައިދިނުމަށް މަސައްކަތް ތަކެއް ކުރަންވެއްޖެކަމަށް ލަންދޫއިންފޯއިން ޤަބޫލުކުރަމެވެ.

2008-12-19T23:24:00.004+05:00

ލިޔެސްހޮލިޑޭކަޕްގެ ޗެމްޕިއަންކަން "އެފްސީ އޮކާޗީ" ހޯދައިފި

ލަންދޫ ޔޫތު އެންކަރޭޖިން ސޮސައިޓީ ( ލިޔެސް ) އިން އިންތިޒާމްކޮށްގެން ލަންދޫގައި ބޭއްވި ލިޔެސް ހޮލިޑޭ ކަޕްގެ ފައިނަލްގައި ކްލަބު ޗެލެންޖާސް އާއި ބައްދަލުކޮށް 1-0 ން ފައިނަލްމެޗް ކާމިޔާބުކޮށް މުބާރާތުގެ ޗެމްޕިއަންކަން އެފްސީ އޮކާޗީ ހޯދައިފިއެވެ.
ޤައުމީޓީމުގެ ކެޕްޓަން އައްސަދު ޢަބުދުލްޣަނީ އާއި އަކުރަމް އަބުދުލްޣަނީ ޝަރަފްވެރިކޮށްދެއްވި މިމުބާރާތުގެ ފައިނަލްމެޗް ގައި އެފްސީ އޮކާޗީއިން ޖެހި ހަމައެކަނި ލަނޑު ބަޔަށް ކާމިޔާބު ކޮށްދިނީ ކ.ހިންމަފުށީ މުޙައްމަދު އަހްމަދު ( މޯޑު ) އެވެ.

ފައިނަލްމެޗް ނިމުމުން މިމުބާރާތުގެ އެކި އެކި މަޤާމްތަކަށް ހޮވުނު ކުޅުންތެރިންނަށް އިނާމް ތައް ހަވާލުކޮށްދެއްވައި ޗެމްޕިއަން ޓީމަށާއި ރަނަރ އަޕް ޓީމަށް ކަނޑައެޅިފައިވާ ތައްޓާއި މެޑެލް ތައް ބައްސަވައިދެއްވީ އައްސަދު އާއި އަކުރަމެވެ.
ލިޔެސް ހޮލިޑޭ ކަޕް 2008 ގެ މަޤާމްތަކަށް ހޮވުނު ޓީމު ތަކާއި، ކުޅުން ތެރިންނަކީ :
އެންމެމޮޅުފޯވާޑް ކްލަބު ޗެލެންޖާސްގެ ރައޫފު ( ގުރައިދޫ )ސ
އެންމެގިނަގޯލްޖެހި ކުޅުންތެރިންނަކީ ކްލަބު ޗެލެންޖާސްގެ ރައޫފު ( ގުރައިދޫ ) އާއި އެފްސީ އޮކާޗީގެ ޙުސެއިން ޖަވާދު ( ޖަވާ ) އެވެ. ( 3 ގޯލް )ސ
އެންމެ މޮޅުޑިފެންޑަރ އެފްސީ އޮކާޗީގެ ޢަލީ ދާއޫދު
އެންމެ މޮޅު ކީޕަރ އެފްސީ އޮކާޗީގެ މުޙައްމަދު ވަސީމް ( ވައްސޭ )ސ
ފެއަރޕްލޭ ކުޅުންތެރިޔާ އެފްސީ އޮކާޗީގެ އިސްމާއީލް އިބްރާހީމް
އެންމެ އުންމީދީ ކުޅުންތެރިޔާ ކްލަބު ޗެލެންޖާރސް ގެ މުޙައްމަދު ސަމާހް ( ސަމައްޓޭ )ސ
މުބާރާތުގެ އެންމެ މޮޅުކުޅުންތެރިޔާ އެފްސީ އޮކާޗީގެ ޙުސެއިން ޖަވާދު ( ޖަވާ )ސ
އެންމެމޮޅު މިޑްފީލްޑަރ ކްލަބު ޗެލެންޖާސްގެ ނައުޝާދު ޢަބުދުއްރަހީމް ( ނާގެ ) ސ
މުބާރާތުގެ ފެއަރ ޕްލޭޓީމަކަށް ހޮވުނީ ކްލަބު ވެލޯސިޓީއެވެ. އެފް އޭ އެމްގެ ތަޖްރިބާ ކާރު ރެފްރީ ނ.ލަންދޫ ބޮކަރުމާގެ އަލްފާޟިލް އިބްރާހިމް މުޙައްމަދު ރެފްރީކަން ކޮށްދެއްވި މި ފައިނަލްމެޗްގެ ފަހުހާފްގައި ކުޑަވަރެއްގެ ހަމަނުޖެހުމެއްވެސް ހިނގާފައިވެއެވެ. ގޯލް އޭރިޔާ ކައިރިން އޮކާޗީ ކުޅުންތެރިއެއްގެ އަތުގައި ޖެހުންކަމަށް ރެފްރީ ނިންމެވި ބޯޅަ އަކީ ޕެނަލްޓީ އެއްދޭން ޖެހޭ އެއްޗެއްކަމަށް ބުނެ ޗެލެންޖަރސް ގެ ކުޅުންތެރިން މައްސަލަޖެއްސީއެވެ .
މިމެޗްގެ ލައިންސް މަނުންނަކީ ނ.މާފަރުގެ ދެބޭފުޅުންނެވެ. މެޗް ބަލަން ލަންދޫ ގެ ވަރަށް ގިނަރައްޔިތުން ދަނޑުދޮށަށް ޙާޒިރުވިއެވެ.

2008-12-18T23:26:00.002+05:00

ލަންދޫގެ ގިނަރައްޔިތުން ކުރިން އުންމީދުވެސް ނުކުރާ ފަދަ ފެންވަރެއްގެ ފަޅެއް

ލިޔުނީ : އަޙްމަދު ދާއޫދު

"ކުރިން އަހަރެމެން އުންމީދުވެސް ނުކުރަން މިފެންވަރުގެ ފަޅެއް ލަންދޫގައި ކޮނެވި ޚިދުމަތް ލިބޭނެކަމަކަށް " ލަންދޫގެ ތަރައްޤީގައި ވަރަށް ގިނަޚިދުމަތް ތަކެއް ކޮށްދެމުން އަންނަ ހީވާގި ލަންދޫ ރައްޔިތެއް ކަމުގައިވާ އަލްފާޟިލް ޖަމާލު އައްޔޫބު ލަންދޫބަނދަރު ސަރަޙައްދުގައި ހުރެފައި ބުނާތީ އަޅުގަނޑު އަޑުއެހީމެވެ.

ލަންދޫކަހަލަ އާބާދީ މަދު ރަށެއްގެ ފަޅު، މިފެންވަރުގައި ކޮނެވިގެން މިދިޔައީ ރައްޔިތުންގެ ފަރާތުން ސަރުކާރަށް ކެނޑިނޭޅި ކުރަމުން ދިޔަ ޕްރެޝަރެއްގެ ނަތީޖާކަމަށް ގިނަޔަބަޔަކު މިއަދު ޤަބޫލުކުރެއެވެ. އަދި މިފަދަ ފެންވަރެއްގެ ފަޅެއް ފަޅެއް ރައްޔިތުން އުފަލާއި އެކު ބަލައިގަންނަ ހިނދު އެމީހުން ޝަކުވާއަކަށް ވެފައި މިއަދު ވަނީ މިވަރުގެ ކުޑައާބާދިއަކަށް ވެސް މިވަރުގެ ފަޅެއްގެ ކުޑަކަމުގެ ޝަކުވާއެވެ . "300 ފޫޓް 200 ފޫޓް މިހާރަކު ނުފުދޭ" މިއީ ވަރަށް ގިނަރައްޔިތުންގެ މިއަދު ޝަކުވާ އެވެ. ނަމަވެސް މިކަމަށް ޖަވާބެއް ލިބޭނީ ކޮންތާކުންބާއޭ އަޅުގަނޑުގެ ހިތަށް އަރައެވެ.
ފަޅުކުޑަވުމުގެ ސަބަބުން މިއަދާ ހިސާބަށް ސަރުކާރުގެ ކަމާއި ބެހޭ ވުޒާރާ ތަކުގައި އަޑުއުފުލާފައިވަނީ ކިހާވަރަކަށް ކަން އެނގޭނީ އެކަމުގައި އުޅުނު ރައްޔިތުންނަށެވެ. ހަމަގައިމުވެސް ހުސްއެކަނި ލަންދޫއިންވެސް މަދުވެގެން 10 ވަފުދު ކަމާބެހޭ އެކި ބޭފުޅުންެގެ އަރިއަހަށް ގޮސްފައިވާނެއެވެ. ޖަވާބަކީ ހަމައެންމެ ޖަވާބެކެވެ. ވަރަށް ސާދާ ކުރުޖަވާބެކެވެ. ތިޔައެދޭ ފަދަ ފަޅެއް ކޮނެ ދިނުމުގެ ޤާބިލްކަމެއް އަދަކު ސަރުކާރަކު ނެތެވެ.
ކޮންެމެއަކަށް 27/11/2008 ގައި ލަންދޫ ފަޅުކޮންނަން ވެގެން މިންޖަހަން އައި ސަރުކާރުގެ ޓީމް ލަންދޫ ޖެޓީއަށް އެރިދުވަހު އަޅުގަނޑުވެސް އެތާ ހުރީމެވެ. ދުވަސް ވަރަކީ ރައްޔިތުންގެ އެންމެ ލާނެއް ދުވަސްވަރުކަމުން މިއައި ވަފުދާ ދިމާއަށް ސީދާ މަލާމާތުގެ ގޮތުން ވަރަށް ގިނަބަސްތައް އަޑުއިވޭ ފަށުގައްޔާއި އަޑުނުއިވޭ ފަށުގައި ރައްޔިތުން ބުނަމުން ގެންދިޔައެވެ. ބައެއްމީހުން އެދުވަހު ބުންޏެވެ. ތިޖަހާ މިން ދެން ހޯދަން ޖެހޭނީ އެހެން ޖީލެއް ގެ ބައެކެވެ. ތިގޮތަށް ޖަހާފައިހުރި މިންތައް ރާއްޖޭގެ ކިތަންމެ ރަށެއްގައި ޖަހާފައި އެބަހުއްޓެވެ. ތިޔައީ ވޯޓުލާން ކައިރިވީމާ ވޯޓުހޯދަންވެގެން ކުރާކަމެކެވެ. އަހަރެމެންގެ ލޮލުގައި އަޅުވާ ލާ އަނދުނެކެވެ
ވޯޓަށް އެޅި އަނދުނެއް ކަމުގައިވިޔަސް އަދި ވޯޓަށް ޖެހިފުށެއްކަމުގައިވިޔަސް މިއަދު މިއޮތީ ރައްޔިތުންގެ އެދުން ޙާޞިލްވެފައެވެ.

2008-12-17T23:13:00.002+05:00

އަތޮޅުތަކުގެ އިދާރީހިންގުން ސަރަޙައްދީ ފެންވަރުގައި ހިންގުމުގެ މަސައްކަތް ހުއްޓަވައި ނުލައްވާނެކަމުގައި ރައީސުލް ޖުމްހޫރިއްޔާ އަލްފާޟިލް މުޙައްމަދު ނަޝީދު ވިދާޅުވެއްޖެ.

އަތޮޅުތަކުގެ އިދާރީހިންގުން ސަރަޙައްދީ ފެންވަރުގައި ހިންގުމުގެ މަސައްކަތް ހުއްޓަވައި ނުލައްވާނެކަމުގައި ރައީސުލް ޖުމްހޫރިއްޔާ އަލްފާޟިލް މުޙައްމަދު ނަޝީދު ވިދާޅުވީ ރައީސުލްޖުމްހޫރިއްޔާގެ އޮފީހުގައި ބޭއްވެވި ޕްރެސް ކޮންފަރެންސެއްގައި ވާހަކަދައްކަވަމުން ނެވެ.

ރައީސުލްޖުމްހޫރިއްޔާގެ ވާހަކަފުޅުގައި ދިވެހިރާއްޖޭގެ އިދާރީ ހިންގުން ލާމަރުކަޒީ އުސޫލުން ހިންގުމަށް ބޭނުންވާ ޤާނޫނު ފާސްކުރެވެންދެން ސަރުކާރުން އަތޮޅުތަކަށް ފޯރުކޮށްދެއްވާ ޚިދުމަތް ތައް އެންމެ އެދެވޭ ގޮތުގައި ފޯރުކޮށްދިނުމަށްޓަކައި ރައްޔިތުންގެ މަޖްލީހުން މިހާރު ފާސްކުރައްވާފައިވާ ސަރުކާރުގެ ވުޒާރާތަކުގެ ތެރޭގައި ހިމެނޭ މިނިސްޓްރީ އޮފް ފޮރިން އެފެއަރޒް އާއި، މިނިޓްރީއޮފް ޑިފެންސް އެންޑް ނޭޝަނަލް ސިކިޔުރިޓީ ފިޔަވާ އެހެނިހެން ވުޒާރާ ތަކުގެ މުވައްޒަފުން ހިމެނޭ ގޮތުން ސަރުކާރުން މިހާރު ހުށަހަޅުއްވާފައިވާ އޮނިގަނޑު ސަރަޙައްދީ ފެންވަރުގައި ޤާއިމް ކުރެއްވުމާއިމެދު ޤާނޫނީ ގޮތުން އިޢުތިރާޒް ކުރާނޭ ތަނެއްނެއްކަމުގައި އެޓަރނީ ޖެނެރަލްވަނީ ލަފާދެއްވާފައިކަމަށް ވިދާޅުވިއެވެ. އަދި މިކަމަށް ބޭނުންވާ އިންތިޒާމްތައް ސަރުކާރުން އެސަރަޙައްދުގައި ހަމަޖައްސަވަމުން ގެންދަވާ ކަމަށްރައީސުލްޖުމްހޫރިއްޔާ ބަޔާންކުރެއްވިއެވެ.
އަތޮޅުތަކަށް ބޭނުންވާ ޚިދުމަތްތައް ފޯރުކޮށްދެއްވުމުގެ އިންތިޒާމްތައް ހަމަޖެއްސެވުމަށް ޓަކައި ބޭނުންވާ އިދާރީ މަސައްކަތްތައް އެއަތޮޅެއްގައި ހަމަޖެއްސެވުމަށް ރައީސުލް ޖުމްހޫރިއްޔާ ކުރައްވާ މަސައްކަތް ޕުޅުގައި މިމަހުގެ ކުރީކޮޅު ރައީސުލް ޖުމްހޫރިއްޔާ ވަނީ ފަސް އަތޮޅަކަށް ޒިޔާރަތްކުރައްވާ އެއަތޮޅުތަކުގެ ކަމުވޮށިވެގެންވާ ފަރާތްތަކާއި އެކު މަޝްވަރާތައް ކުރައްވާ ފައެވެ.

2008-12-17T23:08:00.003+05:00

ލިޔެސް ހޮލިޑޭ ކަޕްގެ ތިންވަނަ ޓީމަކަށް ޕަސަންޓް ސްޕޯޓްސް

ލަންދޫ ޔޫތުއެންކަރޭޖިން ސޮސައިޓީ ( ލިޔެސް ) އިން އިންތިޒާމްކޮށްގެން ލިޔެސް ހޮލިޑޭ ކަޕްގެ ނަމުގައި ލަންދޫގައި ކުރިއަށް ގެންދާ މުބާރާތުގެ ތިންވަނަޓީމަކަށް ޕަސަންޓް ސްޕޯޓްސް ކްލަބު ހޮވިއްޖެއެވެ. ޕަސަންޓް ސްޕޯޓްސް އާއި ވެލޯސިޓީ ބައްދަލުކޮށް މިއަދު ކުޅެވުނު މެޗް 2-1 ން ޕަސަންޓް ސްޕޯޓްސް ކާމިޔާބު ކުރުމުން މިމުބާރާތުގެ ތިންވަނަޓީމެއްގެ ގޮތުގައި އެޓީމު ހޮވުނީއެވެ.

ޕަސަންޓްގެ ލަނޑުތައް ޖަހައިދީފަވަނީ ކެނދިކޮޅު ސިމައްޓޭއާއި ކުޑައާތިފް އެވެ. ވެލޯސިޓީއިން ޖެހި ހަމައެކަނި ލަންޑު ފަހުހާފުގައި މެޗް ނިމެން އުޅެނިކޮށް ކާމިޔާބު ކޮށްދިނީ ވެލޯސިޓީގެ ޢަބުދުﷲ ޢާރިފް ( އާރިއްޕޭ ) އެވެ.
މިމެޗްގެ މޭން އޮފްދަ މެޗަކަށް ހޮވުނީ ޕަސަންޓް ސްޕޯޓްސް ކްލަބުގެ އިސްމާއީލް ޝިމާޒް ( ކައްޓި ) އެވެ.
ރެފްރީ އެއްގެ ގޮތުން ހުންނެވއެފްއޭއެމް ގެ ތަޖްރިބާކާރު ރެފްރީ ނ.ލަންދޫ ބޮކަރުމާގެ އަލްފާޟިލް އިބްރާހީމް މުޙައްމަދު ( ފިއްޓޭ ) އެވެ.
މިމުބާރާތުގެ ފައިނަލް މެޗް އޮންނާނީ އަންނަ ހުކުރު ދުވަހުއެވެ. ފައިނަލްގައި ބައްދަލުކުރާނީ ޕޮއިންޓް ޓޭބަލްގެ އެއްވަނަ ޓީމެއްގެ ގޮތުގައި އޮތް ކްލަބު ޗެލެންޖާރސް އާއި ދެވަނަ ހޯދި އެފްސީ އޮކާޗީ އެވެ.
ލިޔެސް ހޮލިޑޭ ކަޕް ހަމަ ނިމުމާއި އެކު މެދަށް އެއްދުވަސް ދޫކޮށް ވަރަށް އަގުބޮޑު ޓްރޮފީ ތަކަކާއި ތަށި ތަކެއް އެމުބާރާތަކަށް ހުށަހެޅިފައިވާ "ރީދޫކަޕް 2008 " ވެސް ފަށާގޮތަށް ހަމަޖެހިފައިވާކަމަށް ލަންދޫ އިންފޯއަށް މަޢުލޫމާތު ލިބިފައިވެއެވެ. ރީދޫކަޕްގައިވެސް ބައިވެރިވެފައިވަނީ ލިޔެސް ހޮލިޑޭ ކަޕްގައިވެސް ބައިވެރިވި ހަތަރުޓީމެވެ. މިމުބާރާތަކީވެސް ވަރަށް ފޯރިގަދަވެގެން ދާނެ މުބާރާތެއްކަމަށް މުބާރާތް އިންތިޒާމް ކުރާ ކޮމިޓީއިން ހާމަކުރައްވައެވެ .

2008-12-16T23:16:00.003+05:00

އެފްސީ އޮކާޗީއާއި ، ޗެލެންޖާރސް ބައްދަލުކުރިމެޗް ނިނުނީ އެއްވަރުވެގެން

ލަންދޫ ޔޫތު އެންކަރޭޖިން ސޮސައިޓީ ( ލިޔެސް ) އިންތިޒާމްކޮށްގެން ލަންދޫ ގައި ކުރިއަށް ގެންދާ ލިޔެސް ހޮލިޑޭ ކަޕް ފުޓްބޯޅަމުބާރާތުގައި އެފްސީ އޮކާޗީއާއި ، ޗެލެންޖާރސް މިއަދު ބައްދަލުކުރިމެޗް 2-2 ން އެއްވަރު ވެގެން ނިމިއްޖެއެވެ. މިމެޗް މިގޮތަށް ނިމުމުން މިމުބާރާތުގެ ފައިނަލްގައި ބައްދަލުކުރާނެ ދެ ޓީމެއް މިއަދު މިވަނީ ކަށަވަރު ވެފައެވެ.

މިމެޗްގެ މޭންއޮފްދަމެޗަކަށް ހޮވުނީ ހިންމަފުށީ މުޙައްމަދު އަހުމަދެވެ.
މިގޮތަށް މިމެޗް ނިމުމުން ޕޮއިންޓް ޓޭބަލްގައި އެއްވަނައިގައި އޮވެގެން ފައިނަލަށް ދިޔައީ ޗެލެންޖާސް އެވެ. އަދި ދެވަނަހޯދައިގެން ދެވަނަ ޓީމެއްގެ ގޮތުގައި ފައިނަލަށް މިދިޔައީ އެފްސީ އޮކާޗީއެވެ. ފައިނަލްމެޗްގެ ކުޅުން އޮންނާނީ އަންނަހުކުރު ދުވަހުއެވެ.
މިއަދުގެ މެޗްގައި އޮކާޗީގެ ލަނޑުތައް ޖަހައިދިނީ ރައޫފު އާއި ސަމާހް އެވެ. ޗެލެންޖާރސް އިން ލަނޑުތައް ޖެހީ ޝަހިންޓޭ އާއި އަޝްފާގެވެ. މާދަމާ ބައްދަލުކުރާނީ ކްލަބް ވެލޯސިޓީއާއި ، ޕަސަންޓް ސްޕޯޓްސް ކްލަބެވެ.
މިއަދު ގެ މިމެޗްގެ ރެފްރީއަކީ ވެސް ނ.މާފަރު ޝަބުނަމްގެ އަލްފާޟިލް އަޙްމަދު ޝަރީފް އެވެ.

2008-12-15T22:19:00.002+05:00

ލަންދޫކަތީބު "ނަޞީރު" ކަތީބު ކަމުން ބޮޑުކަތީބުކަމަށް ބަދަލުކުރައްވައިފި

ލަންދޫ ކަތީބު އަލްފާޟިލް ޙަސަން ނަޞީރު ކަތީބު ކަމުގެ މަޤާމުން ބޮޑުކަތީބު ކަމުގެ މަޤާމަށް މިހިނގާ ޑިސެމްބަރ މަހުގެ 1 ވަނަދުވަހުން ފެށިގެން ބަދަލުކުރައްވައިފިކަމަށް ލަންދޫ އޮފީހުން ލަންދޫއިންފޯއަށް މަޢުލޫމާތު ދެއްވައިފިއެވެ.

މިކަމާ ބެހޭގޮތުން މަޢުލޫމާތުދެއްވަމުން ލަންދޫ ކުޑަކަތީބު އަލްފާޟިލް ޢަބުދުއްނާޞިރު ޢަލީ ކަށަވަރު ކޮށްދެއްވީ ބޮޑުކަތީބު ކަމަށް ނަޞީރު ހަމަޖައްސެވި މެސެޖާއި އެކު ކަތީބުކަމުގެ މަޤާމު އުވާލެއްވި ކަމުގެ މެސެޖްވެސް މިއަދު ލަންދޫ އޮފީހަށް ލިބިފައިވާ ކަމުގައެވެ.
ނަޞީރު ވަނީ ލަންދޫކަތީބު ކަމުގެ އިތުރުން މާޅެންދޫ ކަތީބުކަންވެސް އަހަރެއްހާ ދުވަސްވަންދެން ކުރައްވާފައެވެ.

2008-12-15T22:12:00.002+05:00

ވެލޯސިޓީއާއި، ޗެލެންޖާރސް ބައްދަލުކުރިމެޗް ބޮޑުތަފާތަކުން ޗެލެންޖާރސް ކާމިޔާބުކޮށްފި

ލިޔެސް ހޮލެޑޭ ކަޕްގެ ހަތަރުވަނަ މެޗްގައި ބައްދަލުކުރީ ވެލޯސިޓީއާއި ކްލަބު ޗެލެންޖާސް އެވެ. މިމެޗް ވަރަށްފަސޭހަކަމާއި އެކު 5-2 ން ކާމިޔާބު ކުރީ ކްލަބު ޗެލެންޖާރސް އިންނެވެ.
މިމެޗްގެ މޭންއޮފްދަމެޗްގެ މަޤާމް ހޯދީ ކްލަބު ޗެލެންޖާސްގެ ޖާރޒީނަމްބަރ 77 ނައުޝާދު ޢަބުދުއްރަޙީމް ( ނާގެ ) އެވެ.

މިމެޗްގައި ވެލޯސިޓީގެ ކޮޅަށް ވަދެފައިވާ ގިނަގޯލްތައް ވަދެފައިހުރީ ކީޕަރ މުޙައްމަދު ފައިސަލް ( ފުޖްމޯރީ ) ގެ މިސްޓޭކުންކަމަށް ވަރަށް ގިނަބެލުންތެރިން ބުނަމުން ގެެންދިޔައެވެ. ކުރިން ވެލޯސިޓީގެ ކީޕަރަކަށް ހަމަޖައްސާފައިވަނީ ރަށުންބޭރު ކުޅުންތެރިއެކެވެ. ނަމަވެސް ފުޖްމޯރީއަށް ފުރަތަމަ އެގާރައިން ޖާގަދޭންޖެހުނީ ރަށުން ބޭރު އެހެން ކުޅުންތެރިއަކަށް ކުޅުމުގެ ފުރުޞަތު ހޯދައިދިނުމުގެ ގޮތުން ކަމަށް ޓީމުގެ މެނޭޖްމަންޓާ ޙަވާލާދީ ޕަސަންޓް ސްޕޯޓްސްގެ ކުޅުންތެރިއެއް ކަމަށްވާ ސީޓޭ ލަންދޫއިންފޯއަށް މަޢުލޫމާތުދެއްވިއެވެ.
މިމެޗް ޗެލެންޖާރސް ކާމިޔާބުކުރުމުން ފައިނަލަށް ދިޔުމުގެ ފުރުޞަތު އެޓީމަށް ވަނީ ބޮޑުތަން ތަނަވަސްވެފައެވެ. އަދި ކްލަބު އޮކާޗީ އާއި ޕަސަންޓް ސްޕޯޓްސް ގެ އިއްޔެގެ މައްސަލަޖެހިގެން މެދުކަނޑާލިމެޗްގެ ފަހުބައި މިއަދު ކުޅެ މިމެޗްވެސް މުޅިންނިންމާ 2-1 ކްލަބުއޮކާޗީ ކާމިޔާބުކުރުމުން ފައިނަލްގެ އެއްކޮޅު އޮކާޗީން އެވަނީ ކާމިޔާބުކޮށްފައެވެ. ފައިނަލްގައި އޮކާޗީއާއި އެކު ދެން ކުޅޭނެ ޓީމެއް މާދަމާ ބައްދަލުކުރާ އޮކާޗީ ސްޕޯޓްސްއާއި ޗެލެންޖާސް ނިނުމުން އެގިގެންދާނެއެވެ.
މިއަދު ގެ މެޗްގެ ރެފްރީކަން ކޮށްދެއްވީ ނ.މާފަރު ޝަބުނަމްގެ އަޙްމަދު ޝަރީފް ( ފެޑޯ ) އެވެ.

2008-12-14T22:36:00.003+05:00

އެފްސީ އޮކާޗީ އާއި ޕަސަންޓް ސްޕޯޓްސް ކްލަބް ބައްދަލުކުރިމެޗް ވަގުތު ހަމަނުވަނީސް ހުއްޓާލައިފި

.

ލަންދޫ ޔޫތު އެންކަރޭޖިން ސޮސައިޓީ ( ލިޔެސް ) ފަރާތުން އިންތިޒާމްކޮށް ގެން ލަންދޫގައި ލިޔެސް ހޮލިޑޭކަޕް ގެ ނަމުގައި ކުރިއަށް ގެންދާ ފުޓްބޯޅަމުބާރާތުގެ ތިންވަނަ މެޗް ގައ އެފްސީ އޮކާޗީ އާއި ޕަސަންޓް ސްޕޯޓްސް ކްލަބު ބައްދަލުކޮށް ކުޅުނު މެޗްގެ ފަހު ހާފްގެ 30 މިނިޓް ކުޅެނިމިފައިވަނިކޮށް މެޗް ކުރިއަށް ނުގެންގޮސް ރެފްރީ ޖަމާލު ކުއްލިއަކަށް މެޗް ހުއްޓާލައި ދަނޑުން ފައިބައިފިއެވެ.

ޖަމާލު ދަނޑުން ފައިބަން ޖެހުނީ ދެޓީމުންވެސް ލަނޑުޖަހާ 1-1 ން އެއްވަރު ވެފައިވަނިކޮށް އެފްސީ އޮކާޗީގެ ކުޅުންތެރިއަކު ވަރަށް ދުރުން ޕަސަންޓްގެ ގޯލަށް ފޮނުވާލި ބޯޅައެއް ގޯލްގެ މަތީ ދަނޑީގައި ޖެހިފައި ބައުންސްވެގެން ކީޕަރު އަތުގައި ނުޖެހި ގޯލްލައިންގެ ވަރަށް ކުޑަތަންކޮޅެއް އެތެރޭގައި ޖެހިގޯލްތެރެއަށް ބޯޅަވަނީ ކަމަށް ރެފްރީ ޖަމާލު އާއި ، ހުޅަނގު ފަރާތު ރޮގުބަަލަހައްޓަން ހުރި މަޖްދުﷲ ނިންމާ އެއީ ލަނޑަކަށް ނިންމުމުން ޕަސަންޓް ސްޕޯޓްސް ގެ ކުޅުންތެރިން އެކަމާ ހިތްހަމަނުޖެހި ހަމަނުޖެހުން ހިންގަން އުޅުމުގެ ސަބަބުންނެވެ.
ޕަސަންޓްގެ ގޯލްކީޕަރ ސުހެއިލް އަލީ ވެސް އެއީ ކުއްލިއަކަށް ގޯލުދޫކޮށްލައި ދަނޑުފައިބައިގެން ދިޔަތަން ފެނުނެވެ. އަދި އެޓީމުގެ ބެންޗްގައި ތިބި ހުރިހާ އޮފިޝަލުންނާއި ކުޅުންތެރިން ދުވެފައި ކުއްލިއަކަށް ދަނޑަށް އަރައިގަތީއެވެ. ދަނޑުގެ ސިކިޔުރިޓީ ބަލަހައްޓަން ތިބި ބޭފުޅުންނަށްވެސް ކޮންޓްރޯލް ނުކުރެވިގެން ރެފްރީ އާއިދިމާއަށް ފުދޭވަރެއްގެ ގިނަކުޅުން ތެރިން ހަމަނުޖެހުން އުފައްދަން ދުވެފައި ދިޔަތަން ފެނުނެވެ. މިހާދިސާ ހިގުމުން ރެފްރީ ޖަމާލު ބުނީ މިމެޗް ދެން ކުރިއަށް ގެންދަން ކުޅުންތެރިން ބޭނުންވިކަމުގައިވިޔަސް ރެފްރީ ބޭނުންވަނީ އެހިސާބުން ނިންމާލަން ކަމުގައެވެ.
މުބާރާތުގެ އޮގައިނައިޒިން ކޮމިޓީގެ ކުއްލިބައްދަލުވުމަކަށްފަހު މިހާރު ނިންމާފައިވަނީ މާދަމާ އެމެޗްގެ ބާކީ އޮތްބައި ކުރިއަށް ގެންދިއުމަށެވެ. އަދި ހަމަނުޖެހުން ހިންގަން މަސައްކަތް ކުރި ކުޅުންތެރިން ނަށް ކުށުގެ ބޮޑުކުޑަމިނުން ވަނީ އަދަބު ވެސް ކަނޑައަޅާފައެވެ. އެގޮތުން ބައެއް ކުޅުންތެރިން ރެފްރީ ކައިރިން މަޢާފަށް އެދެން ޖެއްސުމާއި ، ޖުރިމަނާ ކުރާގޮތަށް ވަނީ ނިންމާފައެވެ.
މިހާދިސާގައި އެއްވެސް މީހަކަށް އެއްވެސް އަނީޔާއެއް ލިބިފައެއްނުވެއެވެ. އަދި މުބާރާތުގެ ކުރިއަށް ހުރި މެޗްތައް ކެންސަލް ކުރާވަރުގެ ބޮޑު ހަމަނުޖެހުމެއްވެސް ހިނގާފައެއް ނުވެއެވެ.

2008-12-13T23:39:00.005+05:00

އަތޮޅުގެ ސަމާލުކަމަށް - ލަންދޫ ޘަޤާފީ ގުރޫޕް

ލިޔުނީ : މޫސާ ޙުސެއިން / މިހާސް

މިއަހަރުގެ އަޟްޙާޢީދު ކުލަގަދަގޮތެއްގައި ފާހަގަކުރުމުގެ މަޤްޞަދުގައި ލަންދޫރަންކޮކާގެ އަލްފާޟިލް ޖަމާލު އައްޔޫބު އިސްނަންގަވައިގެން އުފެއްދެވި ސަޤާފީ ގުރޫޕް މިވަނީ މުޅިއަތޮޅުގެ ސަމާލުކަން ހޯދާފައެވެ.

އިތުރުބައެއްފޮޓޯ ބެއްލެވުމަށް

ޢީދުގެ ފުރަތަމަދުވަހު މިގްރޫޕްގެ ފަރާތުން ރަށުގައި ދެވުނު ދަނޑިޖެހުމާއި، ބޮޑުބެރުޝޯވގެ ސަބަބުން އަތޮޅުގެ ވަރަށްގިނަރައްތަކުން މިގްރޫޕަށް ދައުވަތުތައް ލިބެމުން ދިޔައެވެ. މީގެތެރެއިން މިގްރޫޕްގެ ފަރާތުން ވަނީ އަތޮޅުގެ އެންމެއާބާދީ ބޮޑުރަށްކަމުގައިވާ ވެލިދުއަށް ގޮސް އެރަށުގައި ޝޯވ އެއް ދިނުމުގެ އިތުރުން އަވަށްޓެރި މާޅެންދޫގައިވެސް ޝޯވއެއްދީފައެވެ. މިދެ ޝޯވއަށްވެސް މިދެރަށުގެ ރައްޔިތުން ގެ ފަރާތުން ފުރިހަމަ އެއްބާރުލުމާއި، ވަރަށްހޫނު ތަރުޙީބެއްލިބިފައިވާކަމަށް މިގްރޫޕްގެ ލީޑަރ ޖަމާލު އައްޔޫބު ހާމަކުރެއްވިއެވެ.
މިގްރޫޕްގެ ފަރާތުން ޢީދަށްޓަކައި ދަނޑިޖެހުމާއި ބޮޑުބެރުޖެހުން ފަރިތަކުރުމަށް ފަހު އެންމެފަހުވަގުތު ހިތްޗަށްވަޑައިގަތުންވެސް ވަނީ މިގްރޫޕުން ފަރިތަކޮށް މިޢީދަކީ އުފާވެރި ކާމިޔާބު ޖަމާ ޢީދަކަށް ހަދައިދީފައެވެ.
ލަންދޫޒުވާނުންގެ ޖަމްޢިއްޔާގެ ނަމުގައި މިރަށުގައި މީގެކުރިން ކުރެވެމުން އައި މިކަންތައްތައް މިއަހަރު ފެށިގެން ދެން ކުރަމުން ގެންދާނީ މިގްރޫޕްގެ ފަރާތުން މިގްރޫޕްގެ ނަމުގައި ކަމަށް ގްރޫޕްގެ ލީޑަރ މަޢުލޫމާތު ދެއްވައެވެ.
މިއަހަރުގެ ތަޖްރިބާއަށް ބަލާފައި އަންނައަހަރު ޘަޤާފީ އިތުރުކުޅިވަރުތަކާއި އިތުރުބައިވެރިންނާއި އެކު ނިކުންނާނެ ކަމަށްވެސް މިގްރޫޕްގެ ލީޑަރ ހާމަކުރައްވައެވެ.

2008-12-13T23:24:00.003+05:00

ދެވަނަމެޗް އެއްވަރުވެއްޖެ

ލިޔެސް ހޮލިޑޭކަޕްގެ ދެވަނަމެޗްގައި ކްލަބު ޗެލެންޖާސް އާއި ޕަސަންޓް ސްޕޯޓްސް ކްލަބު ބައްދަލުކުރިމެޗް 2 ލަނޑު 2 ލަނޑުން އެއްވަރު ވެގެން ނިމިއްޖެއެވެ.
ލަންދޫގައި ހުރިއެންމެ ތަޖްރިބާކާރު ރެފްރީ އަލްފާޟިލް ޖަމާލު އައްޔޫބު ގެ ރެފްރީ ކަމުގެ ދަށުން މިމުބާރާތުގައި މިދެޓީމް ކުޅުނު ފުރަތަމަމެޗްގެ ފުރަތަމަހާފްގެ ކުރީކޮޅު ގައި އެއްވެސް ޓީމަކަށް މާއެކަށޭނަ ރަގަޅުކުޅުމެއް ދެއްކިފައެއްނުވެއެވެ.

އިތުރުބައެއްފޮޓޯ

ނަމަވެސް ފުރަމަހާފްގެ ފަހުބައިގައި މެޗްގައި ރަނގަޅަށް ކުޅެމުންއައީ މިމުބާރާތުގެ އެންމެ ފުލަށް ދާނެކަމަށް ބެލެވުނު ޕަސަންޓް ސްޕޯޓްސް އެވެ. ނަތީޖާއަކަށް ވެގެންދިޔައީ މެޗްގެ 35 ވަނަމިނިޓްގައި މުޙައްމަދު އިރުޝާދު ( ރެޑޭ ) ޕަސަންޓްގެ ފުރަތަމަ ގޯލް ޖަހައިދިނުމެވެ.
ފުރަތަމަ ހާފް ނިމުނީ މިސްކޯގައި އޮވެގެންނެވެ. ދެވަނަ ހާފްފެށިގެންވެސް މެޗްކޮންޓްރޯލްކުރަމުން އައީ ޕަސަންޓް ސްޕޯޓްސް އެވެ. ނަމަވެސް ކްލަބު ޗެލެންޖާސް ކައުންޓް އެޓޭކްގައި ކުރިއަރާ ރިޒާ ދުއްވާލި ތުރޫޕާހަކުން ޗެލެންޖާސް އަށް ގެނެސްފައިވާ ގުރައިދޫޓީމަށް ކުޅެފައިވާ ރައޫފް ލަނޑެއްޖަހާ ނަތީޖާ ހަމަހަމަ ކޮށްދިނެވެ.މިލަނޑާއި އެކު ކުޅުމުގެ ފޯރި ގަދަވެގެން ދިޔައެވެ. އަދި ދެޓީމުން ފެނިގެންދިޔައީ ހަަމަހަމަ ކުޅުމެކެވެ. މިހާފުގައި ޕަސަންޓްގެ ލަނޑު ހާފްގެ 21 ވަނަމިނިޓްގައި ބަޔަށް ކާމިޔާބުކޮށްދިނީ ކުޅުދޫގެ 1 ނަމްބަރު ފޯވާޑު ނޫހެވެ. މިހިސާބުން ކްލަބު ޗެލެންޖާސް ގެ ކުޅުން ރަގަޅުކޮށް ޕަސަންޓް ސްޕޯޓްސް އަށް ބާރުބޮޑުކުރަމުން ދާތަން ފެނިގެން ދިޔައެވެ. ނަތީޖާއަކަށް ވެގެންދިޔައީ ޕަސަންޓްގެ ކުޅުންތެރިންގެ ފައުލުތައް އިތުރަށް ގިނަވެގެން ދިޔުމެވެ. ހަމަމިއާއި އެކު މެޗްގައި ހިނގި ހަމަނުޖެހުމަކާއި ގުޅިގެން ރެފްރީ ޖަމާލު 5 މިނިޓެއްހާއިރަށް މެޗް މެދުކަނޑާލިއެވެ.
ކްލަބު ޗެލެންޖާރސް އިން ލަނޑެއްޖެހުމަށް ކުރަމުންދިޔަ މަސައްކަތް ކާމިޔާބުވެގެން ދިޔައީި މެޗްނިމެން 5 ވަރަކަށް މިނިޓަށް ވެފައި އިންދާ ފަހުހާފްގައި ކުޅެންނިކުތް ސާމިހް ގޯލްކުރިމައްޗަށް ހުރަސްކުރި ބޯޅައެއް ޕަސަންޓްގެ ކެޕްޓަން ބޭންޑްއަޅައިގެން ކުޅެމުންދިޔަ މާފަރު ކުޅުންތެރިޔާ ( ނަބީލް ) ގެފައިގާ ޖެހިފައެވެ.
މިމެޗް ކުރިއަށް ދިޔައިރު ދަނޑުގެ ސެކިޔުރިޓީ ބެލެހެއްޓުމަށް ޚާއްޞަ ޓާސްކް ފޯހެއް ޙަރަކާތްތެރިވަމުން ދިޔައެވެ. އަދި ޓީމްތަކުގެ އޮފިސަލުން ރަސްމީ ހެދުމުގައި ތިބިކަން ވަރަށްބޮޑަށް ފާހަގަވެގެން ދިޔައެވެ.
މިމެޗްގެ މޮޅުކުޅުންތެރިއަކަށް ހޮވުނީ ކްލަބު ޗެލެންޖާސްގެ ރައޫފެވެ. މިމުބާރާތުގައި މާދަމާ ބައްދަލުކުރާނީ ޕަސަންޓް ސްޕޯޓްސް ކްލަބާއި އެފްސީ އޮކާޗީއެވެ.

2008-12-12T23:03:00.002+05:00

ބޮޑުތަފާތަކުން އޮކާޗީ ކާމިޔާބުކޮށްފި

ލަންދޫގެ ތާރީޚްގައި މިހާތަނަށްބޭއްވޭ އެންމެ ފޯރިގަދަ މުބާރާތް ކަމުގައިވާ " ލިޔެސް ހޮލިޑޭކަޕް " މިއަދު ފެށިއްޖެއެވެ. ރާއްޖޭގެ ޤައުމީފުޓްބޯޅަޓީމްގެ ކެޕްޓަން އައްސަދު ޢަބުދުލް ޣަނީ ފައްޓަވައިދެއްވި މިމުބާރާތް ފެށިގެންދިޔައީ އައްސަދު ޤައުމީ ދިދަ ނަންގަވައިދެއްވާ ޖަމިއްޔާގެ ނައިބުރައީސް ލިޔެސްޖަމްޢިއްޔާގެ ދިދަ ނަންގަވައިދެއްވާ ހަތަރު ކެޕްޓަނުން ހަތަރުޓީމްގެ ދިދަ ނަންގަވައިދެއްވުމަށްފަހު ޝަރަފްވެރިމެހްމާންގެ ވާހަކަކޮޅަކަށްފަހު މުބާރާތަށް ހެދިފައިވާ ލަވަޔަކަށް ޓީމްތަކުގެ ހުރިހާކުޅުންތެރިން ހުށަހަޅައިދިން ޚާއްޞަޑްރިލް އަކުންނެވެ.

ގާތްގަޑަކަށް މީގެހައެއްކަމަސްދުވަސްކުރިން ތައްޔާރުވަމުންއައި މިމުބާރާތް ހުޅުވައިދިނުމުގެގޮތުން ބައްދަލުކުރީ އެފްސީ އޮކާޗީ އާއި މުބާރާތުގެ ފެވަރިޓުންގެ ގޮތުގައި މަޝްހޫރުވެފައިވާ ވެލޯސިޓީއެވެ.
ފީފާ ޖަހާފައިވާ ޓީޝާޓެއް ލައިގެން ހުރި ތަޖްރިބާކާރު ރެފްރީ އަޙްމަދު ދާއޫދުގެ ރެފްރީކަމުގެ ދަށުގައި ކުޅެވުނު މިމެޗްގެ ފުރަތަމަ 15 ވަރަކަށް މިނިޓްގެ ތެރޭގައި އެއްވެސް ޓީމަކަށް މާއެދެވޭ ކުޅުމެއްދެއްކިފައެއްނުވެއެވެ.
ނަމަވެސް 15 ވަރަކަށް މިނިޓްފަހުން އެފްސީ އޮކާޗީން އެޓީމްގެ ކުޅުން ރަގަޅުކޮށް މެޗްގެ ކޮންޓްރޯލް އަތުލިއެވެ. ނަތީޖާއަކަށް ވެގެންދިޔައީ މެޗްގެ 30 ވަނަމިނިޓްގައި މުބާރާތުގެ ފުރަތަމަ ގޯލް ވެލޯސިޓީގެ ގޯލަށް ވައްދާލައިގެން އޮކާޗީގެ މޫސާ ޙުސެއިން ( މިހާސް ) އެފްސީ އޮކާޗީއަށް ކުރިހޯދައިދިނުމެވެ.
މިލަނޑަށް ފަހުވެސް މޮޅަށްކުޅެ ގިނަ ހަމަލާތައް އުފައްދަމުންދިޔަތަން ފެނިގެންދިޔައީ ތަޖްރިބާކާރު ކުޅުންތެރިންތަކެއް ހިމެނޭ އެފްސީ އޮކާޗީއެވެ. ފުރަތަމަހާފް ނިމެގެންދިޔައީ މޫސަގެ މިލަނޑާއި އެކު އޮކާޗީ ކުރީގައި އޮވެގެންނެވެ.
ދެވަނަހާފް ފެށިމާގިނައިރެއްނުވެ އެފްސީ އޮކާޗީގެ ދެވަނަލަނޑު މޫސަގެ ހިލޭޖެހުމަކުން ކާމިޔާބުކޮށްދިނީ ޙުސެން ޖަވާދު ( ޖަވާ ) އެވެ. މިލަނޑާއެކުވެސް މޮޅަށްކުޅެ ގިނަޙަމަލާތަކެއް އުފައްދަމުންދިޔައީ އެފްސީ އޮކާޗީއެވެ. ނަތީޖާއަކަށް ވީ ވެލޯސިޓީގެ ޑިފެންސްލައިނަށް ބާރުބޮޑުވެ އެފްސީ އޮކާޗީގެ ހަލުވިދެފޯވާޑުން ކަމުގައިވާ ޔޫއްޓޭ އާއި ޖަވާގެ ޕާޓްނަރ ޝިޕްގައި ފުލްފުލުގައި ޖަވާ ދެ ލަނޑުޖަހާ އެފްސީ އޮކާޗީގެ ސްކޯ 4 ށް އަރުވާލުމެވެ.
މިމެޗްނިމިގެންދިޔައީ ކުރިންހީކުރިގޮތާއި ޚިލާފަށް 4-0 ލަނޑުން އެފްސީއޮކާޗީ މެޗް ކާމިޔާބުކޮށްގެންނެވެ.
މިމެޗްގެ މޮޅުކުޅުންތެރިއަކަށް ހޮވިފައިވަނީ މުބާރާތުގެ ފުރަތަމަ މެޗްގައި މުބާރާތުގެ ފުރަތަމަ ހެޓްރިކް ހެދި އެފްސީ އޮކާޗީގެ ޙުސެއިން ޖަވާދެވެ.
މިމުބާރާތުގައި މާދަމާ ބައްދަލުކުރާނީ ކްލަބު ޗެލެންޖާސް އާއި ޕަސަންޓް ސްޕޯޓްސް ކްލަބެވެ.

2008-12-12T10:37:00.004+05:00

މުބާރާތްހުޅުވައިދޭނީ "އެފްސީ އޮކާޗީ" އާއި "ވެލޯސިޓީ"

މޫސާ ހުސެއިން / މިހާސް

ލަންދޫގައި މިހާތަނަށް ބޭއްވޭ އެންމެފޯރިގަދަ މުބާރާތް ހުޅުވައިދިނުމުގެ ގޮތުންމިއަދު ބައްދަލުކުރާނީ އެފްސީ އޮކާޗީއާއި ވެލޯސިޓީއެވެ.
މީގެކުރިން ހޮލިޑޭ ކަޕްގައި ބާއްވަމުން އައި މިމުބާރާތް މިއަހަރު " ލިޔެސް ހޮލިޑޭކަޕް " ގެ ނަމަށް ބަދަލުކޮށް މިމުބާރާތަށް ތައްޔާރުވުމުގެ މަސައްކަތް " ލިޔެސް " ޖަމްޢިއްޔާއިން ފަށާފައިވަނީ މިއަހަރުގެ މެދާކަތް ހާހިސާބުގައެވެ. އެހާހިސާބުން މިމުބާރާތަށް ޓީމްތައް ވަނީ ތައްޔާރުވާން ފަށާފައެވެ.

މިއަހަރުގެ އަލްޙާޢީދު އައުމުގެ އެތައްދުވަހެއްކުރިންވަނީ ފުޓްބޯޅައިގެ ޢީދެއްލަންދުއަށް އައިސްފައެވެ. ކުދިބޮޑު އަންހެންފިރިހެން އެންމެއްކަހަލަގޮތަކަށް ދައްކަމުން ދަނީ ލިޔެސް ހޮލިޑޭ ކަޕްގެ ވާހަކައެވެ.
މިއަދު މި މުބާރާތް ފެށިގެންދާއިރު މުބާރާތުގައި ވާދަކުރާ ހަތަރު ޓީމުގެ އިތުރަށް މުޅިލަންދޫވެސް މިވަނީ މިމުބާރާތަށް ތައްޔާރުވެފައެވެ. ރަށުގެ މަގުތަކުގައިވަނީ ޓީމްތަކުގެ މެސެޖްތައްލިޔެ ބެނާތައް ދެމިފައެވެ. ރަށުގެ ހުރިހާ ގެއަކަށްވަނީ ޓީމްތަކުގެ ދިދަތައްބެހި ޢަމަލީގޮތުން މުބާރާތުގެ ބައިވެރިއަކަށް ވުމަށް ދަޢުވަތު ދެވިފައެވެ.
މިއަދު މި މުބާރާތް ހުޅުވާމެޗްގައި އެފްސީ އޮކާޗީއާއި ވެލޯސިޓީ ބައްދަލުކުރާއިރު ވެލޯސިޓީ ވެފައިވަނީ މުބާރާތުގެ ފެވަރިޓަށެވެ. މި މުބާރާތުގައި ވާދަކުރާ ޓީމްތަކަށް ބަލާއިރު އެންމެވަރުގަދަ ސްކޮޑެއްއޮތް އެއްޓީމަކީވެސް ވެލޯސިޓީއެވެ. މިޓީމްގައި ތިބި ނަންމަޝްހޫރު ކުޅުންތެރިންގެ ތެރޭގައި ކެނދިކޮޅަށް އުފަން ޞައްފަތު މުޙައްމަދު ( ޞޮއްޕޭ ) ، މިރަށަށް އުފަން އަޙްމަދު ރަޝީދު ( ލައިބް )، ޞޮލާޙް ، ޒަރީރު، ނިޔުގެ ކޮކީގެ ބޭބެ ކައްޓީ، ޒަންޑަ، އަރަމުން އަންނަ ޒުވާން ސުޖާދު، ހަލީމް، ޝިމާއު، ޢާރިފް ފާހަގަކޮށްލަން ޖެހެއެވެ. މިޓީމްގެ ގޯލްބެލެހެއްޓުމަށްޓަކައި މަގްލަސް ޓީމްގެ ގޯލްކީޕަރު ކުރިކުޅުންތެރިޔާ ފަރިތަކުރަމުން އަންނަތާ ދެތިން ހަފްތާވެސް ވެއްޖެއެވެ. މިޓީމްގެ ކޯޗްކަންކުރާނީ ރަށުގެ 1 ނަމްބަރު ޓީމްގެ ވެސް ކޯޗް ގާނާ އެވެ.
މިއަދު ވެލޯސިޓީއާއި ބައްދަލުކުރާ އެފްސީ އޮކާޗީއަކީ ތަޖްރިބާކާރު ކުޅުންތެރިން ތަކެއްގެ މައްޗަށް އެކުލެވިގެންވާ ޓީމެކެވެ. ނަމަވެސް މިވަގުތު ރަށުގައިހުރި އެންމެ މޮޅުކުޅުންތެރިޔާކަމަށް އެންމެވެސް ޤަބޫލުކުރާ ޔޫއްޓޭ ހުރީ މިޓީމުގައެވެ. މީގެއިތުރުން މިޓީމްގައިތިބި ފާހަގަކޮށްލެވޭ ކުޅުންތެރިންގެ ތެރޭގައި، ޖަވާ، ކުޑައައްޔަ، ސައިންޓޭ، އަޙްމަދު ޝަރީފް، ޢަލީ ދާއޫދު ، އަދި ނޯތޭ އާއި މަޝްހޫރު ގޯލްކީޕަރ ވައްސޭ ފާހަގަކޮށްލެވެއެވެ.
މިމުބާރާތުގައި މާދަމާ ބައްދަލުކުރާނީ ކްލަބް ޗެލެންޖާސް އާއި ޕަސަންޓް ސްޕޯޓްސް ކްލަބެވެ.

2008-12-11T20:50:00.002+05:00

ލިޔެސް ހޮލިޑޭކަޕްނެޓްބޯޅަމުބާރާތުގެ ޗެމްޕިއަންކަން "ޕަސަންޓް ސްޕޯޓްސްކްލަބް" ހޯދައިފި

ލިޔުނީ : އަޙްމަދު ދާއޫދު

ލަންދޫޔޫތުއެންކަރޭޖިން ސޮސައިޓީ ( ލިޔެސް ) އިންތިޒާމްކޮށްގެން ބޮޑުޢީދުގައި ކުރިއަށްގެންދިއުމަށް ހަމަޖެއްސި ލިޔެސް ހޮލިޑޭކަޕް ނެޓްބޯޅަ މުބާރާތުގެ ޗެމްޕިއަންކަން ޕަސަންޓްސްޕޯސްޓްސްކުލަބު ހޯދައިފިއެވެ.

ނެޓްބޯޅަމުބާރާތުގެ ފައިނަލްގައި އެފްސީ އޮކާޗީއާއި ބައްދަލުކޮށް މިއަދު ހަވީރު ކުޅުނު މެޗް ޕަސަންޓް ސްޕޯޓްސްއިން ކާމިޔާބުކުރީ 25 ޕޮޓް 19 ޕޮޓުންނެވެ. މިމުބާރާތުގެ އެންމެ މޮޅުކުޅުންތެރިޔާ " ކްއީން އޮފްދަ ޓޯނަމެންޓްގެ މަޤާމް " ހޯދީ ޕަސަންޓް ސްޕޯޓްސް ކްލަބުގެ ޙަދީޖަތު ވަރުދާ ( އަކިރި ) އެވެ.
ޗެމްޕިއަންކަން ހޯދިޓީމަށް ތަށްޓާއި ހަނދާނީ ލިޔުންތައް ބައްސަވައިދެއްވީ މިމުބާރާތުގެ ޝަރަފްވެރިމެހްމާން ލަންދޫގެ މަޝްހޫރު ވިޔަފާރިވެރިޔާ ލަންދޫމުރިނގު އަލްފާޟިލް ޚާލިދު އަބޫބަކުރެވެ.

އިތުރުބައެއްފޮޓޯ

2008-12-11T09:06:00.003+05:00

ޗުއްޓީގެބޭނުން ހެޔޮގޮތުގައިހިފުން

ލިޔުނީ :މޫސާ ޙުސެއިން / މިހާސް

މިއީ މަދަރުސާކުދިންގެ ބޮޑުޗުއްޓީގެ ދުވަސްވަރެވެ. ގާތްގަޑަކަށް 190 ދުވަސް ކިޔެވުމުގައި ހޭދަކުރާފަހުން ސިކުނޑި ހަމަޖައްސާލުމަށް ނުވަތަ ފްރެޝްވެލުމަށް ކުދިންނަށް ލިބޭދުވަސްކޮޅެކެވެ.
މިދުވަސްވަރާއިދިމާކޮށް ބެލެނިވެރިންދަނީ އެމީހުންގެ ދަރިންނަށް ތަފާތުޕްރޮގްރާމް ތައް ރާވައިދީ ހިންގައިދެމުންނެވެ.

އަޅުގަނޑުމެންގެ މިކުޑަކުޑަމުޖްތަމަޢުގައިވެސް ޗުއްޓީހޭދަކުރުމުގެ ވައްޓަފާޅިއަށް މިއަދުމިވަނީ ވަރަށް ބޮޑަތިބަދަލުތަކެއް އައިސްފައެވެ. ސްކޫލްނިމި ޗުއްޓީފެށުމާއި އެކުގައިކަހަލަގޮތަކަށް ރަށުގެބީޗުތައްވަނީ ސްކޫލްކުދިންނާއި ބެލެނިވެރިން ތަކުން ފުރާލާފައެވެ. ރަގަޅުއަދި އުފާކުރުން ރަގަޅުތަންކޮޅަކީ ޗުއްޓީގައިވިޔަސް ބެލެނިވެރިޔަކާއި އެކުގައިމެނުވީ ސްކޫލް ކުދިންބީޗުން ނުފެންނަކަމެވެ.
ޗުއްޓީއަކީ ކުދިން މަސްޣޫލްވެގެން އުޅުނު ކަންތައްތައް ފިޔަވާ އެހެންކަމަކަށް ނުވަތަ ކަންތައްތަކަކަށް އެކުދިންނަށް ފުރުޞަތުހޯދައިދީ ތަޖްރިބާކޮށްލުމުގެ ފުރުޞަތުހޯދައިދިނުމެވެ. ނުވަތަ އެކުދިންގެ މާހައުލު ކުޑަވަގުތުކޮޅަކަށް ނަމަވެސް ބަދަލުކޮށްލުމެވެ.
މިގޮތުން މިއަދު ރަށުގެ ވަރަށްގިނަގެތަކުން ވަރަށްގިނަހިސާބުގަނޑުން ތުއްތުކުދިން ( ގްރޭޑް 1،2 އަދި 3 ) އެކުދިންގެ ބެލެނިވެރިންނާއި އެކު ފަންގިވިނުމުގެ މަސައްކަތް ކުރާމަންޒަރު ފެނިގެންދެއެވެ. މީގެތެރެއިން ގިނަކުދިންނަކީ އެކުދިންގެ މުޅިޢުމުރުގައިވެސް ފުރަތަމަ ފަހަރަށް މިކަންތައް ތަޖްރިބާ ކުރާކުދިންނެވެ. މިކުދިން ފަންގިވިނުމަށްފަހު މިހިސާބުން އެކަންތައް ހުއްޓައިނުލާ އެކުދިންގެ މަސައްކަތުން ( ފަނުން ) ކުޑަގެ އަޅައިގެން " ބަތްކައްކާ" ކުޅޭތަން ފެނިގެންދިއުމުން ހިތަށްހިތްހަމަޖެހުމާއި، އުފާވެރިކަން އިޙްސާސްކުރެވެއެވެ. އަދި މިފަދަ ގޮތަކަށް ދަރިވަރުންނަށް ޗުއްޓީހޭދަކުރުމުގެ ފުރުޞަތު ތަނަވަސްކޮށްދެއްވާ ބެލެނިވެރިންނަށް ޝުކުރުން ހިތްފުރިގެންދެއެވެ.

2008-12-11T08:57:00.002+05:00

ބޭސްކުރުމުގެސީޒަން

ލިޔުނީ : ގޮމަ

ލަންދުއަކީ ދިވެހިރާއްޖޭގައިވާ އުތުރުގެ ރަށްތަކުގެތެރެއިން ދިވެހިބޭސްވެރިކަމަށް އަރާހުރި ރަށެކެވެ. މިކަންހާމަވެގެންދަނީ ދިވެހިބޭސްކުރުމަށްޓަކައި ރާއްޖޭގެއެތަންމިތަނުން މީހުންއަންނަމުންދާކަމެވެ.
ކޮންމެއަހަރެއްގެވެސް ސްކޫލްކުދިންގެ ބޮޑުބަންދުވެފައިވަނީ މިގޮތުންދިވެހިބޭސް ކުރުމަށްޓަކައި އެންމެގިނަޢަދަދެއްގެމީހުން އެއްފަހަރާ ޒިޔާރަތްކުރާދުވަސްވަރަށެވެ.

މިރަށުސޯސަންގެ އަލްފާޟިލް ޙުސެއިން އިބްރާހީމް ( ޙުސެންފުޅުބެ )ގެ ގާތަށް ދިވެހި ބޭސްކުރުމަށްޓަކައި ދިވެހިރާއްޖޭގެ ހުރިހާ ކަންކޮޅުތަކަކުން މީހުން އަންނަމުން ދެއެވެ.
ޚާއްޞަކޮށް ރުއްގަލުބޭހަށް ފަރުވާ ކުރުމަށްޓަކައި ތަފާތު ވައްތަރުގެ ބޭސްތަކާއި ފަތްޕިލާވެލި ހޯދައިދީ ބޭސްގަނޑު ތައްޔާރުކުރުކޮށްދިނުމަށްޓަކައި ތަފާތު ގްރޫޕްތައްވަނީ މިއަދު މިރަށުގައި އުފެދިފައެވެ. މިކަމުގެ ސަބަބުން ރަށުގެ އެތައްބަޔަކަށް ނަފާލިބިގެންދެއެވެ.
މިރަށުންބޭސްކޮށް މުޅިންރަގަޅުވެފައިވާ ފަރާތްތަކުގެ ތެރޭގައި ރާއްޖޭންބޭރަށްގޮސްއެތައް ޚަރަދުތަކެއްކޮށްގެން ރަގަޅުވެފައިނުވާ އެތައްބަޔަކާއި، ޑޮކްޓަރީބޭސްކޮށް ރަގަޅުވެފައިނުވާ އެތައްބަޔަކު ހިމެނެއެވެ.
ފުޓްބޯޅަކުޅުންތެރިންގެ ފަޔަށް ތަދުވުމާއި، ހުޅުންނެއްޓުންފަދަކަންތައްތައްކަށް ޚާއްޞާފަރުވާތަކެއް ލިބެމުންދާތީވެ މިދުވަސްކޮޅު ބޭސްވެރިކަމުގެ ޑިމާންޑް ބޮޑުވެފައިވެއެވެ.
މިދުވަސްކޮޅު މިރަށުން ދިވެހިބޭހުގެ ޚިދުމަތް ލިބިގަތުމަށްޓަކައި 20 ބޭކަލުން އެބައްތިއްބެވިއެވެ. މީގެތެރޭގައި އެންމެދެކުނުން ފޯއްމުލަކުގެ ބޭފުޅަކު ހިމެނޭއިރު އުތުރުން ށ.ފުނަދޫބޭކަލަކުވެސް ހިމެނެއެވެ. ހަމަމިއާއިއެކު މެދުރާއްޖެތެރެއިން ކ.ކާށިދޫ ބޭލަކުހިމެނޭއިރު މާލެއަތޮޅު ހިންމަފުށީގެ ބަޔަކުވެސް އެބައުޅެއެވެ. މާލޭގެ އެތައްބަޔަކު އުޅޭއިރު ހިންނަވަރު ނައިފަރު އެތައްބަޔަކުވެސް ހިމެނެއެވެ.
މިދުވަސްކޮޅު ދިވެހިބޭހަށް އަންނަންބޭނުންވާ އެތައްފަރާތްތަކެއް ތިބޭނެތަނެއްނެތިގެން ވެއިޓިންލިސްޓްގައި ތިބިކަމީ މިދުވަސް ކޮޅަކީ ދިވެހިބޭސްވެރިކަމުގެ ސީޒަންކަމުގެ ހެއްކެކެވެ.

2008-12-11T08:38:00.004+05:00

މިއަތޮޅުގެބިއުރޯ ކީއްކުރާތަނެއްތަ؟

ލިޔުނީ: މޫސާ ޙުސެއިން / މިހާސް

އަތޮޅުތަކުގައި ޓީވީއެމްގެ ބިއުރޯތައް ޤާއިމްކުރެވޭ އަޑުއިވުމުން އަޅުގަނޑުގެ ހިތަށް ވަރަށްބޮޑު އުފާވެރިކަމަކާއި ހިތްހަމަޖެހުމެއް ވެރިވިއެވެ. އަޅުގަނޑުގެ އަޑުވެސް މުޅިރާއްޖެއަށް އިއްވާލުމުގެ ފުރުޞަތު ލިބިގެންދާތީއެވެ. ރަށަށްދިމާވެފައިވާ އިޖްތިމާއީ ތަފާތުމައްސަލަތައް ރާއްޖޭގެ އެންމެވަރުގަދަ އެއްމުވައްސަސާ ކަމުގައިވާ ޓީވީއެމް މެދުވެރިކޮށް ރާއްޖޭގެ އެންމެންނަށް ފޯރުކޮށް ދެވޭނެފުރުޞަތު ލިބިގެންދާނެތީއެވެ.

ނަމަވެސް ކަންތައް މިއަދާހިސާބަށް ވެގެންގޮސްފައިވަނީ އަޅުގަނޑުމެން ހީކުރިގޮތާއި މުޅިންޚިލާފަށެވެ. މިއަތޮޅުގެ ބިއުރޯމިހާތަނަށްވެގެންގޮސްފައިވަނީ އަތޮޅުވެރިޔާގެ ދަތުރުފުޅުތައް ކަވަރ ކޮށްދޭ މީޑިއާ ރިޕޯޓަރަކަށެވެ. އަޅުގަނޑުމެން ރަށްރަށުން ކިތަންމެ ބޮޑުކަމެއް ރާވާ އިންތިޒާމްކޮށް އަންގާލިޔަސް ބިޔުރޯއަށް އޮންނަނީ ނާދެވިފައެވެ. އަތޮޅުވެރިޔާއާއި އެކު ރަށްރަށަށް ކުރާމަދު ޒިޔާރަތް ޒިޔާރަތުގައި އާދޭސްކޮށްގެން ރިޕޯޓެއް ތައްޔާރުކޮށް ގެނެސްދޭށޭ ކިޔާއާދޭސްކުރުމުން ވީޑިއޯކޮށްލުމަށްފަހު އެދާތަނަކަށް ދިޔުމަށްފަހު ޚަބަރެއްދަބަރެއްނުވެއެވެ.
ޓީވީއެމް ޚަބަރު ގަޑީގައި ތަފާތުއަތޮޅުތަކުގެ ރަށްރަށާއި ގުޅޭގޮތުން ތަފާތުރިޕޯޓްތައް އަންނަތަން ފެނުމުން އަޅުގަނޑުމެންގެ މިއަތޮޅުގެ ބިއުރޯގެ ބޭނުމަކީ ކޮބައިބާވައޭ ހިތަށްއަރާލެއް އިތުރުވެގެންދެއެވެ.
" ޢަލީ ސުލައިމާން ޓީވީއެމް " ކުރުމުއްދަތެއްގެ ތެރޭގައި މުޅިރާއްޖޭގެ އެންމެންގެ އެންމެގާތް އެކުވެރިއަކަށް ވެގެންދިޔައީ އޭނައިގެ އަޑުގެ ހުރިޖާޒުބީ ކަމަކުން ނޫނެވެ. އޭނާ ޙަވާލުވި ކޮންމެބިއުރޯއެއްގައި ހުންނަވައިގެން އޭނާކުރެއްވި ޢާއްމުންނާއި ހިސާބަށް އޭނާގެނެސްދެއްވި އާދަޔާ ޚިލާފު ރިޕޯޓުތަކަކުންނެވެ.
މިއަތޮޅުގައި މަސައްކަތްކުރެއްވި ތަފާތުބޭފުޅުން އެހެން އަތޮޅުތަކުގެ ބިއުރޯތަކަށްގޮސް ތަފާތުރިޕޯޓްތައް މިއަދު ހުށަހަޅައިދޭންފެށުމުން މިއަތޮޅުބިއުރޯގައި މަސައަކަތް ކުރައްވާބޭފުޅުންނަށް އުދަގުލާއި ކުރިމަތިލާންޖެހޭކަމުގެ އިޙްސާސް ވެސް ބައެއްފަހަރު ކުރެވެއެވެ.
ކޮންމެގޮތެއްގައިވިޔަސް އަޅުގަނޑުގެ ނަޒަރުގައި އަތޮޅުރަށްތަކުގެ ތަރައްޤީއަށް އެއަތޮޅެއްގައި ހުންނަބިއުރޯއަކީ ވަރަށްމުހިއްމު ދައުރެއްއަދާކުރެވިދާނެ ތަނެކެވެ.

2008-12-11T08:28:00.002+05:00

ސަޕޯރޓަރުން ހޯދުމުގެ މަސައްކަތް ފަށައިފި

ލިޔުނީ : މޫސާ ޙުސެއިން / މިހާސް

ލަންދޫގެ ތާރީޚްގައި މިހާތަނަށް ބޭއްވޭނެ އެންމެފޯރިގަަދަ ފުޓްބޯޅަމުބާރާތުގައި ވާދަކުރާ ޓީމްތަކުން އެޓީމްތަކަށް ސަޕޯރޓްކުރާނެ މީހުން ހޯދުމުގެ މަސައްކަތްފަށައިފިއެވެ.
މިލިސްޓުގެ އެންމެކުރީގައި އުޅެނީއެންމެ ވަރުގަދަ ސްކޯޑަކާއިއެކު މިމުބާރާތައް ތައްޔާރުވަމުން އަންނަ " ކުލަބްޗެލެންޖާސްއެވެ." އެވެ.

ސަޕޯރޓަރުން ހޯދުމަށްޓަކައި މިޓީމުން 10 ވަރަކަށް ބެނާ ރަށުގެ ތަފާތުހިސާބް ތަކުގައި ދެމުމަށް ހަމަޖެހިފައިވާ އިރު 500 އެއްހާދިދަ ރަށުގެތެރެއަށް ބަހާލުމަށް މިޓީމުން އަންނަނީ ތައްޔާރުވަމުންނެވެ. އެންމެޒުވާން ކުޅުންތެރިން ހިމެނޭމި ޓީމަށްވަނީ މީގެއަހަރުތަކެއް ކުރިން ވިދާލި މަޝްހޫރު ދެތިންކުޅުންތެރިންވެސް ގުޅިފައިވެއެވެ. މީގެތެރޭގައި ރިޒާ،މަޖޫ،ނާސިރާއަބޭ އަދި މާއްޓޭހިމެނެއެވެ. އެންމެގިނަ ސަޕޯރޓަރުންނާއިއެކު މިމުބާރާތައް ނިކުންނާނެ ޓީމަކަށްވެސް ބެލެވެނީހަމަ މިޓީމެވެ.
ޕަސަންޓް ސުޕޯރޓްސއަކީ މިލިސްޓުގެ ދެވެނައިގައި އުޅޭޓީމެވެ. މިޓީމުން މިހާރު އަންނަނީ ސަޕޯރޓަރުންހޯދުމަށްޓަކައި ބެނާއާއި ދިދަ ތައްޔާރުކުރަމުންނެވެ. މިޓީމުގެ ސްކޮޑްވެސްވަނީ މިހާރުވަރަށް ވަރުގަދަވެފައެވެ. މިގޮތުން ޒުކާއަދި އަޕީވަނީ ޓީމާގުޅިފައެވެ.
މިފަހަރު ފެވަރިޓުންގެ ގޮތުގައި ބެލެވޭ"ވެލޯސިޓީ" އުޅެނީ މިލިސްޓުގެ 3ވަނައިގައެވެ. ޒުވާންކުޅުންތެރިންނާއި ތަޖުރިބާކާރު ކުޅުންތެރިންގެ މައްޗައް ހިމެނޭމިޓީމަކީ މިމުބާރާތުގައި އެންމެވަރުގަދަ ސްކޯޑަކާއިއެކު ނިކުންނާނެ ޓީމްވެސްމެއެވެ.
ސަޕޯރޓަރުން ހޯދުމުގެ ލިސްޓުގެ އެންމެފަހަތުގައި މިއުޅެނީ އެފްސީ އޮކާޗީއެވެ. ކުރީގެކުޅުންތެރިންގެ މައްޗައް އެކުލެވިގެންވާ މިޓީމް އަދިމިހާތަނަށް މިކަމަށް އެއްވެސް މަސައްކަތެއްކޮށްފައެއްނުވެއެވެ. ނަމަވެސް މިޓީމާއިވެސް ވަނީވަރަށް ފަހުން 3 ކުޅުންތެރިއަކު ގުޅިފައެވެ. އެއީ އަޙްމަދް ޝަރީފް، ފަޔާޒް އަދި ބަރޭ(އިއްސޭ) އެވެ.
" ލިޔެސް ހޮލިޑޭކަޕް " ކާމިޔާބްކުރުމުގައި ސަޕޯރޓަރުންނަކީ ކިހާމުހިންމު ބައެއްކަމާއި އަދި އެންމެގިނަ ސަޕޯރޓަރުންނެއް ތިބީކޮން ޓީމެއްގައިކަން ކަނޑައެޅިގެން ނިންމަޏްއެގޭނީ މިމުބާރާތްފެށުނީމައެވެ. އަޅެބަލަން ތިބެމާހިގާށެވެ.

2008-12-09T14:04:00.002+05:00

މާޅެންދޫގެ ގިނަރައްޔިތުންތަކެއް ލަންދުއަށް

ލިޔުނީ : މޫސާ ޙުސެއިން / މިހާސް

މިއަހަރުގެ އުފާވެރި އަޟްޙާޢީދުގެ ކުޅިވަރުތައް ބަލާލުމަށްޓަކައި މާޅެންދޫގެ ވަރަށްގިނަ އަދަދެއްގެ ބަޔަކު އިއްޔެގެ ހަވީރުލަންދުއަށް ޒިޔާރަތްކޮށްފިއެވެ.
ލަންދޫގެ ސަޤާފީކުޅިވަރު އާލާކޮށްދިރުވާ ދަނޑިޕާރޓީ ޤްރޫޕްއިން އިއްޔެބޭއްވި ދަނޑިޖެހުމުގެ އައިޓަމްތައް ބަލާލުމަށް ލަންދޫއަށް އިއްޔެމާޅެންދޫއިން ޒިޔާރާތްކުރިމީހުންގެ އަދަދު 100 އަށްވުރެ މަދުނުވާނެކަމަށް ލަންދޫ އިންފޯއަށް މަޢުލޫމާތު ލިބިފައިވެއެވެ.

މިފަހަކަށްއިސް ލަންދޫގައި އެންމެފޯރީގައި ކުރިއަށް ގެންދެވުނު ދަނޑިޖެހުމުގެ އައިޓަމްބަލާލުމަށްޓަކައި މާޅެންދޫރައްޔިތުންގެ އިތުރުން މާފަރުގެބައެއް ރައްޔިތުންވެސް ޒިޔާރަތްކުރައްވާފައިވެއެވެ. އަދިމީގެ އިތުރުން އިރުފުށި ރިޒޯޓްގެ ބައެއްފަތުރުވެރިންވެސް ޒިޔާރާތްކުރައްވާފައިވެއެވެ.
ލަންދޫގެވެސް އެންމެހާރައްޔިތުންގެ ފުރިހަމަ ސަޕޯރޓްލިބިގެންދިޔަ ދަނޑިޖެހުމުގެ މިއައިޓަމަށްފަހު ރޭގައިވަނީ މިޤުރޫޕުގެ ފަރާތުން ބޮޑުބެރު ޝޯވ އެއްވެސް ހުށަހަޅައި ދީފައެވެ.
ލަންދޫގެ ކުޅިވަރުސްޓޭޖްގައި ބޭއްވުނުމި ޝޯވގައި ވަރަށްގިނަ ޢަދަދެއްގެ ބަޔަކު ޢަމަލީގޮތުން ބައިވެރިވެފައިވާކަން ފާހަގަކޮށްލެވެއެވެ. ހަމަމިއާއިއެކު ކުޅިބެލުމަށްޓަކައި ރަށުގެ ކުދިބޮޑު އެންމެންކަހަލަ ގޮތަކަށްވަނީ ސްޓޭޖްދޮށަށް ޖަމާވެފައެވެ.
މިއަހަރުގެމި ޢީދަކީ އުފާވެރިކާމިޔާބު ޢީދަކަށް ހެދުމަށްޓަކައި ލަންދޫގެ އެންމެހާ ރައްޔިތުން އަންނަނީ ނުޙަނުގިނަގުން މަސައްކަތްތަކެއް ކުރަމުންނެވެ.

2008-12-08T23:23:00.003+05:00

ފަންސަވީސްފަރާތަކަށް ސިޓީފޮނުވައިގެން އެހީލިބުނީ އެންމެފަރާތަކުން ކަމަށް ލަންދޫއޮފީހުން ހާމަކުރައްވައިފި

ލިޔުނީ: އަޙްމަދު ދާއޫދު

ލަފާފުރުމުގެ ދަތިކަން ފިލުވައިދެއްވުމުގެ ގޮތުން ސަރުކާރުން ލަންދޫ ގައި ހައްދަވައިދެއްވަމުންގެންދަވާ ފަޅުގެމަސައްކަތް ގާތްގަޑަކަށް ނިމިފައިވާއިރު ސަރުކާރުފިޔަވާ އަމިއްލަފަރާތަކުން ހަމައެކަނިއެހީއެއްދެއްވީ އަލްފާޟިލް ޤާސިމް އިބްރާހިމް ކަމުގައި ލަންދޫއޮފީހުން ހާމަކުރައްވައިފިއެވެ.

ލަންދޫފަޅަށް އިތުރުއެހީއެއްގެ ގޮތުން އަލްފާޟިލް ޤާސިމް އިބްރާހީމް ( ބުރުމާޤާސިމް ) ދެއްވި 300 ކޮތަޅުސިމެންތިން ކުރާނެ ކަމަކާމެދު ރައްޔިތުންނާއި މަޝްވަރާކުރުމަށް ބޭއްވި ބައްދަލުވުމުގައި ކަތީބު ނަޞީރު ވިދާޅުވީ އެހީހޯދަން 25 ފަރާތަކަށް ސިޓީފޮނުވައިގެން ހަމައެކަނި އެހީއެއް ދެއްވީ ޤާސިމް ކަމުގައެވެ. މި 25 ފަރާތުގެ ތެރޭގައި ރާއްޖޭގެ މަޝްހޫރު ވިޔަފާރިވެރިންނާއި ސިޔާސީ މަޝްހޫރު ބޭފުޅުން ހިމެނިފައިވާނެކަމަށް ވެސް ނަސީރު ރައްޔިތުންނަށް ހާމަކޮށްދެއްވިއެވެ.
މަޢުލޫމާތު ލިބިފައިވާ ގޮތުގައި ޤާސިމް މިދެއްވި އެހީއަކީވެސް އެމްޑީޕީ އިއްތިހާދުގެ ކެމްޕެއިން ދުވަސްވަރު ރައްޔިތުންގެ ފަރާތުން ގިނަޢަދަދެއްގެ ބަޔަކު ޤާސިމް ގެ އަރިހަށްގޮސް ދެންނެވި ދެންނެވުމާއި ، އެކު ލަންދޫއޮފީހުން ފޮނުވާފައިވާ ސިޓީއަށް ދެއްވި އެހީއެކެވެ.
ޤާސިމް ދެއްވި 300 ކޮތަޅުސިމެންތިން ލަންދޫ ރައްޔިތުންނިންމާފައިވަނީ އަލަށް ހައްދަވައިދެއްވާ އޮޑިއެހެލާސަރަޙައްދުގެ ބޭރުތޮށީގެ ގޮތުގައި ވަޅުބުރިތަކެއް އަޅައި އެތަންހިމާޔަތް ކުރާގޮތަށެވެ. މިމަސައްކަތް ކުރާގޮތަށް ނިންމީ ރައްޔިތުންގެ އަމިއްލަމަސައްކަތަތެއްގެ ގޮތުގައި ރައްޔިތުންކުރާގޮތަށެވެ. އަދި މިވަޅުބުރިތައް އަޅަން ތައްގަޑުހެދުމަށް ބޭނުންވާ ދަގަނޑުފިލާފަދަ ސާމާނު ގަންނަގޮތަށް ރައްޔިތުންނިންމީ ރައްޔިތުންގެ އެކައުންޓްގައިވާ ފައިސާ ޚަރަދު ކޮށްގެންނެވެ.

2008-12-06T22:12:00.002+05:00

މާފުށީޖަލްގައި ހުކުމްތަންފީޒުކުރަމުންދާ މީހުންގެތެރެއިން އެއްބަޔަކު މާލެގެންނަނީ

ލިޔުނީ : އަޙްމަދު ދާއޫދު

މާފުށީޖަލްގައި ހުކުމްތަންފީޒުކުރަމުންދާ މީހުންގެތެރެއިން ޕެރޯލަށް ޝަރުތުހަމަވާ 119 މީހުން މާލެގެންނެވުމަށް ރާއްވަވަމުންދާކަމަށް މޯލްޑިވްސް ޕެނިޓެންސަރީ ޑިޕާޓްމެންޓުން މިއަދު ހާމަކޮށްފިއެވެ. އެޑިޕާޓްމަންޓުން މިއަދު ހާމަކުރެއްވިގޮތުގައި މިމީހުންގެ ތެރެއިން ބައެއްމީހުންނަކީ މިކަމާބެހޭ ބޭފުޅުން އެމީހުންގެ ރެކޯޑްތައް ކުރިންޗެކުކުރައްވާ އަދި އިންޓަވިއުވެސް ކުރައްވާ ފައިވާ މީހުންނެވެ. މިމީހުންމާލެގެންނެވުމާއި އަދި ޕެރޯލްގެ އުޞޫލްތަކާއި އެއްގޮތަށް މާލޭގައި ތިބުމަށް މަގުފަހިކޮށްދިނުމުގެ ގޮތުންކުރައްވަންޖެހިވަޑައިގަންނަވާ ތައްޔާރީތައް މިހާރުގެންދަވަނީ ކުރައްވަމުންނެވެ.

ޑިޕާޓްމަންޓްއޮފް ޕެނިޓެންސަރީ އެންޑް ރިހެބެލިޓޭޝަނުން ހާމަކުރައްވާ ގޮތުގައި ޕެރޯލަށް ޝަރުތުހަމަވާތީ މިރޭ މާލެގެންނަވަން ހަމަޖައްސަވާފައިވާ 119 މީހުންގެ އިތުރަށް ޖަލްގައި މިވަގުތު ބައިތިއްބުން ރަގަޅުނޫންކަމަށް ޑޮކްޓަރުން ލަފާދެއްވާފައިވާ ބަލިމީހުންގެ 12 މީހަކުވެސް މިރޭމާލެގެންނެވުމުގެ މަސައްކަތް އެޑިޕާޓްމަންޓުން މިއަދުވަނީ ފައްޓަވާފައެވެ. މި 12 މީހުންގެ ތެރެއިން ބައެއްމީހުން ވަނީ މިރޭ އިރާކޮޅު މާލެގެންނަވާފައެވެ.
ޕެނިޓެންޝަރީ ޑިޕާޓްމަންޓުން މިފިޔަވަޅުތައް މިއަޅުއްވަނީ ޖަލްގައި މިހާރުހުކުމް ތަންފިޛު ކުރަމުން ގެންދާ ގިނަބަޔަކު މިއަދު ޖަލުންދާ ކާތަކެތި ނުކައި ބަނޑުހައިހޫނުކަމުގެ ހަޅުތާލުފަށާފައިވަނިކޮނެވެ. މިހަޅުތާލުކުރަމުންދާނަމަވެސް ޖަލްގައި އެއްވެސް ބާވަތެއްގެ ހަމަނުޖެހުމެއް ހިނގަމުން ނުދާކަމަށް ޕެނިޓެންޝަރީ ޑިޕާޓްމަންޓުން މަޢުލޫމާތު ދެއްވައެވެ.
ޖަލްގައި ހުކުމް ތަންފީޛް ކުރަމުންދާމީހުން ހަޅުތާލުކުރަންފެށީ އެމީހުންނަށް ލިބެންޖެހޭކަމަށް ބުނާޙައްޤުތަކެއް ހޯދުމަށް ސަރުކާރަށް ޕްރެޝަރކުރުމުގެ ބޭނުމުގައިކަމަށް ގައިދީންނާ ހަވާލާދީ މަޢުލޫމާތު ލިބިފައިވެއެވެ.

2008-12-06T22:00:00.003+05:00

ލިޔެސްހޮލިޑޭ ކަޕުން ފެންނާނެ ތަރިން

ލިޔުނީ: މޫސާ ޙުސެއިން / މިހާސް

ފުރަތަމަފަހަރަށް ލިޔެސް ޖަމްޢިއްޔާއިން ފުރިހަމައަށް އިންތިޒާމްކޮށްގެން މިމަހުގެ 12 ގައި ފެށުމައްހަމަޖެހިފައިވާ ލިޔެސް ހޮލިޑޭކަޕް ވެގެންދާނީ މޮޅެތި އެތައްކުޅުން ތެރިންތަކެއްގެ ހުނަރު އެއްތަނަކުން ފެނިގެންދާނެ މުބާރާތަކަށެވެ.
މިމުބާރާތުގައިކުޅޭނެ ކަމަށް ބެލެވޭ މިރަށުގެ ކުޅުންތެރިންތަކުގެ ތެރެއިން އެންމެމޮޅު ކުޅުމެއްދައްކާނެ ކަމަށް އެންމެންވެސް އިއްތިފާގުވަނީ ލަންދޫގައިމިވަޤުތު ހުރިކަމަށް ބެލެވޭ އެންމެމޮޅު ކުޅުންތެރިޔާ ޔޫސުފް އަބްދުއް ރަޙީމް (ޔޫއްޓޭ)އެވެ. އެފްސީއޮކާޗީގެ މިމުހިންމު ކުޅުންތެރިޔާ މިވަގުތު ފޯމެއްގައި ހުރުމުން މީނާގެފަރާތުން މީނާގެ އަސްލު ކުޅުންފެނިގެންދާނެ ކަމަށް ބެލެއެވެ.

މިލިސްޓިގެ ދެވަނައިގައި އުޅެނީ ޔޫއްޓޭގެ ކޮއްކޮ ނައުޝާދު އަބްދުއްރަހީމް( ނާގެ )އެވެ. މީނާއަކީވަރުބަލި ވުމެއްނެތި މުޅި ދަނޑުގައި ދުވެ ހިތްވަރުކޮށްގެން ކުޅޭވަރަށް ޙުނަރުވެރި ކުޅުންތެރިއެކެވެ. ނަމަވެސް ކަކާގެ ނަމުން މަޝްޙޫރުވެގެން އަންނަ މިޒުވާންކުޅުންތެރިޔާ މިދުވަސްކޮޅު ފޯމުންގެއްލިފައި ހުރުމުން މުބާރާތުގައި ވަރަށް ހިތްވަރުކުރަންޖެހެއެވެ.
ރާއްޖޭހެ މަޝްޙޫރު ފުޓްބޯޅަޓީމް ނިއުގެފޯވާޑް ކޮކީގެ ބޭބެއިސްމާއިލް ޝިމާޒް (ކައްޓި) އަކީ މިމުބާރާތުގައި މޮޅުކުޅުމެއް ދައްކާނެ ހުނަރުވެރި ކުޅުންތެރިއެކެވެ. ޕާސްދިނުމުގައި ދެވަނައެއްނެތް ކައްޓި ފާހަގަ ކުރެވިފައިވަނީ ގޯލްނޫން ކޮންމެ މަޤާމަކައްފިޓް އަދި ހަށިގަނޑުގެ މޫވްމަންޓުތައް އެންމެފުރިހަމައެއް ކުޅުންތެރިއެއްގެ ގޮތުގައެވެ. ކައްޓި މިވަގުތު ފޯމެއްގައި ހުރިއިރު މިމުބާރާތުގެ އެންމެމޮޅު ކުޅުންތެރިޔާއަށް މީނާވާދަ ކުރާނެ ކަމަށް ޔަޤީންކުރެވެއެވެ.
މާގިނައިންބޯޅަ ނުހިފަހައްޓައި ޓައިމިންގައި ކުޅުންތެރިންނަށް ޕާސްދެވޭނަމަ ޙުސެއިން ޖަވާދު (ޖަވާ ) މިފަހަރުގެ މިކަޕުގައި އެންމެމޮޅު މަގާމްހޯދުން އެންމެގާތް އެކަކެވެ. ޖަވާގެ މަސައްކަތުން ޖަވާގެ ކުޅުންވަނީމި މުބާރާތައްޓަކައި ވަރަށްބޮޑު ތަން ރަނގަޅުކޮށްފައެވެ. މިވަގުތު ރަނގަޅު ފޯމެއްގައި ހުރިޖަވާއަކީ ގޯލާވެސް ވަރަށް ރައްޓެހި ކުޅުންތެރިއެކެވެ. މިމުބާރާތުގައި އެފްސީއޮކާޗީގެ އުއްމީދުތައްވެސް ގުޅިފައިވަނީ ޖަވާއާއެވެ.
ޒުވާންކުޅުންތެރިއަކަށް މިމަޤާމްލިބޭނެނަމަ ލިބުންއެއްމެ ގާތީ އެފްސީޗެލެންޖުގެ ޢުމުރުން 16 އަހަރުގެ މުޙަންމަދު ސަމާޙު (ސަމައްޓޭ ) އެވެ. މިވަގުތު ފޯމްގައިހުރި ސަމައްޓޭއަކީ ޑްރިބަލްކުރުމާއި އެއްވަރަށް ސްޕީޑްރަނގަޅު ހުނަރުވެރިއެކެވެ. ސަމައްޓޭއަކީ ޒުވާންކުޅުންތެރިން ހިމެނޭ އެފްސީ ޗެލެންޖުގެ ލަނޑުޖަހާ މެޝިނައްވާނެ ކުޅުންތެރިޔާވެސްމެއެވެ.
މިލިސްޓުންދެންފާހަގަ ކޮށްލެވެނީ މިމުބާރާތް ހޮލިޑޭކަޕްގައި ކުރިއަށް ގެންދިއުމަށް އިސްނެގި އެއްކުއްޖަކު ކަމުގައިވާ އަބްދުއްﷲ އާރިފް (އާރިއްޕޭ )އެވެ. އާރިފް ފާހަގަކުރެވިފައިވަނީ މާކަރަކަށް ކުޅެމުން ކުރިއަށްއަރައި ލަނޑުޖަހާ ކުޅުންތެރިއެއްގެ ގޮތުގައެވެ. ވަރުބަލިވުމެއްނެތި ދުވެގެން ބޯޅަހޯދައިގެން ކުޅޭމި ކުޅުންތެރިޔާ ފާހަގަކުރެވިފައިވަނީ ބޮލުން ގޯލްޖެހުމުގެ މާހިރެއްގެވެސްގޮތުގައެވެ. އާރިއްޕޭވެފައިވަނީ ވެލޯސިޓީގެ މާތް ތަނބުކަމުގައެވެ.
މިއީމުބާރާތައް ތައްޔާރުވަމުން އަންނައިރުމިހާރު ކުޅުންތެރިންގެ ޕާރފޯމަންސްއަށް ބަލައިލާ ނިންމާލެވޭ ނިންމާލުމެކެވެ. ޔަޤީންވާކަމަކީ މިފަހަރުގެމި މުބާރާތުން އާދަޔާ ޚިލާފް ކަންތައްތަކެއް ފެނިއެތައް ހުނަރުވެރި މޮޅުކުޅުންތެރިން ތަކެއްފެންނާނެ ކަމެވެ.އަޅެބަލަންތިބެމާ ހިގާށެވެ.

2008-12-06T16:04:00.003+05:00

ޢީދުޗުއްޓީއަށް އަންނަ މީހުން އެއްއަހަރުން އަނެއްއަހަރަށް އިތުރުވަނީ

ލިޔުނީ : އަޙްމަދު ދާއޫދު

އެހެން އެއްވެސް ޢީދެއްގައި މީހުން ނާންނަވަރަށް މިޢީދުގައި މީހުންރަށަށްއަރައިފިއެވެ. ޢީދާއި ސްކޫލްބޮޑުޗުއްޓީ ދިމާވުމުން ވެސް އެއީ މީހުން އިތުރުވުމުގެ އެއްސަބަބު ކަމަށްވެދާނެއެވެ. ކޮންމެއަކަސް މިދިޔަހަފްތާގައި އެއްދޯނިންވެސް (އިރުފުށީގައިދުއްވާ ސަޕްލައިދޯނި)ން 60 ށްވުރެ ގިނަމީހުން ލަންދޫއަށް ޢީދުޗުއްޓީގައި އައިސްފައިވާއިރު އިއްޔެ އައި ލަންދޫބޯޓުން ގާތްގަޑަކަށް 100 ށްވުރެ ގިނަމީހުން މިވަނީ ޢީދުޗުއްޓީއަށް ލަންދުއަށް އައިހެވެ. އަދި ހަމަ މިއަދު މާފަރުބޯޓުންވެސް މަދުވެގެން 80 ވަރަކަށް މީހުން ލަންދޫއަށް އައިސްފައިވާނޭކަން ޔަޤީނެވެ.

ޢީދުޗުއްޓީއަށް ލަންދުއަށް މިފަހަރު އައިސްފައިވާ މީހުންގެ ތެރޭގައި އުތުރާއި ދެކުނުން މީހުން ހިމެނިފައިވެއެވެ. އުތުރުން އެނެމެއުތުރުން ހދ.ގެ ގްރޫޕެއްވެސް ރަށުތެރެއިން ފެންނަމުން އެބަދެއެވެ. އަދިހަމައެއާއިއެކު ދެކުނުން ފުވައްމުލަކާއި ސ.ހިތަދޫ ގެ ދެތިން މީހަކު އުޅޭތީވެސް ފެނެއެވެ. ޢާއްމުގޮތެއްގައި ގިނައީ ރަށުންބޭރުމީހުންެނެވެ. ނަމަވެސް ކުދިންނަށް ކިޔަވައިދިނުންފަދަ އެކިއެކި ބޭނުންތަކުގައި ދިރިއުޅުންބަދަލުކޮށްފައިވާ ރަށުގެ ޢާއިލާތައްވެސް މިފަހަރުގެ ޢީދުކުޅިވަރުތައް ބަލައިލުމަށް ރަށަށް އައިސްފައިވެއެވެ.
މިފަހަރުގެ ޢީދުގައި ލަންދޫގެ ޒުވާނުންނާއި ، ތަންކޮޅެއް ދުވަސްވީ ބޭފުޅުންނާއި ، ކުޑަކުދިން ހިމެނޭގޮތުން ވަރަށް ގިނަތަފާތު ކުޅިވަރުތައް ކުޅޭ ގޮތަށް ވަނީ ހަމަޖެހިފައެވެ.

2008-12-04T15:23:00.002+05:00

މަޤާމާޙަވާލުވިތާ 22 ދުވަސްފަހުން ހޯމް މިނިސްޓަރ އަލްފާޟިލް ޤާސިމް އިބްރާހީމް މަޤާމުން އިސްތިއުފާ ދެއްވައިފި

ލިޔުނީ : އަހްމަދު ދާއޫދު

އަލްފާޟިލް ޤާސިމް އިބްރާހިމް ހޯމްމިނިސްޓަރ ކަމުގެ މަޤާމާ ޙަވާލުވެލެއްވިތާ އެންމެ 22 ދުވަހުގެ ތެރޭގައި އިސްތިއުފާ ދެއްވުމުގައި ، އިދާރީމައްސަލަތަކާއި ، ކޮންމެހެން ނިންމަން ޖެހޭ ކަންތައް ނިންމުމަށް ބޭނުންވާ ފައިސާ ނުލިބުމުގެ މައްސަލަ ތަކާއި ކުއްވެރިންނަށް މަޢާފުދެއްވުން ވަކިގޮތަކަށް އަދިވެސް ނުނިމި އޮތުމުން ހިމެނޭކަމަށް މަޢުލޫމާތު ލިބިފައިވެއެވެ.

ސަރުކާރުހިންގެވުމަށް އެކުލަވާލަށްވާފައިވާ ކޯލިޝަނުން ޖުމްހޫރީ ޕާޓީވަކިވުމާއިމެދު ވިސްނަމުން ދާކަމަށާއި، މިކަމަށް ގޮތެއް ނިންމާނީ ޖުމްހޫރީ ޕާޓީގެ ކައުންސިލް ބައްދަލުވުމުން ކަމަށްވެސް ނޫސްވެރިންނަށް މަޢުލޫމާތު ދެއްވަމުން ޤާސިމް އިބްރާހީމް ވިދާޅުވިއެވެ.

2008-12-04T15:15:00.002+05:00

ލަންދޫޔޫތުއެންކަރޭޖިން ސޮސައިޓީގެ ފުރަތަމައަހަރީދުވަސް ފާހަގަކޮށްފި

ލިޔުނީ : އަޙްމަދު ދާއޫދު

ލަންދޫޔޫތު އެންކަރޭޖިންސޮސައިޓީ ( ލިޔެސް ) ގެ ފުރަތަމަ އަހަރީ ދުވަސް ފާހަގަކުރުމުގެ ގޮތުން ލަންދޫ ރައްޔިތުންގެ ކުޅިވަރުސްޓޭޖްގައި ވަރަށްކުލަގަދަ ޖަލްސާއެއް ރޭ ބާއްވައިފިއެވެ.
ނ.ލަންދޫ ތަނޑިރަތްމާގެ ޢަބުދުﷲ ޙަނީފް ( މަދަރުސަތުލްޢަރަބިއްޔާ ) ގެ ޤުރުއާން ކިޔެވުމުން ފެށިގެންދިޔަ މިޖަލްސާތަޢާރަފްކުރުމުގެ ގޮތުންވާހަކަދެއްކެވީ ޓީވީއެމްގެ ނިއުސްކާސްޓަރ ، ލިޔެސް ޖަމްޢިއްޔާގެ މާލޭ ފޯކަލްޕޮއިންޓް ނ.ލަންދޫ ފުރަވެރި އަލްފާޟިލް ޙަފްސީ ޢަބުދުﷲ އެވެ.

ޙަފްސީގެ ވާހަކައިގާ މިހާތަނަށް ޖަމްޢިއްޔާއަށް އެކި ގޮތްގޮތުން ހަފްސީ ބައިވެރިވެގެން ހޯދިފައިވާ ތަކެއްޗާއި ފައިސާގެ ތަފްސީލް ޖަލްސާގެ ޙާޒިރީންނަށް ވަރަށް ތަފްޞީލް ކޮށް އޮޅުން ފިލުއްވައިދެއްވިއެވެ. އަދި އޭނާއަކީ ހަމައެކަނި ލަންދޫގެ ރައްވެއްސަކަށް ވުންނޫން އެހެން ހުރިހާ ޚިދުމަތެއް އޭނައިގެ އުފަންރަށް ލަންދުއަށް އޭނައިގެ ފަރާތުން ދިނުމަށް އަބަދުވެސް ކެތްމަދުވެފައިވާ ރަށުގެ ޒުވާން ދަރިއެއްކަން އިތުރަށް ހާމަކޮށްދެއްވިއެވެ.
ލިޔެސް ޖަމްއިއްޔާގެ ވޭތުވެދިޔައަހަރުގެ އަހަރީ ރިޕޯޓް އިއްވަވައިދެއްވީ ޖަމްއިއްޔާގެ ނިމިގެންމިދިޔަ ދައުރުގެވެސް އަދި މިފެށުނު ދައުރުގެ ވެސް ރައީސް ނ.ލަންދޫ ކެރެޓް އަލްފާޟިލް މުޙައްމަދު އިބްރާހީމްއެވެ. އަހަރީ ރިޕޯޓްގައި ޖަމްއިއްޔާގެ މަޤްޞަދުތަކާއި ، މިހާތަނަށް ހިންގިފައިވާ ޙަރާކާތްތަކާއި، ކުރިއަށް ރޭވިފައިވާ ޙަރަކާތްތަކަށް ވަރަށް ތަފްޞީލް ކޮށް ބައްލަވައިލެއްވިއެވެ. އަދި ކުރިއަށް އޮތްދައުރަށް އެކުލަވާލެވުނު ޖަމްއިއްޔާގެ ހިންގާކޮމިޓީވެސް ރައީސް ރޭ ގެ ޖަލްސާގައި އިއުލާންކުރެއްވިއެވެ.
ޖަމްއިއްޔާއަށް އެކިރޮގުތަކުން އެހީތެރިވެދީ، މާލީގޮތުން ބޮޑެތި ފައިސާގެއެހީތައް ވެދެއްވާފައިވާ ފަރާތްތަކަށް އެކަމުގެ އަގުވަޒަން ކުރުމުގެ ގޮތުން ހަނަދާނީ ލިޔުން ދިނުން އޮތެވެ. އަދި ވޭތުވެ ދިޔަ އަހަރުގެ ޖަމްއިއްޔާގެ ޚިދުމަތްތެރިންގެ ތެރެއިން ޓޮޕް 5 ށް ޝަރަފްވެރިކަމުގެ ސެޓްފިކެޓް ދިނުންވެސް ރޭ ގެ ޖަލްސާގައި އޮތެވެ. މިބޭބޭފުޅުންގެ ނަންތައް އިއުލާންކޮށްދެއްވީ ޖަމްޢިއްޔާގެ ޚަޒާންދާރު ނ.ލަންދޫސްކޫލް ޕްރައިމަރީޓީޗަރ ލަންދޫ ވިނަރެސް އަލްފާޟިލް ޔޫސުފު ޢަބުދުއްރަހީމެވެ. ހަނދާނީ ލިޔުންތައް ބައްސަވައިދެއްވީ ޖަމްޢިއްޔާގެ އަންހެން ގޮފީގެ ރައީސާ އަލްފާޟިލާ ތަސްލީމާ އަބޫބަކުރާއި ، ޖަލްސާގެ ޝަރަފްވެރި މެހްމާނެވެ.
މިމަހުގެ 12 ވަނަދުވަހު ފެށުމަށް ހަމަޖެހިފައިވާ ހޮލިޑޭކަޕް ފުޓްބޯޅަ މުބާރާތާއި ނެޓްބޯޅަ މުބާރާތުގެ ޖާރޒީ ދައްކާލުމާއި މިދެ މުބާރާތުގެ ގުރުއަތުލުންވެސް ރޭ ގެ ޖަލްސާގައި އޮތެވެ. އަދި އަހަރީ ކޭކް ފެޅުމާއި މުނިފޫހިފިލުވުމުގެ އައިޓަމެއްވެސް މިޖަލްސައިގާ ފެނިގެން ދިޔައެވެ. އަހަރީ ކޭކް ފަޅައިދެއްވީ ޝަރަފްވެރިމެހްމާން އަލްފާޟިލް އަހްމަދު އާތިފްއާއި ޖަމްޢިއްޔާގެ ރައީސް އަލްފާޟިލް މުޙައްމަދު އިބްރާހީމެވެ.
މަލްޓިމީޑިޔާ ޕްރޮޖްކްޓަރ ބޭނުންކޮށްގެން ބެކްގްރައުންޑް ފައްކާކޮށްގެން ކުރިއަށް ގެންދިޔަ މިޖަލްސާގެ ޝަރަފްވެރި މެހްމާނެއްގެ ގޮތުން ބައިވެރި ވެލެއްވީ މަނަދޫ ޕޮލިސްޓްސޭޝަންގެ އިންޗާޖް ، ކޯޕްރަލް އަލްފާޟިލް އަޙްމަދު އާތިފް އެވެ. އާތިފްގެ ވާހަކައިގާ ލިޔެސް ޖަމްޢިއްޔާއަށް ވަރަށް ބޮޑަށް ތައުރީފް ކުރައްވަމުން ޖަމްއިއްޔާއަކުން މިއަތޮޅުގެ ފުލުހުންނަށް މިފަދަ ދައުވަތެއް ދިން މީ ފުރަތަމަފަހަރުކަމަށް ފާހަގަކުރެއްވިއެވެ. އަދި ރައްޔިތުންނާއި ޒުވާނުން މަސްތުވާތަކެތީގެ ވަބާއިން ދުރުކުރުމަށް ލިޔެސް ޖަމްޢިއްޔާއިން ހިންގާ ހުރިހާހަރަކާތްތަކެއްގައި ފުރިހަމައަށް ބައިވެރިވެލައްވާނެކަމުގެ ޔަޤީންކަން ފުލުހުންގެ ފަރާތުން އެބޭފުޅާ ދެއްވިއެވެ.

2008-12-03T16:12:00.002+05:00

ލަންދޫ ކެނެލްޓްރޭޑްގެ ވިޔާފާރި އެމީހުންގެ އައު ޢިމާރާތަށް ބަދަލުކޮށްފި

ލިޔުނީ : އަޙްމަދު ދާއޫދު

ނ.ލަންދޫ ކުޑަކަތީބު ލަންދޫ ފިތުރޯނުގެ އަލްފާޟިލް ޢަބުދުއްނާޞިރު ޢަލީ ގެ އޯނަރ ކަމުގެ ދަށުގެ ދަށުން ލަންދޫގައި ހިންގަމުން ދިޔަ ކެނެލްޓްރޭޑް ( އަލިބެފިހާރަ ) އެމީހުންގެ އާ ޢިމާރާތަށް ބަދަލުކޮށްފިއެވެ. މިހާތަނާ ޖެހެންދެން ކެނަލްޓްރޭޑް ހިންގަމުން ގެންދިޔައީ ލަންދޫ މަލަ ( ނާސިރު ބައްޕަގެ ގޭ ) ގައި ހަދާފައިވާ ކުޑަކުޑަޢިމާރާތެއްގައެވެ. މިފިހާރައިގެ މުދާ މި ބަދަލުކުރީ ނާސިރުގެ އަމިއްލަ ގެ (ފިތުރޯނުގޭ) ގައި ޒަމާނުގެ ފެންވަރަށް ހަދާފައިވާ ބޮޑުޢިމާރާތަކަށެވެ.

ކުރިން ނާސިރު ނިންމައިގެން ހުރީ މި ދެޢިމާރާތުގައިވެސް ވިޔަފާރި ކުރިއަށް ގެންދާގޮތަށެވެ. ނަމަވެސް ކުއްލިއަކަށް ކުރިން ހުރިފިހާރައިގެ މުދާ އާޢިމާރާތަށް ބަދަލުކޮށް ވިޔަފާރި ކުރަން ފެށިތަން ފެނުމުން، މިއީ ކިހިނެތް ނިންމި ނިންމުމެއްތޯ ނާސިރު ކައިރީ އަޅުގަނޑުއަހާލީމެވެ. ނާސިރު ބުނި ގޮތުން ދެފިހާރަ ހިންގެން މިވަގުތު ނެތީ ދެފިހާރަބަލަހައްޓަން ޖެހުމަކީ ފުދޭވަރެއްގެ ބޮޑު ބުރަމަސައްކަތަކަށްވާކަމެވެ. "ކުރިން ބައްޕަ އެފިހާރައިގާ އިންނަނީ ، ނަމަވެސް މިހާރު ބައްޕަވެސް މަންމަވެސް މިކަމަކާ އަޅައެއްނުލައި" ނާސިރު އިތުރަށްއޮޅުންފިލުއްވައިދެއްވިއެވެ.
ރޭ ރަސްމީކޮށް ވިޔާފާރިކުރަން ފެށި ކެނެލްޓްރޭޑުން ޢާއްމު ދިރިއުޅުމަށް ބޭނުންވާ ހުރިހާބާވަތެއްގެ މުދާވެސް ލިބެންހުރެއެވެ. އޭގެތެރޭގައި އައިސްކުރީމް ، އައިސްކޯން ، އައިސްކުކުޅު، ސޮސެޖް، ފަދަ ތަކެތި ހިމެނެއެވެ.